কাশী হিন্দু বিশ্ববিদ্যালয়ত ভাৰত চৰকাৰৰ আয়ুস মন্ত্ৰালয়ৰ অধীনস্থ স্বায়ত্ব শাসিত অনুস্থান ৰাষ্ট্ৰীয় আয়ুৰ্বেদ বিদ্যাপীঠৰ দ্বাৰা ১১ মাৰ্চত আয়োজিত এক গাম্ভীৰ্য্যপূৰ্ণ অনুস্থানত আয়ুৰ্বেদ চিকিৎসা বিজ্ঞানৰ প্ৰসাৰ আৰু উন্নয়নৰ ক্ষেত্ৰত অনবদ্য অৱদান আগবঢ়াই অহা বাবে কাশী হিন্দু বিশ্ববিদ্যালয়ৰ আয়ুৰ্বেদ ফেকাল্টীৰ ডীন অধ্যাপক প্ৰদীপ কুমাৰ গোস্বামীক FRAV (Dellow of Rashtriya Ayurveda Vidyapeeth) সন্মান প্ৰদান কৰা হয়। অনুষ্ঠানত আয়ুৰ্বেদিক চিকিৎসা আৰু গৱেষণা ক্ষেত্ৰৰ লগত জড়িত বহু বিশিষ্ট লোকৰ উপস্থিতিত অধ্যাপক প্ৰদীপ কুমাৰ গোস্বামীক এই সন্মান প্ৰদান কৰে ভাৰত চৰকাৰৰ আয়ুস মন্ত্ৰালয়ৰ সচিব বৈদ্য ৰাজেশ কোটেছাই। উল্লেখ্য যে নলবাৰী জিলাৰ বিহামপুৰ গাঁৱৰ বাসিন্দা অধ্যাপক প্ৰদীপ কুমাৰ গোস্বামী ইয়াৰ পূৰ্বে শ্বিলংস্থিত উত্তৰ পূব আয়ুৰ্বেদিক গৱেষণা প্ৰতিষ্ঠানৰ সঞ্চালক হিচাপেও কাৰ্যনিৰ্বাহ কৰিছিল।