ৰাণীৰ ব্যৱসায়ী সন্থাৰ ব্যতিক্ৰমী প্ৰচেষ্টা

সম্প্ৰতি দেশৰ লগতে ৰাজ্যতো এক বিভীষিকাময় পৰিস্থিতিয়ে ৰাজ্যবাসীক জৰুলা কৰিছে। এফালে বিশ্বব্যাপি ক’ৰণা ভাইৰাচৰ সন্ত্ৰাস আনফালে ৰাজ্যৰ চৌদিশে বানাক্ৰান্তৰ কৰুণ দৃশ্যৰ লগতে বানপানীৰ বাবে বহুকেইখন অভয়াৰণ্যৰ বন্যপ্ৰাণী তীব্ৰ খাদ্য সংকটত ভুগিছে।

 

 

 

ৰাজ্যৰ প্ৰথমটো প্ৰলয়ংকাৰী বানত অন্য অভয়াৰণ্যৰ লগতে পবিতৰা অভয়াৰণ্যৰ বন্যজন্তুয়ে এতিয়া নিৰাপদ আশ্ৰয় বিচাৰি হাহাকাৰ পৰিস্থিতি কৰি ফুৰাৰ সমান্তৰালভাৱে খাদ্যৰ সন্ধানত বিশ্ববিখ্যাত অসম গৌৰৱ এশিঙীয়া গড়ৰ লগতে অন্য জীৱজন্তু তীব্ৰ খাদ্য সংকটত ভুগিছে।

 

 

 

এই বন্যজীৱজন্তু সমুহক খাদ্য যোগানৰ বাবে এইবাৰ ওলাই আহিল একাংশ হৃদয়ৱান ব্যক্তি। গুৱাহাটী মহানগৰীৰ সমীপৱৰ্তী বৃহত্তৰ ৰাণী জিৰাং ব্যৱসায়ী সন্থাই ল’লে এই ব্যতিক্ৰমী পদক্ষেপ।স্থানীয় বন বিষয়া মনোৰঞ্জন বৰ্মন আৰু ৰাণী আৰক্ষী চকীৰ আৰক্ষী বিষয়া বিক্ৰম বসুমতাৰীৰ সহযোগত এইসকল ব্যৱসায়ীয়ে চাৰিখন ডাম্পাৰেৰে বন্য জীৱজন্তুৰ বাবে ঘাঁহ বন আদি পবিতৰা অভয়াৰণ্যলৈ লৈ যায়।

 

 

 

ব্যৱসায়ী অনিল গোস্বামী, মনোৰঞ্জন দাস, সুভাষ দাস, অভিজিৎ গোস্বামী, পুলিন দাসৰ লগতে বহুকেইজন ব্যৱসায়ীৰ উপস্থিতিত ৰাণীৰ পৰা পবিতৰা অভয়াৰণ্যলৈ এই খাদ্যসমুহ লৈ যায়।পৰৱৰ্তী সময়ছোৱাত বান পৰিস্থিতি যদি অব্যাহত থাকে তেতিয়াহলে কাজিৰঙা অভয়াৰণ্যলৈ এনেদৰে জীৱ জন্তুৰ বাবে ঘাঁহ বন লৈ যোৱাৰ ব্যৱস্থা কৰিব বুলি ব্যৱসায়ীসকলে জানিবলৈ দিয়ে।

 

 

এনে আদৰণীয় পদক্ষেপক প্ৰকৃতি প্ৰেমী ৰাইজে প্ৰশংসা কৰিছে। উল্লেখ্য যে বিগত সময়ছোৱাত এই ব্যৱসায়ী সন্থাটোৱে বিভিন্ন প্ৰান্তত বহু দুখীয়া নিৰীহ লোকক সহায়ৰ হাত আগবঢ়াই অহাৰ উপৰিও লক ডাউনৰ সময়ছোৱাত বৃহত্তৰ ৰাণী অঞ্চলটোৰ প্ৰায় দুই হেজাৰ পৰিয়ালক খাদ্য সামগ্ৰী বিতৰণ কৰিছিল।

Share on whatsapp
WhatsApp
Share on facebook
Facebook
Share on twitter
Twitter
Share on email
Email

কানাডা চলচিত্ৰ মহোৎসৱত সন্মান আজুৰিলে বড়ো অভিনেত্ৰীয়ে

কানাডাত অনুষ্ঠিত হোৱা আন্ত:ৰাষ্ট্ৰীয় চলচিত্ৰ মহোৎসৱত সন্মানিত হৈছে বড়ো অভিনেত্ৰী পানছি ব্ৰহ্ম।

Dusk ছবিখনৰ বাবে তেওঁ সন্মানিত হৈছে।এই ছবিখন পৰিচালনা কৰিছে উজ্বল প’লে আৰু সহযোগী অভিনেতা মনোজ কৰে।উল্লেখযোগ্য যে পানছি ব্ৰহ্ময়ে আন্তৰাষ্ট্ৰীয় বিভিন্ন চলচ্চিত্ৰ সন্মানৰ বাবে নিৰ্বাচিত হৈছে।আন্ত:ৰাষ্ট্ৰীয় ফিল্ম মহোৎসৱত নিৰ্বাচিত হোৱা পানছি ব্ৰহ্ম প্ৰথমগৰাকী বড়ো অভিনেত্ৰী।

মন কি বাত অনুষ্ঠানৰ জৰিয়তে দেশবাসীক বিজয়া দশমীৰ শুভেচ্ছা জনালে প্ৰধানমন্ত্ৰীয়ে

মন কি বাত অনুষ্ঠানৰ জৰিয়তে দেশবাসীক বিজয়া দশমী তথা দশেৰাৰ শুভেচ্ছা জনালে প্ৰধানমন্ত্ৰী নৰেন্দ্ৰ মোডীয়ে । অনুষ্ঠানৰ জৰিয়তে প্ৰথমতে প্ৰধান গৰাকীয়ে দেশবাসীক বিজয়া দশমীৰ শুভেচ্ছা জ্ঞাপন কৰে।

 

 

 

লগতে মন কি বাত অনুষ্ঠানৰ জৰিয়তে আহি থকা দিনবোৰতো আৰু অধিক সতৰ্ক হৈ থকাৰ পৰামৰ্শ দিয়ে মোডীয়ে।আনহাতে উৎসৱৰ আনন্দৰ মাজত যাতে দেশৰ জনতাই  দেশৰ বীৰ সন্তান সকলৰ কথা পাহৰি নাযায় সেই কথাও ব্যক্ত কৰে।সীমান্তত দায়িত্ব থকা জোৱানসকলৰ বাবে নিজৰ ঘৰত মাটি চাকি জ্বলোৱা আহ্বান জনায় প্ৰধানমন্ত্ৰী নৰেন্দ্ৰ মোডীয়ে।

এগৰাকী চিকিৎসকে শিশুৰ বাবে এখন উদ্যান আগবঢালে

পূজা বতৰত শিশু সকললৈ পূজা উপহাৰ আগবঢ়ালে এগৰাকী চিকিৎসকে ।তিনিচুকীয়া জিলা ডিগবৈ ৰশ্মিতা উপাধ্যায় নামৰ চিকিৎসক গৰাকীয়ে সপ্তমী দিনা এখন শিশু উদ্যান আগবঢালে।

 

চিকিৎসক গৰাকীয়ে ডিগবৈ বালিজান প্ৰাথমিক বিদ্যালয়ৰ প্ৰাঙ্গনত পিতৃ মাতৃ সোঁৱৰণত এখনি শিশু উদ্যান স্থাপন কৰে। এই শিশু উদ্যান খন শুভ উদ্বোধন কৰে অসম চিকিৎসা মহাবিদ্যালয় অৱসৰপ্ৰাপ্ত অধ্যক্ষ ড° নাৰায়ণ উপাধ্যায় । উল্লেখযোগ্য যে চিকিৎসক গৰাকী এনে মহানুভৱতাক অঞ্চলবাসীয়ে শলাগ লয়।

জিৰাফক চাহ বাগিছাৰ মাজত ৰাখিছে,কিন্তু কিয়

হাতীৰ উপদ্ৰপৰ পৰা ৰক্ষা পাবলৈ নুমলীগড় চাহ বাগিচাৰ কর্তৃপক্ষই গ্ৰহণ কৰিছে এক বিশেষ পদক্ষেপ।ধলাগুৰি চাহ বাগিচাৰ কৰ্তৃপক্ষই গ্ৰহণ কৰিছে এই ব্যৱস্থা।

 

উল্লেখযোগ্য যে ধলাগুৰি চাহ বাগিচাত চাহ বাগানৰ মাজত স্থাপন কৰিছে এক জিৰাফৰ  কাঠৰ প্ৰতিমূৰ্তি । চাহ বাগিচাৰ কর্তৃপক্ষই বিশ্বাস কৰে যে বনৰীয়া হস্তীয়ে এই জিৰাফক দেখিলে দূৰতে বিদূৰ হ’ব। সেইসূত্রে তেওঁলোকে জিৰাফৰ প্ৰতিমূৰ্তি বাগিচাত স্থাপন কৰিছে।

উল্লেখযোগ্য যে এই প্ৰকাণ্ড কাঠৰ জিৰাফটো দেখিলে বন্যহস্তী যাক আঁতৰি যায়।যি সময়ত হাতী মানুহৰ সংঘাতে ভয়াৱহ ৰূপ ধাৰণ কৰিছে,সেই সময়ত বাগিচাৰ কৰ্তৃপক্ষই জিৰাফক বাগিছাত স্থাপন কৰি নিৰ্দশন দাঙি ধৰিছে।