পশ্চিম গুৱাহাটী সমষ্টিৰ অসম – মেঘালয় সীমান্তৰ ৰাণী উন্নয়ন খণ্ডৰ দক্ষিণ ভোলাগাওঁ গাঁও পঞ্চায়তৰ অন্তৰ্গত জিমিৰগাঁও , শালসেৰ আৰু মাটাইখাৰ অঞ্চলত ক’ভিড আক্ৰান্ত ৩০ টা পৰিয়ালক অসম যুৱ পৰিষদৰ পশ্চিম গুৱাহাটী সমষ্টি কমিটিয়ে স্থানীয় বিধায়ক ৰমেন্দ্ৰ নাৰায়ণ কলিতাৰ নিৰ্দেশ মৰ্মে দেওবাৰে খাদ্য সামগ্ৰী বিতৰণ কৰে । অগপৰ কেন্দ্ৰীয় কমিটিৰ সম্পাদক সুভাষ শৰ্মা , পশ্চিম গুৱাহাটী সমষ্টি কমিটিৰ সাধাৰণ সম্পাদক ৰবীন দৈমাৰী , সহকাৰী সম্পাদক ৰুবুল বৈশ্য , পৰিষদৰ সমষ্টি কমিটিৰ সভাপতি বিপুল কুমাৰ দাস , সাধাৰণ সম্পাদকদ্বয় গৌতম কলিতা আৰু পংকজজ্যোতি দাস , জয়ন্ত কলিতা , প্ৰাণেশ্বৰ ৰাভা , চবিন চন্দ্ৰ নাথ , ৰুবুল চৌধুৰী , কন্দৰ্প ৰাভা , কনক কলিতাকে ধৰি দক্ষিণ ভোলাগাওঁ আঞ্চলিক কমিটিৰ বিষয়ববীয়া সকলে কনটেণ্টমেণ্ট জনৰ বাহিৰত থকা ক’ভিড আক্ৰান্ত পৰিয়াল কেইটাক চাউল , দালি , মিঠাতেল , আলু , পিয়াজ , নিমখ , গাখীৰ , বিস্কুটকে ধৰি একোটাকৈ খাদ্য সামগ্ৰীৰ টোপোলা প্ৰদান কৰে । উল্লেখযোগ্য যে কিছুদিন পূৰ্বে ক’ভিডৰ গণ সংক্ৰমণ হোৱা বাবে প্ৰশাসনে অঞ্চলটোৰ মাটাইখাৰ মিলনপুৰ , আৰু পাটগাওঁক কনটেণ্টমেণ্ট জন হিচাপে ঘোষণা কৰিছিল । কিন্তু কনটেণ্টমেণ্ট জনৰ সকলো বাসিন্দাৰ নিগেটিভ অহা বাবে অবৰুদ্ধ ক্ষেত্ৰৰ নিষেধাজ্ঞা প্রত্যাহাৰ কৰা হৈছে । আনহাতে স্থানীয় বিধায়ক ৰমেন্দ্ৰ নাৰায়ণ কলিতা , কামৰূপ জিলাৰ উপায়ুক্ত কৈলাশ কাৰ্তিক , ৰাণী আঞ্চলিক পঞ্চায়তৰ সভাপতি পৰমেশ্বৰ বৰ্মন , পলাশবাৰী ৰাজহ চক্ৰৰ চক্ৰ বিষয়া ধৃতিমান দাস , পলাশবাৰী আৰক্ষী থানাৰ ভাৰপ্ৰাপ্ত বিষয়া সত্যেন্দ্ৰ সিং হাজাৰী , গুৱাহাটীৰ সাংসদ কুইন ওজাৰ নিৰ্দেশত বিজেপি নেতা প্ৰশান্ত মহন্তৰ নেতৃত্বত বিজেপি কৰ্মীৰ এটা দলেও কনটেণ্টমেণ্ট জনলৈ আহি বাসিন্দা সকলৰ বুজ লোৱাৰ লগতে তেওঁলোকৰ মাজত খাদ্য সামগ্ৰী বিতৰণ কৰিছিল । সমান্তৰালভাবে বিধৰ ৰমেন্দ্ৰ নাৰায়ণ কলিতাৰ তৎপৰতাত মাটাইখাৰ প্ৰাথমিক স্বাস্থ্যকেন্দ্ৰত সকলো বাসিন্দাৰ স্বাস্থ্য পৰীক্ষাৰ ব্যৱস্থা কৰা হৈছে।
পশ্চিম গুৱাহাটীৰ অসম মেঘালয় সীমান্তবৰ্তী অঞ্চলৰ ক’ভিড আক্ৰান্ত পৰিয়ালক বিধায়কৰ নিৰ্দেশনাত অসম যুৱ পৰিষদৰ খাদ্য সামগ্ৰী বিতৰণ
