শোণিতপুৰ জিলাৰ জামুগুৰিহাটৰ ঐতিহ্যমণ্ডিত পাতলৰচুক গাৱত দুদিনীয়া কাৰ্যসুচীৰে অনুষ্ঠিত কৰা হয় ২৬৭ সংখ্যক শ্ৰীকৃষ্ণ জন্মষ্টমী আৰু নন্দোৎসব -বোকাখেচা ভাওনা ৷ এই উদ্দেশ্যৰে আজি পূৱাৰে পৰা পাতলৰচুক গাৱলৈ ভক্তৰ লানি নিছিগা সোঁত বোৱাই পৰিলক্ষিত হয় ৷ ভক্তপ্ৰাণ ৰাইজৰ উপস্থিতিয়ে পাতলৰচুক গাৱক কৰি তুলিছে বৈকুণ্ঠপুৰী৷শ শ শৰাই শলিতা আগবঢ়াই ভক্ত প্ৰাণ ৰাইজে আৰ্শীৱাদ লয় ভগবন্তৰ কাষত ৷ সন্ধিয়া নামঘৰ চৌহদত শ শ ৰাইজে চাকি বন্তি জ্বলাই মনোবাঞ্ছা পূৰণৰ অৰ্থে ভগৱানৰ আশীষ গ্ৰহণ কৰে ৷ অহা কালিলৈ প্ৰতিকী ৰূপত ৰাইজে বোকাখেচা ভাওনা অনুষ্ঠিত কৰিব বুলি উদ্যোক্তা সকলে জানিবলৈ দিয়ে৷উল্লেখ্য যে এই ভাওনা অনুষ্ঠিত নকৰিলে গাৱখনত নানা অপায়-অমংগলে দেখা দিয়ে বুলি ৰাইজৰ বিশ্বাস কৰি আহিছে ৷ ভাওনাৰ দিনটোত গাওবাসী ৰাইজে উপবাসে থাকে বুলি জানিব পৰা গৈছে ৷
বাতৰি যুগুতালে জামুগুৰিহাটৰ পৰা ৰাতুল হাজৰিকাই।
