গুৱাহাটীৰ পশ্চিম প্ৰান্তৰ আজাৰা পাটগাঁওস্থিত প্ৰথম ৰাষ্ট্ৰীয় দুৰ্যোগ সঁহাৰি বাহিনী চমুকৈ এন.ডি.আৰ.এফৰ উদ্যোগত আজাৰাৰ পৰা কিছু নিলগৰ মিৰ্জাস্থিত জিলা শিক্ষণ প্ৰশিক্ষণ প্ৰতিষ্ঠান (ডায়েট) চৌহদত আজিৰে পৰা পূব আৰু উত্তৰ পূব মণ্ডল ভিত্তিত তিনিদিনীয়াকৈ আৰম্ভ হৈছে হৈছে আন্তঃ এন.ডি.আৰ.এফ বেটেলিয়ান দক্ষতা বৃদ্ধিৰ প্ৰতিযোগিতা। প্ৰতিযোগিতাত পূব আৰু উত্তৰ পূব মণ্ডলত থকা প্ৰথম, দ্বিতীয়, নৱম আৰু দ্বাদশ বেটেলিয়ানৰ প্ৰায় ১০০ জন বিভিন্ন বৰ্গৰ বিষয়া-জোৱানে ভাগ লৈছে। আজি পুৱা প্ৰতিযোগিতাখন উদ্ধোধন কৰে কলকাতাস্থিত দ্বিতীয় এন.ডি.আৰ.এফৰ কমাণ্ডেণ্ট গুৰ্মিন্দৰ সিংয়ে। অনুষ্ঠানত প্ৰথম এন.ডি.আৰ.এফৰ চেকেণ্ড-ইন-কমাণ্ড পংকজ কেভিদয়াল, ডেপুটি কমাণ্ডেণ্টদ্বয় অনিল চৌহান আৰু ডাঃ তেজ বাহাদুৰকে ধৰি কেবাজনো বিষয়া উপস্থিত থাকে। আনহাতে প্ৰতিযোগিতাত এন.ডি.আৰ. এফ বাহিনীয়ে ভূমিকম্প, বানপানী, ভূমিস্খলন, ধুমুহাকে ধৰি বিভিন্ন প্ৰাকৃতিক দুৰ্যোগ, দুৰ্ঘটনাকে ধৰি যিকোনো মানৱসৃষ্ট দুৰ্যোগত আক্ৰান্ত লোকক উদ্ধাৰ, সাহায্য আৰু প্ৰাথমিক চিকিৎসা প্ৰদান কাৰ্যত ব্যৱহৃত সা-সামগ্ৰী সমূহৰ প্ৰদৰ্শন কৰা হৈছে। ইয়াৰ উপৰিও প্ৰথম এন.ডি.আৰ. এফৰ কমাণ্ডেণ্ট এইছ. পি. এছ কাণ্ডাৰীয়ে প্ৰতিযোগিতাত ভাগ লোৱা সকলো প্ৰতিযোগিক শুভেচ্ছা জ্ঞাপন কৰি সকলোৱে যাতে সৰ্বস্ব উজাৰি উন্নত প্ৰদৰ্শন কৰে তাৰ কামনা কৰিছে। তিনিদিনিয়াকৈ অনুষ্ঠিত প্ৰতিযোগিতাখনৰ ১০ নৱেম্বৰত সামৰণি পৰিব।
Trending
- প্ৰকৃতিপ্ৰেমী মঞ্চ অসমৰ জহামাল উদ্ধাৰ
- প্ৰতিকূল বতৰকো নেওচি সৰ্বানন্দ সোণোৱালৰ সমৰ্থনত ওলাই আহিল হাজাৰ হাজাৰ লোক-ডিব্ৰুগড় লোকসভা সমষ্টিৰ বিজেপি নেতৃত্বাধীন এনডিএ-ৰ প্ৰাৰ্থী হিচাপে মনোনয়ন পত্ৰ দাখিল কৰে কেন্দ্ৰীয় মন্ত্ৰী সৰ্বানন্দ সোণোৱালে
- পল্টন বজাৰত বহুভাষিক কাব্য সন্ধ্যা অনুষ্ঠিত
- Dr. Buljit Buragohain at the Annual Lecture Program of the Department of Education B Borooah College
- কাহিলীপাৰাত প্ৰসিদ্ধ সাহিত্যিক, সমালোচক ড০ গোবিন্দ প্ৰসাদ শৰ্মাক পৰাগজ্যোতি প্ৰকাশনৰ সম্বৰ্দ্ধনা
- এইচ ডি এফ চি বেংকে সমগ্ৰ ভাৰতত ৬০ টা বেংকিং আউটলেট উদ্বোধন
- কামৰূপ মহানগৰ জিলা নেহেৰু যুৱ কেন্দ্ৰৰ উন্নয়ন খণ্ড ভিত্তিত ক্ৰীড়া উৎসৱ
- বিশ্ব কবিতা দিৱসত কবিতাৰ বৰষুণ
- গুৱহাটীত দুখন আই পি এল মেচ খেলিব ৰাজস্থান ৰয়েলছে- নিশ্চিত কৰিলে দলৰ অধ্যক্ষ অসমৰ ৰঞ্জিত বৰঠাকুৰে
- জিএন আৰ চি হাস্পাতালত বিশ্ব মগজুৰ আঘাত সংক্ৰান্তীয় সজাগতা দিৱস পালন