মুখ্যমন্ত্ৰীয়ে শুভ উদ্ধোধন কৰিব লগা বাৰেচহৰীয়া ভাওনালৈ আহিব দেশৰ গৃহমন্ত্ৰী অমৃত শ্বাহ

দেশৰ ভিতৰতে একক বৃহৎ সামাজিক,সাংস্কৃতিক অনুষ্ঠান হিচাপে পৰিচিত জামুগুৰিহাটৰ বাৰেচহৰীয়া ভাওনা অহা ৬,৭,৮ আৰু ৯ মাৰ্চত বিস্তৃত কাৰ্যসুচীৰে অনুষ্ঠিত হ’ব ৷জামুগুৰিহাটৰ পকামূৰা পথাৰত আজি পূৱা ভাওনা মহোৎসৱৰ ধৰ্মধ্বজা উত্তোলন কৰে চামধৰা নিৱাসী শতায়ু গৰকা বিশিষ্ট সমাজকৰ্মী কমলা নাথে৷এই উদ্দেশ্যে আজি পূৱা ঐতিহ্যমণ্ডিত কালিয়দমন ক্ষেত্ৰ কোচগাওঁৰ পৰা কেইবা শতাধিক ৰাইজে গায়ন-বায়ন,হৰিনাম,আয়তীৰ উৰুলি,শংঙ্খ,ধ্বনিৰ মাজেৰে সাংস্কৃতিক শোভাযাত্ৰা কৰি পকামুৰা পথাৰলৈ লৈ আনে ধৰ্মধ্বজা ৷১৭৯৭ চনৰ পৰাই নিৰবিচ্ছিন্ন ভাৱে জামুগুৰিয়া ৰাইজে অনুষ্ঠিত কৰি অহা এই ভাওনা এইবেলি ২২৬ বছত ভৰি দিয়ে ৷ অহা ৭ আৰু ৮ মাৰ্চত ২১খন খলাত ৪২ খন ভাওনা অনুষ্ঠিত হব আৰু এই ভাওনা অসমৰ মূখ্যমন্ত্ৰীয়ে শুভ উদ্ধোধন কৰিব ৷ ভাওনা মহোৎসৱৰ কাৰ্যসূচীত দেশৰ গৃহ মন্ত্ৰী অমৃত শ্বাহেও অংশ গ্ৰহণ কৰিব বুলি উদ্যোক্তা সকলে জানিবলৈ দিয়ে ৷ শুভ উদ্ধোধনী অনুষ্ঠানত শোণিতপুৰ জিলা উপায়ুক্ত দেৱ কুমাৰ মিশ্ৰ চতিয়াৰ বিধায়ক তথা উদযাপন সমিতিৰ সভাপতি পদ্ম হাজৰিকাই অংশ গ্ৰহণ কৰে৷

বাতৰি যুগুতালে জামুগুৰিহাটৰ পৰা‌ ৰাতুল হাজৰিকাই।