শতাধিক বিষয়, সহস্ৰাধিক প্ৰশ্নোত্তৰ সম্বলিত দীপাংকৰ কৌশিকৰ ‘সমগ্ৰ কুইজ’ আজি গুৱাহাটী প্ৰেছ ক্লাবত উন্মোচন কৰা হয়। উন্মোচনী অনুষ্ঠানত মুখ্য অতিথি হিচাপে উপস্থিত থাকে চিকিৎসক তথা ‘অবাক’ৰ মুখ্য সম্পাদক ডা° শুভ্ৰকিংকৰ গোস্বামী, গুৱাহাটী উচ্চ ন্যায়ালয়ৰ জ্যেষ্ঠ অধিবক্তা অংশুমান বৰা আমাৰ অসমৰ কাৰ্যবাহী সম্পাদক গৌতম শৰ্মা, বিশিষ্ট অধিবক্তা ৰাতুল গোস্বামী, শিশু সাহিত্যিক যুগললোচন দাস, সুৰেন্দ্ৰমোহন দাস । অনুষ্ঠানত আদৰণি ভাষণ দিয়ে অৱসৰপ্ৰাপ্ত আই এ এছ বিষয়া ৰবেন্দ্ৰ কুমাৰ দাসে।অনুষ্ঠানৰ আঁত ধৰে কুইজ পৰিচালক দিলীপ কুমাৰ শৰ্মাই। গ্ৰন্থখন প্ৰকাশ কৰিছে পাণবজাৰৰ ৰেখা প্ৰকাশনে।গ্ৰন্থ উন্মোচনী অনুষ্ঠানৰ সৈতে সংগতি ৰাখি আয়োজন কৰা লিখিত কুইজ প্ৰতিযোগিতাত বৰ্ণালী তালুকদাৰে প্ৰথম পুৰস্কাৰ লাভ কৰে । দ্বিতীয় পুৰস্কাৰ লাভ কৰে সায়ন্তন শইকীয়া,প্ৰশান্ত মেধি আৰু মানস শৰ্মাই। অনুষ্ঠানত শলাগৰ শৰাই আগবঢ়াই গিৰীশ বৰ্মনে।