অচিৰেই কাজিৰঙালৈ আহিব বলিউডৰ ছুপাৰষ্টাৰ অক্ষয় কুমাৰ।উল্লেখযোগ্য যে ২০১৯ চনৰ জুলাই মাহৰ কাজিৰঙা বানপানী সময়ত জীৱ জন্তুয়ে সন্মুখীন হোৱা ভয়াবহ পৰিস্থিতি প্রত্যক্ষ কৰি মুখ্যমন্ত্ৰী সাহাৰ্য্য পুঁজিলৈ অক্ষয় কুমাৰে আগবঢ়াইছিল এক কোটি টকা।সেই এক কোটি টকা অনুদানৰ জৰিয়তে কাজিৰঙা কৰ্তৃপক্ষই বানৰ পৰা জন্তুবোৰক উদ্ধাৰ কৰিবলৈ নিৰ্মাণ কৰিছিল কেইবাটাও হাইলেণ্ড।তদুপৰি ডোনা চোৰাং চিকাৰী বিৰুদ্ধে শিবিৰ,কাৰাছিং চোৰাং চিকাৰী বিৰোধী শিবিৰ,পোটাহী আৰ্দ্ৰভূমি বান্দাৰডুবি ৰোড কাম হাইলেণ্ড আৰু ফ্ল’টিং কেম্প নিৰ্মাণ কৰি উলিয়াইছিল।এই নিৰ্মাণ কাৰ্য সম্পূৰ্ণ হোৱাৰ পাছতেই কাজিৰঙা ৰাষ্ট্ৰীয় উদ্যানৰ কৰ্তৃপক্ষই টুইটাৰযোগে শ্বেয়াৰ কৰিছিল।আৰু সেই শ্বেয়াৰ কৰা ফটো প্রত্যক্ষ কৰি অচিৰেই কাজিৰঙালৈ আহিব বুলি অক্ষয় কুমাৰে টুইট কৰিছে।