গুৱাহাটীৰ পশ্চিম প্ৰান্তৰ খানামুখ শ্ৰী শ্ৰী লক্ষ্মী পূজা সমিতিৰ উদ্যোগত ১৩ আৰু ১৪অক্টোবৰ দুদিনীয়া কাৰ্য্যসূচীৰে খানামুখ শ্ৰী শ্ৰী লক্ষ্মী পূজা উদযাপিত হয়।১৩ অক্টোবৰত পুৱা বন্তি প্ৰজ্বলনৰে পূজাৰ কাৰ্য্যসূচীৰ শুভাৰম্ভ কৰে অঞ্চলটোৰ জ্যেষ্ঠ নাগৰিক গোবিন্দ কলিতাই।ধৰ্মধব্জা উত্তোলন কৰে পূজা কমিটি সভাপতি বলেন্দ্ৰ চন্দ্ৰ ঠাকুৰীয়াই আৰু শ্বহীদ তৰ্পন কৰে কাৰ্য্যকৰী সভাপতি কেশৱ কলিতাই।আনহাতে পূজাৰ লগত সংগতি ৰাখি দুপৰীয়া মহিলাৰ দিহা নাম প্ৰতিযোগিতা অনুষ্ঠিত হয় ।প্ৰতিযোগিতাত খানামুখ জ্ঞান মালিনী বিকশিত নামতি দলে শ্ৰেষ্ঠ সন্মান লাভ কৰে।ধাৰাপুৰৰ নিজৰা বৰুৱা কলিতা দলে দ্বিতীয় শ্ৰেষ্ঠ দলৰ সম্মান লাভ কৰে।ইফালে আজাৰা মহিলা নামতি দলে তৃতীয় শ্ৰেষ্ঠ দলৰ সম্মান লাভ কৰে।