আজি উৰুকা, মাঘ বিহুৰ উৰুকাৰ সন্ধ্যাটোৱে বিশেষ তাৎপৰ্য্য বহন কৰে। কাৰণ মাঘ বিহুৰ উৰুকা সন্ধ্যাৰ লগত বহু পৰম্পৰা, লৌকিক বিশ্বাস জড়িত হৈ আছে। জয় ধ্বনি উচ্চাৰণ কৰি মেজিৰ ধাই খুটা পোতাৰ পৰা আৰম্ভ কৰি শ্ৰীবৃদ্ধি কামনা কৰি লাগনি গছ বন্ধালৈকে বহু পৰম্পৰা জড়িত হৈ আছে। বিশ্বায়নৰ ধামখুমীয়া পৰিবেশে আমাক আধুনিক কৰি তুলিলেও জাতীয় সত্বা ৰক্ষাৰ বাবে সকলোৱে সজাগ সচেতন হোৱাটোৱে আটাইতকৈ গুৰুত্বপূৰ্ণ প্ৰসংগ। ঠাই বিশেষে মেজি জ্বলোৱা ৰীতি ভিন্ন হ’লেও দেশৰ বিভিন্ন প্ৰান্তত থকা অসমীয়াসকলে কৃত্ৰিম ভাবে হ’লেও মেজি প্ৰস্তুত কৰি জুইৰ উম লয়। পৰম্পৰা সংস্কৃতি ৰক্ষা কৰা প্ৰতিজন স্বদেশ প্ৰেমীক এইচেগতে ধন্যবাদ জনাই আগবঢ়াইছো অসমৰ বিভিন্ন প্ৰান্তত থকা অসমীয়া শিল্পীয়ে প্ৰস্তুত কৰা কিছু ভেলাঘৰৰ ফটো। আহকচোন এপলক দৃষ্টি দিওঁ।