এখন শুদ্ধ,সঠিক এন আৰ চি আমি বিচাৰিছো।এন আৰ চিত ১৯লাখ লোকৰ নাম বাদ পৰিছে যদিও ইয়াৰ একাংশ প্ৰকৃত ভাৰতীয়।এই মন্তব্য সাংসদ আব্দুল খালেকৰ।আজি দিছপুৰ প্ৰেছ ক্লাবত আয়োজন কৰা এক সংবাদমেলত সাংসদ গৰাকীয়ে কয় যে এন আৰ চি উন্নীতকৰণৰ প্ৰক্ৰিয়া প্ৰতীক হাজেলাই যথেষ্ট পৰিমাণে আগবঢ়াই নিছিল।তেনে এজন বিষয়াৰ দ্বাৰাহে শুদ্ধ এন আৰ চি পাব পাৰি।উল্লেখযোগ্য যে ইতিমধ্যে সাংসদ গৰাকীয়ে মুখ্যমন্ত্ৰীলৈ এখন পত্ৰ প্ৰেৰণ কৰা বুলি সংবাদমেলত মন্তব্য কৰে।