নতুন দিল্লীস্থ এচ’ছিয়েচন অব ইণ্ডিয়ান ইউনিভাৰ্ছিটিজ(এ আই ইউ)ৰ উদ্যোগত উত্তৰ প্ৰদেশৰ নয়ডাৰ অমিতি বিশ্ববিদ্যালয়ত অহা ৩ৰ পৰা ৭ ফেব্ৰুৱাৰীলৈ পাঁচদিনীয়া কাৰ্যসূচীৰে অনুষ্ঠিত হ’বলগীয়া ৩৫ সংখ্যক ৰাষ্ট্ৰীয় মহোৎসৱখনৰ পৰ্যবেক্ষক হিচাপে এ আই ইউ এই গুৱাহাটী বিশ্ববিদ্যালয়ৰ ছাত্ৰ কল্যাণ সঞ্চালক ড০ ৰঞ্জন কুমাৰ কাকতিক নিযুক্তি দিছে।ইয়াৰ পূৰ্বে বিগত বৰ্ষত তামিলনাডুৰ আলাগাপ্পা বিশ্ববিদ্যালয়ত অনুষ্ঠিত দক্ষিণ মণ্ডল আন্তঃবিশ্ববিদ্যালয় যুৱ মহোৎসৱৰ এ আই ইউৰ পৰ্যবেক্ষক হিচাপে দায়িত্ব নিয়াৰিকৈ পালন কৰিছিল।উল্লেখ্য ড০ ৰঞ্জন কুমাৰ কাকতি এ আই ইউ আৰু সৰ্বভাৰতীয় পৰ্যায়ৰ বিশ্ববিদ্যালয় মহোৎসৱৰ পৰ্যবেক্ষকৰ দায়িত্ব লাভ কৰা প্রথম গৰাকী অসমীয়া।
পুৰণিগুদামৰ বিহু তলিত অ ৪ ব`হাগৰ দিনটোক ‘গছ বিহু’ হিচাপে পালনৰ আহ্বান অৰণ্য মানৱৰ
admin April 19, 2021 1:27 PM
ৰাজ্যৰ সৰ্বত্ৰে এতিয়া ৰঙালীৰ উখল মাখল পৰিৱেশ। নগাঁও পুৰণিগুদামত ‘নাট্যম গোষ্ঠী’য়ে অনুষ্ঠিত কৰিছে বিহু নৃত্য আৰু ঢোল বাদনৰ কৰ্মশালাৰ । অলপতে নাট্যম গোষ্ঠীয়ে অনুষ্ঠিত কৰা মুকলি বিহু চাবলৈ পাৰঘাটৰ বিহু তলিত উপস্থিত হয় অৰণ্য মানৱ যাদৱ পায়েং।
উল্লেখযোগ্য যে তেখেতে পুৰণিগুদামৰ বিহু তলিত উপস্থিত হৈ ৪ ব’হাগৰ দিনটো পৰম্পৰাগত ভাৱে গছ বিহু হিচাপে পালন কৰিবলৈ নগাঁওবাসীক আহ্বান জনায়।গছৰ তলত বিহু পাতিলে নাচিবলৈ নজনা গছজোপায়েও হাঁহিব পাৰে বুলি তেখেতে মন্তব্য কৰে।
অৰণ্য মানৱ যাদৱ পায়েঙক এখনি গামোচা, এখন চেলেং চাদৰ আৰু এখন ফলকৰ জৰিয়তে ৰাজহুৱাভাৱে সম্বৰ্দ্ধনা জ্ঞাপন কৰে।অনুষ্ঠানত উপস্থিত থাকি প্ৰকৃতি তথা মানুহৰ প্ৰাকৃতিক ভাৰসাম্য ৰক্ষাৰ অৰ্থে কৰিবলগীয়া কৰ্ম সম্বন্ধেও পায়ঙে মন্তব্য কৰে।
ভিউৱাছৰ মতামত