গুৱাহাটীৰ পশ্চিম প্ৰান্তৰ আজাৰা কাঁহিকুছিস্থিত শ্ৰীমন্ত শংকৰদেৱ কৃষ্টি বিকাশ সমিতিৰ সভাগৃহত ১৯ জুনত সমিতিৰ “ৰাম নিৰঞ্জন নিৰাময়” শীৰ্ষক গীতটো উন্মোচন কৰা হয় । গাম্ভীৰ্যপূৰ্ণ অনুষ্ঠানত গীতটো উন্মোচন কৰে বিশিষ্ট কণ্ঠশিল্পী, চিত্ৰনিৰ্মতা সদানন্দ গগৈয়ে । উল্লেখযোগ্য যে প্ৰায় পাঁচ মিনিত দৈঘ্যৰ ভি ডি অ’ গীতটোৰ কথা,সুৰ আৰু কণ্ঠ সাংস্কৃতিক কর্মী তথা ভাৰতীয় বিমান বন্দৰ প্ৰাধিকৰণৰ বৰঝাৰস্থিত উত্তৰ পূব মণ্ডল কাৰ্যালয়ৰ উপ মহা প্ৰবন্ধক জগদীশ বৈশ্যৰ। সঙ্গীত পল্লব দাসৰ আৰু শব্দ সংমিশ্ৰণ জিন্টু বৰদলৈৰ । গীতটোৰ মাধ্যমেৰে ভক্তিৰস আৰু অনুষ্ঠানটোৰ কৃষ্টি-সংস্কৃতি সাহিত্যৰ দিশটো প্ৰতিফলিত কৰিবলৈ প্ৰয়াস কৰা হৈছে । গীতটোৰ প্ৰযোজনা শ্ৰীমন্ত শংকৰদেৱ কৃষ্টি বিকাশ সমিতিৰ । আনহাতে গীতটো ইউ টিউব চেনেল “Jagadish B Music” ত উপলব্ধ হব । আনহাতে সমাজকর্মী ধীৰেন্দ্ৰ নাথ চৌধুৰীৰ সভাপতিত্বত অনুষ্ঠিত অনুষ্ঠানত সঙ্গীত প্ৰভাকৰ সৰ্বেশ্বৰ কলিতা, পাপৰি দাস, জ্ঞানশংকৰ বৰুৱা, সদানন্দ পাঠক, মহীধৰ কলিতা, মুকুট মণি দাস, হৰকান্ত দাস আৰুসমিতিৰ কেবা গৰাকী সদস্য, সদস্যা সকল উপস্থিত থাকে।