মহানগৰীৰ জালুকবাৰী কেন্দ্ৰীয় নাগৰিক সমিতি , গুৱাহাটী পৌৰ নিগম আৰু আৰক্ষী প্ৰশাসনৰ যৌথ উদ্যোগত আজি বিয়লি ৩ বজাত পাণ্ডু কলেজ গেট দুৰ্গা মণ্ডপ প্ৰেক্ষাগৃহত ক`ভিড ১৯ ৰ সজাগতা সন্দৰ্ভত এখন সভা অনুষ্ঠিত হয় । জালুকবাৰী কেন্দ্ৰীয় নাগৰিক সমিতিৰ সভাপতি ভূপেন্দ্ৰ নাথ সোনোৱালৰ সভাপতিত্বত অনুষ্ঠিত সজাগতা সভা খনত ক`ভিড প্ৰট`কল মানি চলি নাগৰিক সমিতি আৰু স্থানীয় বজাৰ সমিতিৰ প্ৰায় অৰ্ধ শতাধিক লোক উপস্থিত থাকে । সভাখনৰ আৰম্ভণিতে উদ্দেশ্যে ব্যাখ্যা কৰে জালুকবাৰী কেন্দ্ৰীয় নাগৰিক সমিতিৰ সাধাৰণ সম্পাদক দ্বিজেন লহকৰে । সভাত জিলা প্ৰশাসনৰ তৰফৰ পৰা যুটীয়া আয়ুক্ত পুলক মহন্ত , অতিৰিক্ত উপায়ুক্ত সঞ্জীৱ শইকীয়া , দণ্ডাধীশ প্ৰশান্ত বৰা , মহানগৰ আৰক্ষী প্ৰশাসনৰ পশ্চিম সংমণ্ডলৰ আৰক্ষী উপ-আয়ুক্ত নৱনীত মহন্ত , সহকাৰী উপ-আয়ুক্ত সুভাশীষ বৰুৱা , জালুকবাৰী থানাৰ ভাৰপ্ৰাপ্ত বিষয়া ৰূপক বৰাই মাৰাত্মক ক`ভিডৰ তৃতীয় ঢৌৰ পৰা নিজৰ লগতে সমাজৰ প্রতিটো স্তৰৰ লোক সকলক কেনেকৈ ৰক্ষা কৰিব পাৰি লগতে বিশেষকৈ ১৮ বছৰ বয়সৰ তলৰ ল’ৰা-ছোৱালী আৰু শিশু সকলক নিৰপদে ৰাখিব পাৰি সেই বিষয়ে বক্তব্য প্ৰদান কৰে । সজাগতা সভা খনত নাগৰিক সমিতি আৰু স্থানীয় বজাৰ সমিতিৰ পৰা শংকৰলাল পাৰিক , নিমাই চন্দ্ৰ দাস , পিয়াল শংকৰ দে , কমল দে , ৰিণা কাজী আৰু ঊষা দাসেও ক`ভিড সজাগতা সন্দৰ্ভত পৰামৰ্শ দাঙি ধৰে।
Trending
- চি আই ডিৰ মহাপৰিদৰ্শক হিচাপে নিযুক্তি লাভ আইৰণ লেডীৰ
- আজি অনুষ্ঠিত হয় প্রথম পৰ্য্যায়ৰ ভোটদানৰ পৰ্ব
- আজাৰাত এন ডি আৰ এফৰ প্ৰথম বেটেলিয়ানত সঞ্চালক প্ৰধান পীযুষ আনন্দ
- ৭৭ নং ঢকুৱাখনা বিধানসভা সমষ্টিৰ নিৰ্বাচনী বিষয়া কৰ্মী ৰাওনা ভোটকেন্দ্ৰলৈ
- ধেমাজি জৱাহৰ নবোদয় বিদ্যালয়ত সমাবেশ অনুষ্ঠান-নবাগতক বিদ্যালয় কৰ্তৃপক্ষৰ আদৰণি
- দীপৰ বিলৰ কাষৰীয়া দেউছতালত বৰো ধানৰ খেতিৰে সেউজ বিপ্লৱ গঢ়িছে বলেশ্বৰ ৰংপীয়ে
- ড্ৰাই ডে ঘোষণা
- মহানগৰীত ন’ ফ্লাই আৰু ন ক্ৰেকাৰ জ’ন “ঘোষণা জিলা দণ্ডাধীশৰ
- ব্যয় পৰ্যবেক্ষকৰ বৈঠক
- দুদিনীয়া কাৰ্যসূচীৰে অসমলৈ আহিব পঞ্জাবৰ মুখ্যমন্ত্ৰী ভগৱন্ত মান