২০০৮ চনত মাথোন ৬ মাহৰ বাবে জয়মালা নামৰ হাতীটোক অসমৰ পৰা তামিলনাডুলৈ লিজত নিয়া হৈছিল । কিন্তু “জয়মালা” যোৱা প্ৰায় ১৪ বছৰে নৰক-যন্ত্ৰণা ভুগি আছে তামিলনাডুত । ইখনৰ পিচত সিখন চৰকাৰ সলনি হৈ আছে । অবৈধ ভাৱে বন্দী কৰি ৰখা “জয়মালা”ক তামিলনাডুৰ এটা মন্দিৰৰ চৌহদত চাৰিওখন ভৰি শিকলিৰে বান্ধি কেইবাজনো মাউতে অতি নৃশংসভাৱে মাৰপিট কৰি থকাৰ দৃশ্য “পেটা” নামৰ স্বেচ্ছাসেৱী অনুষ্ঠানে পোহৰলৈ আনিছে অসমৰ অন্যতম সমন্বয়-সংহতি-ঐক্যৰ অনুষ্ঠান “বহুভাষিক সাহিত্য মঞ্চ,অসম” চমুকৈ “বহুবাক” ৰ প্ৰধান সম্পাদক দীপক শৰ্মাই এক বিজ্ঞপ্তিত অসম চৰকাৰৰ মাননীয় মুখ্যমন্ত্ৰী, বনমন্ত্ৰী, বন বিভাগৰ উৰ্দ্ধতম কতৃপক্ষক অনুৰোধ জনাই কয় – অচিৰেই জয়মালাক অসমলৈ ওভোতাই আনিব লাগে । যিকেজন মাউতে হাতীটোক নৃশংস ভাৱে অত্যাচাৰ কৰি আছে, তেওলোকক শাস্তি বিহিব লাগে ।জয়মালাক অতিশীঘ্ৰে অসমলৈ আনিবলৈ আহ্বান জনাইছে মানুহ আৰু পৰিৱেশ, অসমৰ সভাপতি কমল চন্দ্ৰ মেধি, দক্ষিণ কামৰূপ সচেতন মঞ্চৰ অধ্যক্ষ মদন দাস আদি দল-সংগঠনে।