অসমীয়া জাতিৰ বাপতি সাহোন স্বৰূপ আগন্তুক ৰঙালী বিহু আৰু অসমীয়া নৱবৰ্ষ উপলক্ষে এন এফ ৰেলৱে এম্প’লয়িজ ইউনিয়নে সমূহ অসমবাসী ৰাইজক শুভেচ্ছা জ্ঞাপন কৰিছে। এক বিবৃতিত ইউনিয়নৰ কেন্দ্ৰীয় কমিটিৰ সভাপতি বিজন দেবৰয় আৰু সাধাৰণ সম্পাদক মুনীন্দ্ৰ শইকীয়াই অসমীয়া নৱবৰ্ষ আৰু ৰঙালী বিহুৱে জাতি, ধর্ম, ভাষা, সম্প্রদায় নির্বিশেষে অসমত বাস কৰা সকলো জাতি, জনগোষ্ঠী ৰাইজৰ মাজত শান্তি, সম্প্রীতি, ভাতৃত্ববোধ আৰু একতাৰ এনাজৰীদাল, অধিক, সূদৃঢ় হব বুলি আশা ব্যক্ত কৰিছে। আনহাতে ইউনিয়নৰ কেন্দ্ৰীয় কমিটিৰ প্ৰচাৰ গোটৰ অধ্যক্ষ নয়ন কুমাৰ বৰ্মনেও এক বিবৃতিত উত্তৰ পূৱ সীমান্ত ৰেলৱেৰ পৰিসেৱাত থকা ৫ টা সংমণ্ডল আৰু ৫৫ টা শাখায়ো অসমীয়া নৱবৰ্ষ আৰু ৰঙালী বিহু উপলক্ষে সমূহ অসমবাসী ৰাইজক হিয়াভৰা শুভেচ্ছা জ্ঞাপন কৰা বুলি জানিবলৈ দিছে।