গুৰুজনাৰ অমৰ সৃষ্টি ধৰি ৰখাৰ প্ৰয়াস নগাঁৱৰ হাতীচোং শংকৰদেৱ চিত্ৰকলা বিদ্যালয়ৰ। বিগত বৰ্ষৰ দৰে এই বৰ্ষতো বিদ্যালয়খনিয়ে আয়োজন কৰে ঢোল, খোল, ঘোষা, নৃত্য, চিত্ৰৰ বিশেষ কৰ্মশালা। চিত্ৰকলা বিদ্যালয়ৰ সম্পাদক অজিত বৰাৰ প্ৰচেষ্টাত সাংস্কৃতিবান ৰাইজৰ উদ্যোগত প্ৰতিবছৰে শিশু সকলৰ মাজত গ্ৰীষ্ম কালীন সাংস্কৃতিক কৰ্মশালা অনুষ্ঠিত হৈ আহিছে। বহু কেইগৰাকী প্ৰশিক্ষকে প্ৰশিক্ষন প্ৰদান কৰাৰ অন্তত আজি দেওবাৰে নগাঁও জিলাৰ ব্ৰাহ্মণগাঁও ৰাজহুৱা ভৱনত অনুষ্ঠিত হয় কৰ্মশালাৰ সামৰণি অনুষ্ঠান। অনুষ্ঠানত বহু সংখ্যক গন্য মান্য ব্যক্তিৰ উপস্থিতিত কণ কণ শিশু সকলে গুৰুজনাৰ অমৰ সৃষ্টি ঘোষা, খোল বাদন, সত্ৰীয়া নৃত্য আৰু বিভিন্ন ধৰণৰ নৃত্য পৰিৱেশন কৰা দেখা যায়।