অসমকে আদি কৰি উত্তৰ পূৰ্বাঞ্চলৰ কেবাখনো ৰাজ্যত আজি আবেলিৰ ভাগত পুনৰ এটা মধ্যম প্ৰাবল্যৰ ভূমিকম্পই জোকাৰি যায়।গুৱাহাটীৰ বৰঝাৰস্থিত আঞ্চলিক বতৰ বিজ্ঞান কেন্দ্ৰই সদৰি কৰা অনুসৰি ভাৰতীয় মান সময় অনুসৰি আবেলি ২ বাজি ১৮ মিনিট ৩১ ছেকেণ্ডত প্ৰায় ১৩ ছেকেণ্ড সময়ৰ বাবে অনুভূত হোৱা ভূমিকম্পটোৰ ৰিখটাৰ স্কেলত প্রাৱল্যৰ পৰিমাণ আছিল ৪.৮ কম্পনাংক।আনহাতে ভূমিকম্পটোৰ অভিকেন্দ্ৰ আছিল হাইলাকান্দি জিলাৰ উত্তৰ পূব দিশৰ ৫ কিলোমিটাৰ গভীৰতাত । অৱশ্যে ভূমিকম্পৰ ফলত এই পৰ্যন্ত কতো একো ক্ষয় ক্ষতি হোৱাৰ বাতৰি পোৱা হোৱা নাই। উল্লেখ্য যে ইয়াৰ পূৰ্বে ২৫ ফেব্ৰুৱাৰীত এটা মৃদু প্ৰাবল্যৰ ভুমিকম্পই জোকাৰি গৈছিল অসমসহ উত্তৰ পূবৰ কেবাখনো ৰাজ্য । অৱশ্যে তাৰ পূৰ্বে চলিত বৰ্ষত ৫ ,৮ আৰু ২৪ জানুৱাৰীত তিনিটাকৈ মধ্যম প্ৰাবল্যৰ ভূমিকম্পই জোকাৰি গৈছিল অসমসহ উত্তৰ পূবৰ কেবাখনো ৰাজ্য ।