ভাৰতীয় জনতা পাৰ্টিৰ ডিব্ৰুগড় জিলাৰ চতুৰ্থ সংখ্যক জিলা কাৰ্যনিৰ্বাহক সভাখন আজি দুলীয়াজান ক্লাবত দিনজোৰা কাৰ্যসূচীৰে অনুষ্ঠিত হৈ যায়। কাৰ্যসূচী অনুসৰি পুৱা পতাকা উত্তোলন কৰে জিলা সভাপতি জগদীশ ৰাজকোঁৱৰে। ইয়াৰ পিছতে সমবেত সংগীতেৰে আৰম্ভ হোৱা সভাত জিলা সভাপতিয়ে আদৰণি ভাষণ আগবঢ়ায়।মণ্ডল সভাপতি সকলৰ লিখিত প্ৰতিবেদন পাঠ কৰাৰ পিছত সভাত ৰাজনৈতিক প্ৰস্তাৱ উত্থাপন কৰে জিলা উপ-সভাপতি ডাঃ চৈকত পাত্ৰই । উক্ত সভাতেই মুখ্যমন্ত্ৰী, ৰাজ্যিক সভাপতি ভৱেশ কলিতা, ৰাজ্যিক সাংগঠনিক সাধাৰণ সম্পাদক ফণী শৰ্মাই ভাৰ্চুৱেল মাধ্যমৰ যোগেদি বক্তব্য প্ৰদান কৰে।আনহাতে উক্ত কাৰ্যনিৰ্বাহক সভাত জিলাৰ সাংগঠনিক দিশ আৰু আগন্তুক দিনত দলীয় কাৰ্যসূচীৰ সন্দৰ্ভত আলোকপাত কৰে সাংসদ তথা ডিব্ৰুগড় জিলা প্ৰভাৰী তপন কুমাৰ গগৈয়ে। ইফালে সভাত কেন্দ্ৰীয় মন্ত্ৰী তথা ডিব্ৰুগড় লোকসভা সমষ্টিৰ সাংসদ ৰামেশ্বৰ তেলী, অসম চৰকাৰৰ কেবিনেট মন্ত্ৰী বিমল বড়া, দুলীয়াজান সমষ্টিৰ বিধায়ক তেৰছ গোৱালা আদিয়ে অংশগ্ৰহণ কৰি বক্তব্য প্ৰদান কৰে। জিলাৰ সাধাৰণ সম্পাদক প্ৰশান্ত গগৈয়ে আঁতধৰা কাৰ্যনিৰ্বাহকত মৰাণ বিধানসভা সমষ্টিৰ বিধায়ক চক্ৰধৰ গগৈ, লাহোৱালৰ বিধায়ক বিনোদ হাজৰিকা আদিৰ লগতে জিলাখনৰ প্ৰায় শতাধিক কাৰ্যকৰ্তা উপস্থিত থাকে।
Trending
- বন ভূমি অধিকাৰ আইন,২০০৬ ৰ অধীনত ভূমিৰ স্বত্ব প্ৰমাণ পত্ৰ প্ৰদান অনুষ্ঠানত অংশ গ্ৰহন কৰেলে স্বাস্থ্য আৰু পৰিয়াল কল্যাণ,জলসিঞ্চন মন্ত্ৰী অশোক সিংহলে
- গুৱাহাটীত আই এছ ভি আই আৰৰ উত্তৰ পূব অধ্যায়ৰ মধ্য কালীন অধিবেশন ২০২৫ মুকলি কৰে স্বাস্থ্য আৰু পৰিয়াল কল্যাণ মন্ত্ৰী অশোক সিংহলে
- ২০০ খন বিছনাযুক্ত ওদালগুৰি জিলা অসামৰিক চিকিৎসালয় পৰিদৰ্শন- মন্ত্ৰী অশোক সিংহলৰ
- শাওণ মাহৰ প্ৰথমটো সোমবাৰত বোলবোম উপলক্ষে ভীমাশংকৰত হাজাৰ হাজাৰ ভক্তৰ সমাগম
- ইণ্ডিয়া-এআই মিছন : অসমৰ ৫ শিক্ষানুষ্ঠানত স্থাপন হ’ব কৃত্ৰিম বুদ্ধিমত্তাৰ ডাটা লেব
- ফৰ্টিফাইড চাউলৰ সজাগতামূলক সংবাদ মাধ্যমৰ কৰ্মশালা
- অসম সাংস্কৃতিক ন্যাসৰ পাঁচদিনীয়া গ্ৰীষ্মকালীন কৰ্মশালাৰ সামৰণি
- চিন্তাবিদ – সমালোচক ডঃ হীৰেন গোঁহাইসহ চাৰিগৰাকী সাহিত্যিক- শিল্পীলৈ সাহিত্য সাধনা মঞ্চ অসমৰ সন্মান
- চিত্ৰশিল্পী-কবি ৱাহিদা আহমেদৰ কাব্যগ্ৰন্থ এশ বিয়োগ এক উন্মোচন
- জ্ঞানমালিনী সাহিত্য সভাৰ আজীৱন সভ্য ভৰ্ত্তি অভিযান