দেশভক্ত তৰুণৰাম ফুকন ইন্দোৰ ষ্টেডিয়ামত কালি সন্ধিয়া জু-জিৎছু এচোছিয়েশ্যন, অসমৰ উদ্যোগত দ্বিতীয় বাৰ্ষিক জু-জিৎসু অসম ৰাজ্যিক চেম্পিয়নশ্বিপ প্ৰতিযোগিতাখন অনুষ্ঠিত হয় । বন্তি প্ৰজ্বলনৰে প্ৰতিযোগিতাখন উদ্ধোধন কৰে অসম ৰাজ্যিক অলিম্পিক সন্থাৰ উপ-সভাপতি বাণীব্ৰত দাসে । এই উপলক্ষে অনুষ্ঠিত অনুষ্ঠানত মুখ্য অতিথি হিচাপে জু-জিৎসু অসমৰ ৰাজ্যিক সমিতিৰ সভাপতি ৰীতুবৰণ শৰ্মা,বিশিষ্ট অতিথি হিচাপে উপসভাপতি অমল ডেকা,সম্পাদক সঞ্জয় কুমাৰ চাহু, জীতেন দত্ত,কামৰূপ জিলা সমিতিৰ সভাপতি ডাঃ উৎপল কলিতা উপস্থিত থাকি প্ৰতিযোগী সকলক উদ্দেশ্যি অনুপ্ৰেৰণা মূলক ভাষণ প্ৰদান কৰে।আনহাতে প্ৰতিযোগিতাত ১৬, ১৮ আৰু ২১ বয়সৰ তলৰ আৰু প্ৰাপ্তবয়স্ক সকলৰ ফালৰ ১৪ খন জিলাৰ লগতে ২৫০ জন খেলুৱৈয়ে ভাগ লয়।প্ৰতিযোগিতাত গোলাঘাট জিলাই শ্ৰেষ্ঠ দলৰ সন্মান লাভ কৰাৰ বিপৰীতে, শিৱসাগৰ জিলাই ৰাণাৰ্ছ আপ দলৰ সন্মান লাভ কৰে।শ্ৰেষ্ঠ দলক দধি মোহন সোঁৱৰণী বঁটা ( দাতা: অমল ডেকা ) প্ৰদান কৰা হয়।