শোণিতপুৰ জিলাৰ জামুগুৰিহাটৰ গমেৰিপাল প্ৰাথমিক বিদ্যালয় প্ৰাঙ্গনত আজি পোনপ্ৰথমবাৰৰ বাবে গমেৰিপাল মহিলা সমিতিৰ সৌজ্যনত গোৰ্খা সম্প্ৰদায়ৰ মহিলা সকলে বহু উলহ মালহৰে টিজ উৎসৱ পালন কৰে ৷ উল্লেখ্য যে বাৰিষা খেতি পথাৰ সামৰাৰ অন্তত গোৰ্খা সম্প্ৰদায়ৰ বিয়া দিয়া জীয়ৰি সকলক মাতৃৰ গৃহলৈ মাতি আনি পিতৃ-মাতৃয়ে এসাজ ভালকৈ আনন্দ ফুৰ্তিৰে আপ্যায়ন কৰাটো এই উৎসৱৰ এক প্ৰধান উদ্দেশ্য ৷ গোৰ্খা সম্প্ৰদায়ৰ সকলো জীয়ৰী পিতৃ গৃহত থাকি স্বামীৰ দীৰ্ঘজীৱন কামনা কৰি সম্পূৰ্ণ এদিন ব্ৰত পালন কৰি পিচদিনা গাৱৰ সকলো মহিলা একত্ৰিত হৈ টিজ পূজা তথা উৎসৱ পালন কৰে ৷ এই টিজ উৎসৱৰ লগত সংগতি ৰাখি বিভিন্ন প্ৰান্তত মহিলা সকলে বিভিন্ন ধৰণে সাংস্কৃতিক কাৰ্য্যসুচীও ৰূপায়ন কৰাৰ লগতে ৮০ উৰ্দ্ধৰ তেৰ গৰাকী বয়োজেষ্ঠ আই মাতৃক সম্বৰ্ধনাও জ্ঞাপন কৰে । আজি জামুগুৰিহাটৰ গমেৰিপালৰ গঞাঁ মহিলা সকলেও এইদৰে এদিন সম্পূৰ্ণ ব্ৰতত থাকি আজি বহু উলহ মালহৰে টিজ উৎসৱ পালন কৰা দেখা গৈছে ৷ গোৰ্খা সম্প্ৰদায়ৰ মহিলা সকলে পালন কৰা এই টিজ পূজা তথা উৎসৱৰ লগত বহু ঐতিহাসিক কাহিনী জৰিত থকাৰ বিষয়ে জানিব পৰা গৈছে ৷
বাতৰি যুগুতালে জামুগুৰিহাটৰ পৰা ৰাতুল হাজৰিকাই।