অসমৰ ক্ৰীড়া ক্ষেত্ৰত আন এক সোণালী অধ্যায় ৰচনা কৰিলে অসমৰ ৬জন কাৰাটে খেলুৱৈয়ে।যোৱা ২৯ নৱেম্বৰৰ পৰা ২ ডিচেম্বৰলৈ দক্ষিণ আফ্ৰিকাৰ ডাৰবানত অনুষ্ঠিত হোৱা কমনেৱলথ কাৰাটে গেমছত অসমৰ ৮ গৰাকী খেলুৱৈয়ে অংশগ্ৰহণ কৰি ৮ টাকৈ পদক জিনিলে । ৩ টা সোণৰ পদক, ৩টা ৰূপৰ আৰু ২ টা ব্ৰঞ্জৰ লাভ কৰি অসমলৈ গৌৰৱ কঢ়িয়াই আনিছে খেলুৱৈকেইগৰাকীয়ে।হেমফু বংজাঙে ১০-১১ বছৰীয়া লৰাৰ কাটা শাখাত এটা সোণ , কুমিটেত এটা ব্ৰঞ্জৰ লগতে ৮-১৩ বছৰীয়া দলীয় কাটা শাখাত এটা ব্ৰঞ্জৰ পদক অৰ্জন কৰিছে । ১০-১১বছৰৰ ৩০কেজিৰ তলৰ শাখাত পঞ্চমিতা বৰদলৈয়ে সোণৰ পদক, ল’ৰাৰ -৭৬ জুনিয়ৰ শাখাত নিষাদ আলীয়ে সোণৰ পদক, ১০-১১বছৰীয়া কাটা শাখাত ৰূপৰ পদক অৰ্জন কৰিছে মুগ্ধা বৰুৱাই। ইফালে কুমিটেত ১০-১১ বছৰীয়া ৪০কেজিৰ তলৰ শাখাত মৃন্ময় দেওঘৰীয়াই ৰূপৰ পদক লাভ কৰিলে। ছোৱালীৰ জুনিয়ৰ শাখাত ৫৯ কেজিৰ উৰ্ধত ইমন গগৈ ৰূপৰ লাভ কৰি অসমলৈ গৌৰৱ কঢ়িয়াই আনিলে । ইয়াৰ উপৰিও আকাংক্ষা কোঁৱৰ,আৰু গীতগুঞ্জন দাসে সুন্দৰ প্ৰদৰ্শন আগবঢ়ায় যদিও পদক লাভত ব্যৰ্থ হয় । অসমৰ পৰা সৰ্বমুঠ ৮ গৰাকীয়ে খেলুৱৈয়ে ভাৰতীয় দলত খেলাৰ সুযোগ লাভ কৰিছে । ভাৰতীয় দলটোৰ প্ৰশিক্ষকৰ দায়িত্বত আছিল উকাৰ সাধাৰণ সম্পাদক চিহান নগেন বংজাং । উল্লেখ্য যে চলিত বৰ্ষতে হেমফু বংজাঙে ক্ৰুৱেচীয়াত অনুষ্ঠিত বিশ্ব যুৱ কাপ কাৰাটে প্ৰতিযোগিতাত ব্যক্তিগত কাটা শাখাত ৰূপৰ পদক অৰ্জন কৰিছিল ।খেলুৱৈ কেইগৰাকীৰ এই সফলতাৰ বাবে ইউনাইটেড কাৰাটে ড’ এছোচিয়েচনৰ তৰফৰ পৰা আন্তৰিক শুভেচ্ছা জনাইছে।
Trending
- প্ৰকৃতিপ্ৰেমী মঞ্চ অসমৰ জহামাল উদ্ধাৰ
- প্ৰতিকূল বতৰকো নেওচি সৰ্বানন্দ সোণোৱালৰ সমৰ্থনত ওলাই আহিল হাজাৰ হাজাৰ লোক-ডিব্ৰুগড় লোকসভা সমষ্টিৰ বিজেপি নেতৃত্বাধীন এনডিএ-ৰ প্ৰাৰ্থী হিচাপে মনোনয়ন পত্ৰ দাখিল কৰে কেন্দ্ৰীয় মন্ত্ৰী সৰ্বানন্দ সোণোৱালে
- পল্টন বজাৰত বহুভাষিক কাব্য সন্ধ্যা অনুষ্ঠিত
- Dr. Buljit Buragohain at the Annual Lecture Program of the Department of Education B Borooah College
- কাহিলীপাৰাত প্ৰসিদ্ধ সাহিত্যিক, সমালোচক ড০ গোবিন্দ প্ৰসাদ শৰ্মাক পৰাগজ্যোতি প্ৰকাশনৰ সম্বৰ্দ্ধনা
- এইচ ডি এফ চি বেংকে সমগ্ৰ ভাৰতত ৬০ টা বেংকিং আউটলেট উদ্বোধন
- কামৰূপ মহানগৰ জিলা নেহেৰু যুৱ কেন্দ্ৰৰ উন্নয়ন খণ্ড ভিত্তিত ক্ৰীড়া উৎসৱ
- বিশ্ব কবিতা দিৱসত কবিতাৰ বৰষুণ
- গুৱহাটীত দুখন আই পি এল মেচ খেলিব ৰাজস্থান ৰয়েলছে- নিশ্চিত কৰিলে দলৰ অধ্যক্ষ অসমৰ ৰঞ্জিত বৰঠাকুৰে
- জিএন আৰ চি হাস্পাতালত বিশ্ব মগজুৰ আঘাত সংক্ৰান্তীয় সজাগতা দিৱস পালন