আৰ্মি মহানগৰীৰ নাৰেংগী সেনা চাউনী চৌহদত থকা আৰ্মি ইনষ্টিটিউট অৱ নাৰ্ছিং গুৱাহাটীৰ দীক্ষান্ত সমাৰোহ ৯ ডিচেম্বৰত অনুষ্ঠিত হয়।নাৰেংগী আৰ্মি পাব্লিক স্কুল চৌহদত অনুষ্ঠিত হোৱা সমাৰোহখনত মুখ্য অতিথি হিচাপে ভাৰতীয় সেনাৰ ১০১ এৰিয়াৰ চীফ অৱ ষ্টাফ মেজৰ জেনেৰেল পি চাইনী আৰু সন্মানীয় অতিথি হিচাপে ৫১ চাব এৰিয়াৰ ডেপুটী জি অ’ চি বি প্ৰেডিয়াৰ অৰুণ কুমাৰ পাণ্ডে আৰু আমন্ত্ৰিত অতিথি হিচাপে ১৫১ বেছ হস্পিতালৰ কনাণ্ডেন্ট বি প্ৰেডিয়াৰ পি দেশমুখ আৰু সেনাৰ কেইবাগৰাকী শীৰ্ষ বিষয়া উপস্থিত থাকে।সমাৰোহত এইবাৰ এ আই এন’ৰ পৰা উৰ্ত্তীণ হোৱা ৪ বছৰীয়া বি এছ চি আৰু ২ বছৰীয়া এম এছ চি নাৰ্ছিঙত উত্তীৰ্ণ ২৩০ গৰাকী শিক্ষাৰ্থীক ডিগ্ৰী প্ৰদান কৰা হয়।অনুষ্ঠানত এ আই এন’ৰ অধ্যক্ষ লেফটেন্যান্ট কর্ণেল এম জয়ালক্ষ্মীয়ে প্ৰতিষ্ঠানখনৰ ১০০ শতাংশ শিক্ষাৰ্থী উত্তীৰ্ণ হোৱা বুলি সদৰি কৰে।আনহাতে দীক্ষান্ত সমাৰোহৰ লগত সংগতি ৰাখি বশিষ্ঠস্থিত সেনাৰ ১৫১ বেছ হস্পিতাল চৌহদত বন্তি প্ৰজ্বলন কাৰ্যসূচী অনুষ্ঠিত হয়।বন্তি প্ৰজ্বলনৰ পূৰ্বে উপস্থিত শিক্ষাৰ্থীসকলক নাৰ্ছিঙৰ শপত বাক্য পাঠ কৰোৱায়।অনুষ্ঠানত সুখ্যাতিৰে উত্তীৰ্ণ ৩ গৰাকী শিক্ষাৰ্থী ক্ৰমে পদ্মা কুমাৰী গুৰুং,ৰাকচন্দা কাৰ্কী আৰু ৰিয়া সিঙক সোণ,ৰূপ আৰু ব্ৰঞ্জৰ পদকৰ লগতে মানপত্ৰ প্ৰদান কৰা হয়।