আজি গুৱাহাটী মহানগৰীৰ পশ্চিম বৰাগাঁৱৰ গাখীৰ চকৰ কাব্য কুঞ্জ ভৱন প্ৰাংগনত অসমৰ অন্যতম প্ৰকাশন প্ৰতিষ্ঠান পৰাগজ্যোতি প্ৰকাশনৰ উদ্যোগত উদ্বেলিত ফাগুনৰ নানাৰঙী কবিতা শীৰ্ষক এখনি বহুভাষিক কবি সন্মিলন অতি আড়ম্বৰপূৰ্ণ পৰিবেশৰ মাজত অনুষ্ঠিত হৈ যায়।অসম তথা উত্তৰ পূৰ্বাঞ্চলৰ ভিন ভিন জনগোষ্ঠীৰ কবি- সাহিত্যিকেৰে উবুৰি খাই পৰা কবি সন্মিলনত সংস্কৃত, অসমীয়া, ইংৰাজী, হিন্দী, বাংলা, বড়ো, চাওতাল, মিছিং, দেউৰী, মণিপুৰী, বিষ্ণুপ্ৰিয়া মণিপুৰী, তিৱা,নেপালী, কোচ, গাৰো, হাজং, উড়িয়া, চৰ-চাপৰি ভাষাৰ ডেৰ শতাধিক কবিয়ে নিজ-নিজ ভাষাত কবিতা পাঠ কৰে। এটোপোলা গ্ৰন্থৰ সন্মুখত বন্তি প্ৰজ্বলনেৰে সভা উদ্বোধন কৰি আন্তৰ্জাতিক চাওতাল পৰিষদৰ অধ্যক্ষ তথা অসম বিধান সভাৰ প্ৰাক্তন অধ্যক্ষ পৃথ্বি মাঝিয়ে কয়- ইটো ভাষাৰ লগত সিটো ভাষাৰ মধুৰ সম্পৰ্ক নিহিত হৈ আছে। একতাৰ ডোলেৰে বান্ধ খাই আমি বৰভেটি টনকিয়াল কৰিব লাগে। ভাষা ঈশ্বৰৰ সৃষ্টি নহয়।মানৱ সভ্যতাৰ মগজুৰ বিকাশেৰে ভাষা আগুৱাই গৈছে।চৰাই-চিৰিকতিৰ মাত,জন্তুৰ কন্ঠৰ ওপৰত ভিত্তি কৰি ভাষা সৃষ্টি হৈছে।কবি সন্মিলনৰ আহ্বায়ক তথা বিশিষ্ট কবি-গীতিকাৰ শচীন দাসে আদৰণি সম্ভাষণ জনোৱা সভাখনি আঁত ধৰে প্ৰকাশনৰ সচিব,কবি-সাংবাদিক দীপক শৰ্মাই।অনুষ্ঠানত মুখ্য অতিথি হিচাপে দূৰদৰ্শন আৰু আকাশবাণীৰ অৱসৰপ্ৰাপ্ত অতিৰিক্ত সঞ্চালক প্ৰধান দেবেন্দ্ৰনাথ বসুমতাৰীয়ে অংশ লৈ কয়- কথাৰে নহয় কৰ্মৰেহে সমন্বয় সাধন কৰিব লাগে।কোনো ভাষাই,কোনো ভাষাৰে অন্তৰাই নহয়।বৰ অসমৰ ভেটি টনকিয়ালত পৰাগজ্যোতি প্ৰকাশনে লোৱা অনবদ্য ভূমিকা এদিন সোণালী আখৰেৰে লিখা থাকিব। কবি, সাহিত্যিক,চিন্তাবিদসকলে সমন্বয়ৰ সাঁকো সুদৃঢ় কৰিবৰ বাবে সময় থাকোতেই পদক্ষেপ লব লাগে । দীপক শৰ্মা সম্পাদিত উদ্বেলিত ফাগুনৰ নানাৰঙী কবিতা নামৰ কবিতা সংকলনখনি শুভ উন্মোচন কৰি বাংলা সাহিত্যৰ অগ্ৰণী কবি-লেখক নিশুতি মজুমদাৰে কয়- কবিতা সৃষ্টিৰে জগত ধুনীয়া কৰিব পাৰি । সাহস, মনোবল, অধ্যয়ন, ভাষা জ্ঞান, শব্দ, একাগ্ৰতা থাকিব লাগিব ।অনুষ্ঠানত ত্ৰিপুৰা কেন্দ্ৰীয় বিশ্ববিদ্যালয়ৰ অৱসৰপ্ৰাপ্ত অধ্যাপক ড০ বীৰেন্দ্ৰ কুমাৰ ভট্টাচাৰ্য, দেউৰী সাহিত্য সভাৰ সভাপতি ড০ ষড়ানন দেউৰী, বিষ্ণুপ্ৰিয়া মণিপুৰী সাহিত্য পৰিষদৰ সভাপতি দিলস্ লক্ষ্মীন্দ্ৰ সিংহ, তিৱা সাহিত্য সভাৰ উপ-সভাপতি শৰৎ চন্দ্ৰ পাটৰ আমচি, মণিপুৰী সাহিত্য পৰিষদৰ উপ-সভাপতি কৈশ্যাম হেমচন্দ্ৰ সিংহ, বৰপেটাৰ বৰনগৰ বি এড মহাবিদ্যালয়ৰ অধ্যক্ষ গোলাম ছাৰৱাৰ, অসম অভিযান্ত্ৰিক মহাবিদ্যালয়ৰ অৱসৰপ্ৰাপ্ত অধ্যাপক বাণীকান্ত গোস্বামী, গুৱাহাটী জিলা বড়ো সাহিত্য সভাৰ সম্পাদক গোলাপ বড়ো, সাহিত্য কোঁৱৰ কমল কলিতা, গুৱাহাটী উচ্চ ন্যায়ালয় গৱেষণা বিভাগৰ সঞ্চালক ড০ ৰঙ্গ ৰঞ্জন দাস, অসম সাহিত্য সভাৰ সাংস্কৃতিক উপ-সমিতিৰ আহ্বায়ক অৱনী ৰঞ্জন পাঠক, অখিল ভাৰতীয় সাহিত্য পৰিষদৰ অসম প্ৰদেশ কমিটিৰ যুটীয়া সম্পাদক জ্যোতিষ বৰ্মন, কামৰূপ জিলা তিৱা সাহিত্য সভাৰ সভাপতি পদ্মেশ্বৰ মিথিয়ে বিশিষ্ট অতিথি হিচাপে অংশ লৈ কবিতাৰ মাজেৰে অসম তথা সমগ্ৰ উত্তৰ পূৰ্বাঞ্চলৰ মাজত সমন্বয় সাধন কৰিব বিচৰা পৰাগজ্যোতি প্ৰকাশনৰ প্ৰচেষ্টাক সকলোৱে একেমুখে শলাগ লয় । আজিৰ সন্মিলনে ইতিহাসৰ পাতত এক মচিব নোৱৰা গভীৰ আশাবাদ প্ৰকাশ কৰিলে । সভাত ড০ গণেশ্বৰ চহৰীয়া, ড০ অভিজিৎ পায়েং, কিশোৰ কুমাৰ জৈন, বিভা দেৱী, সুস্মিতা মজুমদাৰ, এঞ্জেলিনা দাস,কল্পনা ভৰালী,বুল কুমাৰী বড়া,স্বৰ্গেশ্বৰ স্বৰ্গীয়াৰী, প্ৰতুল চন্দ্ৰ দত্ত, মীনাক্ষী সিনহা, ইভা শইকীয়া দত্ত ভূঞা,দীপিকা দেৱী কলিতা, সবিতা মহন্ত বৰা, জ্যোতিৰ্ময়ী ডেকা,নীলিমা শইকীয়া কোঁৱৰ,গীতালি বিষয়া,ডলি কুমাৰী,ৰতন কুমাৰ আগৰৱালা,হৃষিকেশ দাস, মৌৰাম দাস, চিত্ৰা ডেকা, কনক চন্দ্ৰ ডেকা, ধীৰেণ চন্দ্ৰ দাস,সুমিত্ৰা মজুমদাৰ, বিকাশ শৰ্মা বৰুৱা, গৌৰাঙ্গ মণ্ডল, বশিষ্ঠ মালাকৰ, অনিলা দাস আদিয়ে কবিতা পাঠ কৰে । বেগম ৰুণা লাইলা মজুমদাৰ, দুৰ্গামণি বৰগোহাই, মান্যতা তালুকদাৰ,হিয়াশ্ৰী শৰণীয়া আদিয়ে গীত পৰিবেশন কৰে।বিতা পাঠ কৰা প্ৰতিগৰাকী কবিক এখনি প্ৰশস্তি পত্ৰ প্ৰদান কৰে।
Trending
- Assam–Arunachal Border Talks: 5th Regional Committee Meeting Charts Path to Resolution
- অসম আৰু উত্তৰ-পূৰ্বাঞ্চলৰ গ্ৰাহকক অনলাইন প্ৰৱঞ্চনাৰ পৰা ৰক্ষা কৰিবলৈ ভাৰতী এয়াৰটেলৰ অনন্য প্ৰচেষ্টা
- ৰাইজৰ সুবিধাৰ বাবে বন বিভাগৰ ৱেব পৰ্টেল আৰু ম’বাইল এপ মুকলি
- বি আৰ অৰ পূৱ মণ্ডলৰ এ ডি জি হিচাপে জীতেন্দ্ৰ প্ৰসাদৰ কাৰ্যভাৰ গ্ৰহণ
- মুখ্যমন্ত্ৰীৰ সপোনৰ প্ৰকল্প – ব্ৰহ্মপুত্ৰৰ ওপৰত শুৱালকুচি – পলাশবাৰী সংযোগী দলঙৰ মাজিৰগাঁওৰ পৰা বিমানবন্দৰৰ সমীপলৈ নিৰ্মাণ হাইস্পীদ চাৰিলেনযুক্ত পথ সুকীয়াকৈ থাকিব
- Inauguration of Common Facility Center (CFC) under PM-DevINE Scheme at Chümoukedima, Nagaland
- চলিত মাহতে নথিপত্ৰ সঠিক কৰি লৈহে বাহন চলাওক- অসমত চলাচল কৰা বৰ্হিৰাজ্যৰ বাহন অসমৰ পৰিবহণ বিভাগত পঞ্জীয়ন কৰাৰ আহ্বান
- আজাৰা কাঁহিকুছিৰ কৃষি বিজ্ঞান কেন্দ্ৰ, কামৰূপলৈ দেশৰ শ্ৰেষ্ঠ কৃষি বিজ্ঞান কেন্দ্ৰৰ বঁটা
- ভূটানৰ গেলেফু মাইণ্ডফুলনেছ চিটিৰ প্ৰতিনিধি দলৰ হয়গ্ৰীৱ মাধৱ মন্দিৰ আৰু আই আই টি-গুৱাহাটী ভ্ৰমণ
- ভাৰত-ডেনমাৰ্কৰ দ্বিপাক্ষিক সম্পৰ্কৰ সফলতাই বিশ্বৰ সামুদ্ৰিক খণ্ডক এক নতুন গতি দিব: কোপেনহেগেন বিজনেছ স্কুলত ব্লু এম বি এ-ৰ প্ৰতিভাসমূহক সম্বোধন কৰে কেন্দ্ৰীয় মন্ত্ৰী সোণোৱালে