যিটো সময়ত ফেচবুক ,হোৱাটচ এপ দৰে সামাজিক মাধ্যম সমূহৰ অপব্যৱহাৰৰ বিষয়ে বিভিন্ন জনে বিভিন্ন ধৰণৰ মন্তব্য আগবঢ়াই আহিছে তেনে সময়তে ফেচবুকৰ জৰিয়তে প্ৰতিষ্ঠা লাভ কৰা সাহিত্য- সংস্কৃতিৰ বৃহত্তৰ মঞ্চ ,অসম নামৰ সামাজিক মাধ্যমৰ গ্রুপটোৱে সাহিত্য সংস্কৃতিৰ ক্ষেত্ৰত কঢ়িয়াই আনিছে আশাৰ বতৰা। আজি গুৱাহাটীস্থিত বিষ্ঞু নিৰ্মলা ভৱন এই সাহিত্য- সংস্কৃতিৰ বৃহত্তৰ মঞ্চ অসমৰ প্ৰথম বাৰ্ষিক অধিবেশন খন অনুষ্ঠিত হয়। মঞ্চৰ সভাপতি মহেশ চৌধুৰীয়ে সভাপতিত্বত অনুষ্ঠিত হোৱা সভাখন আনুষ্ঠানিক ভাৱে উদ্ধোধন কৰে বিশিষ্ট শিক্ষা বিদ তথা তেজপুৰ আৰু গুৱাহাটী বিশ্ববিদ্যালয় প্ৰাক্তন উপাচাৰ্য ডঃ অমৰ জ্যোতি চৌধুৰীয়ে। আনহাতে অনুষ্ঠানৰ লগত সংগতি ৰাখি ‘জ্যোতিপ্ৰপাত’ শীৰ্ষক মুখপত্ৰ খন উন্মোচন কৰে বিশিষ্ট কবি , সাহিত্যিক আনিছ্ উজ্ জামানে। অনুষ্ঠানত মুখ্য অতিথি ৰূপে উপস্থিত থাকে অসম সাহিত্য সভাৰ সভাপতি ডঃ পৰমানন্দ ৰাজবংশী ৰ লগতে অভিনেতা প্ৰাঞ্জল শইকীয়া, ভাষাবিদ উদয় কুমাৰ শৰ্মা আৰু কবি হুমায়ুন কবিৰ।বিশিষ্ট কবি সমালোচক বিপুল শৰ্মাৰ সঞ্চালনাত দিনৰ ১২.৩০ বজাৰ পৰা আৰম্ভ হোৱা কবিতা পাঠ অনুষ্ঠানত প্ৰায় শতাধিক কবিৰ কবিতা পাঠৰে সামৰণি পৰে অনুষ্ঠাত উপস্থিত থকা সকলোকে ধন্যবাদ জ্ঞাপন কৰে সম্পাদিকা মনিকা দাসে।