শ্ৰীমন্ত শংকৰদেৱ কলাক্ষেত্র সমাজে প্ৰতি মাহৰ শেষৰ দেওবাৰে চেমনীয়াৰ শাৰীৰিক,মানসিক আৰু বৌদ্ধিক বিকাশৰ বাবে অনুষ্ঠিত কৰি অহা মৌ মেল অনুষ্ঠান ক’ভিড সৃষ্ট পৰিবেশৰ বাবে সামাজিক ভাৱে বন্ধ আছিল।এতিয়া পুনৰ ২৪ এপ্ৰিলৰ পৰা প্ৰতি মাহৰ শেষৰ দেওবাৰে দিনৰ ২ বজাৰ পৰা কলাক্ষেত্রৰ বাকৰিত এই মৌ-মেলখনি অনুষ্ঠিত হ’ব।এইবাৰৰ ১৫৮ সংখ্যক মৌ-মেলত প্ৰাক প্ৰাথমিকৰ পৰা দশম শ্ৰেণীলৈ চাৰিটা শাখাত চিত্ৰাঙ্কন প্ৰতিযোগিতা, পঞ্চম শ্ৰেণীৰ পৰা দশম শ্ৰেণীলৈ দুটা শাখাত জাতীয় উৎসৱ বিহু সম্পৰ্কে প্ৰতিযোগিতা অনুষ্ঠিত হ’ব।লগতে শিশু চেমনীয়া বিভিন্ন গীত মাতৰ অনুষ্ঠান পৰিবেশিত হ’ব। ইয়াৰোপৰি শিশু চেমনীয়া সকলৰ নিয়মীয়া শিশু সুলভ গীত-নৃত্যৰ অনুষ্ঠানো অনুষ্ঠিত হ’ব।শিশু চেমনীয়া সকলে মৌ-মেলত অংশগ্ৰহণ কৰিব বাবে কোনো ভৰ্তি মাচুল দিব নালাগে অথবা প্ৰৱেশ পত্ৰও সংগ্ৰহ কৰিব নালাগে আৰু ছবি অঁকাৰ বাবে কাগজ কলাক্ষেত্র সমাজে যোগান ধৰিব বুলি মৌ মেলৰ পৰিচালক,চিত্ৰশিল্পী মধুসুদন দাসে প্ৰেছ বিজ্ঞাপ্তি যোগে জনাইছে।