শৰণীয়াস্থিত গান্ধী মণ্ডপত উদযাপন কৰিবলৈ লোৱা ১৫২ সংখ্যক মহামানৱ মহাত্মা গান্ধীৰ জন্ম জয়ন্তী প্ৰস্তুতিৰ অৰ্থে বুধবাৰে কামৰূপ মহানগৰ জিলাৰ উপায়ুক্তৰ কাৰ্যালয়ৰ সভাকক্ষত এখন সভা অনুষ্ঠিত কৰা হয়। গুৱাহাটী পৌৰনিগমৰ আয়ুক্ত দেৱাশীস শৰ্মা, অতিৰিক্ত উপায়ুক্ত শৰ্মিষ্ঠা বৰা, গুণজিৎ ৰায় চৌধুৰী, বিপুল দাস আৰু সুস্বপ্না কাকতি, মহকুমাধিপতি (সদৰ) ত্ৰিদিব ৰয়, প্ৰশাসনৰ তথা বিভিন্ন বিভাগৰ শীৰ্ষ বিষয়াসকল উপস্থিত থকা এই সভাত উপায়ুক্ত বিশ্বজিৎ পেগুৱে গান্ধী জয়ন্তী উদযাপন কৰিবলৈ লোৱা গান্ধী মণ্ডপত আৰক্ষী বিভাগৰ উপৰি সংশ্লিষ্ট বিভাগসমূহৰ কৰণীয় সকলো কাম আগতীয়াকৈ সমাপ্ত কৰিবলৈ নিৰ্দেশ দিয়ে। নিৰাপত্তা, অনাময় ব্যৱস্থা, চাফ-চিকুনতা, খোৱাপানী যোগানৰ উপৰি আসন আৰু মঞ্চৰ ব্যৱস্থাপনা, চিকিৎসা ব্যৱস্থা আদি বিভিন্ন বিষয়ৰ ওপৰত গুৰুত্ব আৰোপ কৰি উপায়ুক্তগৰাকীয়ে সকলো বিভাগকে আঁসোৱাহ নথকাকৈ কামসমূহ সুচাৰূপে সমাপ্ত কৰিবলৈ নিৰ্দেশ দিয়ে।উল্লেখযোগ্য যে, জাতিৰ পিতা মহাত্মা গান্ধীৰ এই জন্ম দিৱসৰ অনুষ্ঠানটোত মহা মানৱগৰাকীক শ্ৰদ্ধাঞ্জলি জনোৱাৰ অৰ্থে মুখ্যমন্ত্ৰী ড° হিমন্ত বিশ্ব শৰ্মাৰ উপৰিও কেবাজনো বিশিষ্ট ব্যক্তিয়ে অংশগ্ৰহণ কৰিব।
Trending
- চি আই ডিৰ মহাপৰিদৰ্শক হিচাপে নিযুক্তি লাভ আইৰণ লেডীৰ
- আজি অনুষ্ঠিত হয় প্রথম পৰ্য্যায়ৰ ভোটদানৰ পৰ্ব
- আজাৰাত এন ডি আৰ এফৰ প্ৰথম বেটেলিয়ানত সঞ্চালক প্ৰধান পীযুষ আনন্দ
- ৭৭ নং ঢকুৱাখনা বিধানসভা সমষ্টিৰ নিৰ্বাচনী বিষয়া কৰ্মী ৰাওনা ভোটকেন্দ্ৰলৈ
- ধেমাজি জৱাহৰ নবোদয় বিদ্যালয়ত সমাবেশ অনুষ্ঠান-নবাগতক বিদ্যালয় কৰ্তৃপক্ষৰ আদৰণি
- দীপৰ বিলৰ কাষৰীয়া দেউছতালত বৰো ধানৰ খেতিৰে সেউজ বিপ্লৱ গঢ়িছে বলেশ্বৰ ৰংপীয়ে
- ড্ৰাই ডে ঘোষণা
- মহানগৰীত ন’ ফ্লাই আৰু ন ক্ৰেকাৰ জ’ন “ঘোষণা জিলা দণ্ডাধীশৰ
- ব্যয় পৰ্যবেক্ষকৰ বৈঠক
- দুদিনীয়া কাৰ্যসূচীৰে অসমলৈ আহিব পঞ্জাবৰ মুখ্যমন্ত্ৰী ভগৱন্ত মান