যাৰ আঙুলিত ধৰি জীৱনৰ আদিপাঠ শিকিলো,সংকটৰ কালতো নতুন দিশে আগবাঢ়িবলৈ যি সকল গুৰুৱে সাহস,অনুপ্ৰেৰণা যোগালে সেই সকল গুৰুক আজিৰ এই বিশেষ দিনটোত শুভেচ্ছা তথা কৃতজ্ঞতা জ্ঞাপন কৰিছো|কোনোৱে কোৱা মনত আছে গুৰুবিহীন জীৱন বোলে বঠাবিহীন নাৱৰ দৰে|আচলতে জন্মৰ পৰাই আমি প্ৰত্যেকজনে একো একোজন গুৰুৰ ছত্তচায়াত ডাঙৰ হও,সপোন দেখো,মানুহ হিচাপে জীয়াবলৈ শিকো|সেয়েহে পিতৃ মাতৃক আদি গুৰু বুলি কোৱা হয়|
আজি শিক্ষক দিৱস|ড০ সৰ্বপল্লী ৰাধাকৃষ্ঞণৰ ৫৬ সংখ্যক জন্ম জয়ন্তী|দাৰ্শনিক,পণ্ডিত,শিক্ষাবিদ সৰ্বপল্লী ৰাধাকৃষ্ঞণে শিক্ষক সমাজক যথেষ্ট শ্ৰদ্ধা কৰিছিল|তেখেতৰ দূৰদৰ্শিতা গুণে বুজি উঠিছিল যে শিক্ষক সকল সদায়ে পূজনীয়|অথচ বহুসময়ত শিক্ষক সকলে অৱজ্ঞাৰ সন্মুখীন হয়|সেয়ে ৰাষ্ট্ৰপতি হৈ থকা কালত তেখেতৰ জন্মদিনটো শিক্ষক হিচাপে পালন কৰিবলৈ ইচ্ছুক হৈ পৰে আৰু তেতিয়াৰ পৰা তেখেতৰ জন্ম দিনটো শিক্ষক দিৱস হিচাপে উদযাপিত হৈ আহিছে|
দাৰ্শনিক ,শিক্ষাবিদ সৰ্বপল্লী ৰাধাকৃষ্ঞণৰ ভাৰতীয় আধ্যাত্মিক শিক্ষাৰ ওপৰত বিশেষ গুৰুত্ব দিছিল|সেয়ে তেখেতে কৈছিল যে আমি প্ৰকৃত ঈশ্বৰক পূজা নকৰো ,পূজা কৰো সেইসকলক যিসকলে ঈশ্বৰৰ নামত কাম চলায়|দ্বিতীয়তে ৰাধাকৃষ্ঞণে কৈছিল যে শিক্ষক সেইজন নহয় যিজনে কেৱল জ্ঞান দিয়ে,প্ৰকৃত শিক্ষক সেইজনহে যিজনে অনাগত ভৱিষ্যতৰ সংকটৰ সৈতে মোকামিলা কৰিবলৈ আমাক তৈয়াৰ কৰি তোলে|তৃতীয়তে তেখেতে কৈছিল যে সেই স্বাধীনতাক স্বাধীনতা বুলি ক’ব পৰা নাযায়,যেতিয়ালৈকে স্বাধীনতা প্ৰাপ্ত ব্যক্তিজনে স্বাধীনভাৱে মত প্ৰকাশ কৰিবলৈ সুযোগ নাপায়|তেখেতৰ আন এটা গুৰুত্বপূৰ্ণ প্ৰবচন হ’ল প্ৰকৃত শিক্ষক সেইজনহে যিজনে আমাৰ উত্তৰণৰ হকে চিন্তা কৰে,দিশ নিৰ্ণয় কৰে।
আজি যাৰ বলত এই কলমটো ধৰিব পাৰিছো,মানুহ হিচাপে জীয়াব পাৰিছো|সেইসকল গুৰুক সদৌ শেষত প্ৰণিপাত জনাইছো|প্ৰিয় পাঠক,সৰ্বপল্লী ৰাধাকৃষ্ঞণৰ চিন্তা দৰ্শন প্ৰতিফলিত কৰি কিছু প্ৰবচন লেখাৰ জৰিয়তে আগবঢ়ালো|আশা ৰাখিছো ইয়াৰ দ্বাৰা কিছু হলেও উপকৃত হ’ব|
সংগীতা শইকীয়া
সম্পাদক
এন ই ফকাচ ডট কম
ই মেইল nefocus5@gmail.com