অসমত ধঁপাত নিয়ন্ত্ৰণ শীৰ্ষক ৰাজ্যিক পৰ্যায়ৰ কৰ্মশালা

বিগত কেইবাবছৰ ধৰি ধঁপাত নিয়ন্ত্ৰণৰ ক্ষেত্রত কাম কৰি অহা কনজুমাৰ ভয়চ, দিল্লী আৰু কনজুমাৰ্চ লিগেল প্ৰটেকশ্যন ফ’ৰাম, অসমে আজি গুৱাহাটীৰ দিছপুৰস্থিত হোটেল ৰিভিয়েৰাত ‘বিগ টবেক’ : টাইনী টাৰ্গেটছ ষ্টাডী’ শীৰ্ষক এখন ৰাজ্যিক পৰ্যায়ৰ কৰ্মশালা অনুষ্ঠিত কৰে। কৰ্মশালাখনৰ উদ্দেশ্য আছিল যুৱপ্ৰজন্মক ধঁপাতৰ ভয়াৱহতাৰ পৰা কেনেকৈ ৰক্ষা কৰিব পাৰি। গুৱাহাটীৰ ডাঃ বি বৰুৱা কৰ্কট প্ৰতিষ্ঠানৰ সঞ্চালক ডাঃ অমল চন্দ্ৰ কটকীয়ে কৰ্মশালাখন উদ্বোধন কৰে। উদ্বোধনী ভাষণত ডাঃ কটকীয়ে কয় যে পৌৰ নিগম কৰ্তৃপক্ষ সমূহে ২০১৭ চনৰ ২১ ছেপ্টেম্বৰৰ গৃহ আৰু পৰিয়াল কল্যাণ মন্ত্ৰণালয়ৰ পৰামৰ্শ আৰু ২০১৮ চনৰ ২৮ ছেপ্টেম্বৰৰ মিনিষ্ট্ৰী অৱ হাউছিং এণ্ড আৰবান প’ভাৰ্টী এলিভিয়েশ্যনৰ পৰামৰ্শ ৰূপায়ন কৰিব লাগে, যাতে ধঁপাত বিক্রেতাসকলক অনুজ্ঞাপত্ৰ দিয়াৰ ক্ষেত্ৰত সুব্যৱস্থা তথা নিয়ন্ত্ৰণ কৰিব পাৰি। ধঁপাত বিক্রেতাৰ বাবে অনুজ্ঞাপত্ৰ প্ৰৱৰ্তন ব্যৱস্থাই যুৱপ্ৰজন্মক ধঁপাতৰ প্ৰতি আসক্তি কমোৱাত সহায় কৰিব, কাৰণ ‘কটপা’ উলংঘন হলে বিক্রেতাৰ অনুজ্ঞাপত্ৰ বাতিল বা নিলম্বিত কৰাৰ ক্ষেত্ৰত সুযোগ থাকে। পৌৰ নিগম কৰ্তৃপক্ষই সেইবিলাক দোকানক অনুজ্ঞাপত্ৰ প্ৰদান কৰিব লাগে, যিবিলাক দোকানে বিশেষকৈ ধঁপাতজাতীয় সামগ্ৰী বিক্ৰী কৰে, যাতে শিশুসকলে সাধাৰণ দোকানৰ পৰা সেই সামগ্ৰীবিলাকৰ সংস্পৰ্শ লাভ নকৰে। শিক্ষা প্ৰতিষ্ঠানৰ পৰা দূৰত থকা দোকানসমূহক অনুজ্ঞাপত্ৰ প্ৰদান কৰিব লাগে। অনুষ্ঠানত কনজুমাৰ্চ লিগেল প্ৰটেকশ্যন ফ’ৰাম, অসমৰ সচিব তথা অধিবক্তা অজয় হাজৰিকাই শেহতীয়াকৈ অসমৰ তিনিখন চহৰত (গুৱাহাটী, যোৰহাট আৰু ডিব্ৰুগড়) ধঁপাতজাতীয় সামগ্ৰী বিক্ৰী কৰা দোকানসমূহৰ ওপৰত কৰা ‘বিগ টবেক’ : টাইনী টাৰ্গেটছ’ শীৰ্ষক সমীক্ষাৰ মূল বিষয়কেইটা আলোকপাত কৰে। তেওঁ কয় যে অসমত শিক্ষা প্ৰতিষ্ঠানৰ ১০০ গজ দূৰত্বৰ ভিতৰত ৯৭ খন দোকানত ধঁপাতজাতীয় সামগ্ৰী বিক্ৰী কৰা বুলি সমীক্ষাত স্পষ্ট হৈছে। সমীক্ষাটোৰ মতে অসমত ৩৬.০৮ শতাংশ ফিলিপ মৰিছ ইণ্টাৰনেচনেল, ৪.১২ শতাংশ ব্ৰিটিছ আমেৰিকান ধঁপাতজাতীয় সামগ্ৰী আৰু ৯৩.৮১ শতাংশ ইম্পেৰিয়েল টবেক’ কোম্পানী অৱ ইণ্ডিয়া লিমিটেডৰ ধঁপাতজাতীয় সামগ্ৰী বিক্ৰী হয়, যিটো আটাইতকৈ জনপ্ৰিয় ভাৰতীয় কোম্পানী। ৯৫.৮৮ শতাংশ দোকানত ধঁপাতজাতীয় সামগ্ৰী শিশুৱে দেখা পোৱাকৈ ৰখা হয় (১ মিটাৰ উচ্চতাত)। ৭২.১৬ শতাংশ দোকানত চিগাৰেটৰ স্বাস্থ্য সম্বন্ধীয় সতৰ্কীকৰণ জাননী নেদেখাকৈ ৰখা হয়। শিশুসকল আকৰ্ষিত হোৱাকৈ ৯০.৭২ শতাংশ দোকানত চিগাৰেট চকলেট বা মিঠাইজাতীয় সামগ্ৰীৰ ওচৰত ৰখা হয়। ৮৫.৫৭ শতাংশ দোকানত এটাকৈ চিগাৰেট বিক্ৰী হয়। কৰ্মশালাত অসমৰ ৰাজ্যিক ধঁপাত নিয়ন্ত্ৰণ কোষৰ ৰাজ্যিক নডেল বিষয়া ডাঃ অৰুন্ধতী ডেকা, অসম কেঞ্চাৰ কেয়াৰ ফাউণ্ডেশ্যনৰ প্ৰগ্ৰেম মেনেজাৰ ডাঃ সুব্ৰত চন্দ, ইউ এছ টি এমৰ ছ’চিয়েল ৱৰ্ক বিভাগৰ মুৰব্বী অধ্যাপক ডঃ গিৰিমল্লিকা শৰ্মা আৰু ধঁপাতজাতীয় সামগ্ৰীৰ ব্যৱসায়ীক প্ৰতিনিধি গণেশ পণ্ডিতে ‘কটপা’ অধিক শক্তিশালী আৰু কাৰ্যকৰীকৰণ তথা ধঁপাত বিক্রেতাৰ ক্ষেত্ৰত অনুজ্ঞাপত্ৰৰ নিয়ম আৰম্ভ কৰি কেনেকৈ যুৱপ্ৰজন্মক ধঁপাতজাতীয় সামগ্ৰীৰ পৰা দূৰত ৰাখিব পাৰি, সেই বিষয়ে মূল্যবান পৰামৰ্শ আগবঢ়ায়। কৰ্মশালাত বিভিন্ন ব্যৱসায়িক সংগঠনৰ প্ৰতিনিধি, স্বাস্থ্য বিশেষজ্ঞ আৰু চিকিৎসক, স্বাস্থ্য বিষয়া আৰু ধঁপাত নিয়ন্ত্ৰণ কোষ, অভিভাৱক, শিক্ষক সংস্থা, শিক্ষা প্ৰতিষ্ঠান আৰু পৌৰ নিগমৰ বিষয়া, সামাজিক অনুষ্ঠান, সংবাদকৰ্মী, ধঁপাত নিয়ন্ত্ৰণ আৰু গ্ৰাহক সুৰক্ষা কৰ্মী তথা যুৱপ্ৰজন্মৰ প্ৰতিনিধিয়ে অংশগ্ৰহণ কৰে।

Share on whatsapp
WhatsApp
Share on facebook
Facebook
Share on twitter
Twitter
Share on email
Email

১ নিযুত বিক্ৰীৰে ১০০পাইপাৰছে ৰেকৰ্ড ভাঙিলে

ভাৰতত সৰ্বাধিক বিক্ৰী হোৱা স্কচ হুইস্কি চিগ্ৰামৰ ১০০ পাইপাৰছে মাইলৰ খুঁটি অৰ্জন কৰি উদ্যোগটোত নতুন উচ্চ মানদণ্ড স্থাপন কৰিছে। ই নিজকে এজন বজাৰ নেতা, চিন্তাকৰা নেতা আৰু এজন উদ্ভাৱন নেতা হিচাপে
প্ৰমাণিত কৰিছে।যোৱা ব্যৱসায় চক্ৰত২০ – জুন ২১, ১০০ পাইপাৰছে এটা নহয় দুটা ৰেকৰ্ড ভংগ কৰিছে!১০০ পাইপাৰবাৰ্ষিক বিক্ৰীত ১ নিযুত+ কেছ অতিক্ৰম কৰা ভাৰতৰ প্ৰথম আৰু একমাত্ৰ স্কচ ব্ৰেণ্ড হৈ পৰিছে।
ব্ৰেণ্ডটোৰ প্ৰিমিয়াম ভেৰিয়েণ্ট পাইপাৰচ ব্লেণ্ডেড স্কচ, ১২ বছৰ বয়সৰ ২০১২ চনত মুকলি হোৱাৰ পিছত প্ৰথমবাৰৰ বাবে
বাৰ্ষিক বিক্ৰীত ১00,000 কেছ অতিক্ৰম কৰিছে।
স্কচ হুইস্কি বজাৰত নিজৰ আধিপত্য জাহিৰ কৰি, ব্ৰেণ্ডটোৱে শেহতীয়াকৈ এটা নতুন প্ৰকাৰ পাইপাৰচ ব্লেণ্ডেড মল্ট
স্কচ, বয়স ৮ বছৰ মুকলি কৰিছিল!ভাৰতীয় গ্ৰাহকসকলৰ বাবে এক সঁচাকৈয়ে আন্তৰ্জাতিক অভিজ্ঞতা আনিছে, যাৰ ভিতৰত আছে সৰ্বাধিক পৰিসৰৰ অনন্য স্কচ
প্ৰকাৰ।

একাধিক সাফল্যৰ বিষয়ে মন্তব্য কৰি পাৰ্নোড ৰিকাৰ্ড ইণ্ডিয়াৰ মুখ্য বিপণন বিষয়া কাৰ্তিক মহিন্দ্ৰাই কয়,১০০
পাইপাৰসকলে ভাৰতীয় স্কচ শাখাক আকাৰ দিয়া অব্যাহত ৰাখিছে আৰু নতুন অভিলেখ স্থাপন কৰিছে। এইটো যুৱ, উচ্চাকাংক্ষী গ্ৰাহকসকলৰ মাজত ইয়াৰ বৰ্ধিত জনপ্ৰিয়তাৰ দ্বাৰা চালিত হয় যিসকলে ব্ৰেণ্ডটোৰ উদ্দেশ্য-চালিত পদক্ষেপবোৰৰ স্বকীয়তা,সত্যতা আৰু বিশ্বাসযোগ্যতাৰ বাবে শক্তিশালীভাৱে প্ৰতিধ্বনিত হৈছে।যেনে, আন্তৰ্জাতিক পুৰস্কাৰ প্ৰাপ্ত লিগেচী প্ৰকল্প – যিয়ে সীমিত সংস্কৰণ পেকৰ জৰিয়তে বিপদাপন্ন ভাৰতীয় আৰ্টফৰ্ম প্ৰদৰ্শন কৰে আৰু শিল্পীসকলক প্ৰকৃত জীৱিকা সমৰ্থন প্ৰদান কৰে।

গুজৰাটৰ গান্ধীধামত আয়ুষ বনৰ শুভ উদ্বোধন কৰে কেন্দ্ৰীয় মন্ত্ৰী সৰ্বানন্দ সোণোৱালে

কেন্দ্ৰীয় আয়ুষ তথা কেন্দ্ৰীয় বন্দৰ,জাহাজ পৰিবহণ আৰু জলপথ মন্ত্ৰী সৰ্বানন্দ সোণোৱালে আজি গুজৰাটৰ গান্ধীধামত ৰ’টাৰী ক্লাৱৰ দ্বাৰা আয়োজিত এক অনুষ্ঠানত আয়ুষ বনৰ শুভ উদ্বোধন কৰে।দীনদয়াল বন্দৰ ন্যাসৰ দ্বাৰা আবন্টিত ৩০ একৰ ভূমিত আয়ুৰ্বেদিক উদ্ভিদ ৰোপণৰ বাবে এই আয়ুষ বন গঢ় দিয়া হৈছে, এই উপলক্ষে আয়োজিত অনুষ্ঠানট কেন্দ্ৰীয় মন্ত্ৰী গৰাকীক সংগ দিয়ে স্থানীয় সাংসদ বিনোদ চাৱড়া ,বিধায়িকা মালতী মহেশ্বৰী , দীনদয়াল বন্দৰ ন্যাসৰ অধ্যক্ষ সঞ্জয় মেহতা প্ৰমুখ্যে ৰ’টাৰী ক্লাৱৰ পদাধিকাৰীগণ আৰু অন্যান্য গণ্য মান্য ব্যক্তি সকলে।অনুষ্ঠানৰ সৈতে সংগতি ৰাখি কেন্দ্ৰীয় মন্ত্ৰী গৰাকীয়ে আয়ুষ বনত ঔষধি গছপুলি ৰোপন কৰে।

আয়ুষ বন গঢ় দিয়াৰ দীনদয়াল বন্দৰ ন্যাস আৰু ৰ’টাৰী ক্লাৱৰ গুৰুত্বপূৰ্ণ ভূমিকা শলাগ লৈ সৰ্বানন্দ সোণোৱালে ভাষণ প্ৰসংগত কয় যে প্ৰকৃতিৰ মাজত অলেখ সুযোগ সম্ভাৱনা নিহিত হৈ আছে ।এই প্ৰকৃতিৰ পৰাই মানৱ সমাজে সকলো প্ৰয়োজনীয় সম্পদ আহৰণ কৰিছে।সেয়েহে প্ৰকৃতি আইৰ প্ৰতি চিৰকৃতজ্ঞ হৈ প্ৰকৃতিৰ সুৰক্ষিত কৰাটো প্ৰতিগৰাকী নাগৰিকৰে এক গুৰু দায়িত্ব।দেশৰ পৰম্পৰাগত চিকিৎসা পদ্ধতিৰ প্ৰসাৰৰ ক্ষেত্ৰত আয়ুষ মন্ত্ৰালয়ৰ গুৰুত্বপূৰ্ণ পদক্ষেপসমূহৰ ওপৰত আলোকপাত কৰি কয় যে প্ৰধানমন্ত্ৰী নৰেন্দ্ৰ মোদী ডাঙৰীয়াই শাসনভাৰ লোৱাৰে পৰা ভাৰতৰ চহকী পৰম্পৰাৰ চানেকি আয়ুষ ব্যৱস্থাৰ সংৰক্ষণ আৰু প্ৰসাৰৰ দিশত যথেষ্ট গুৰুত্ব আৰোপ কৰিছে।মোদীজীৰ ভিজনক সৰোগত কৰি আয়ুষ মন্ত্ৰালয়ে ইতিমধ্যে যাৱতীয় বিভিন্ন পদক্ষেপ গ্ৰহণ কৰিছে,যাৰ জৰিয়তে কেৱল ভাৰতৰে জনগণ নহয়,সমগ্ৰ বিশ্ব বাসীয়ে এই সমৃদ্ধিশালী আয়ুষ পদ্ধতিৰ প্ৰতি আকৰ্ষিত হ’বলৈ ধৰিছে।কিন্ত এই ক্ষেত্ৰত পূৰ্বৰ চৰকাৰে কোনোধৰণৰ গুৰুত্ব প্ৰদান নকৰিলে যাৰ ফলত দেশৰ ঐতিহ্য, পৰম্পৰা চানেকি আয়ুষ ব্যৱস্থা অতবছৰে অৱহেলিত হৈ থাকিব লগীয়া হৈছিল।মোদীজীৰ দৃঢ় পদক্ষেপৰ বাবেহে এতিয়া আয়ুষ ব্যৱস্থাই বিশ্বমুখী হোৱাৰ লগতে যথেষ্ট গতিশীলতা লাভ কৰিবলৈ সক্ষম হৈছে।

তদুপৰি ভাষণ প্ৰসংগত কেন্দ্ৰীয় মন্ত্ৰী গৰাকীয়ে উল্লেখ কৰে যে প্ৰকৃতিৰ মাজত থকা আয়ুষৰ সুযোগ সম্ভাৱনাবোৰক মানৱ সমাজৰ হিতৰ বাবে অন্বেষণ কৰি সুপ্ৰয়োগ কৰিব লাগিব, তেহে দেশৰ পৰম্পৰাগত চিকিৎসা পদ্ধতিৰ অধিক সম্প্ৰসাৰণ হোৱাৰ উপৰিও চিকিৎসা ক্ষেত্ৰত এক শক্তিশালী বিকল্প মাধ্যম হিচাপে আয়ুষ পদ্ধতি ব্যৱহৃত হোৱাৰ অৱকাশ আছে।

ডিব্ৰুগড় শ্বহীদ ন্যাসত এম্বুলেঞ্চ সেৱাৰ মুকলি

চান্দা সংস্কৃতি বুলি গুৰুতৰ অভিযোগ উত্থাপিত হৈ অহা আছুয়ে বিভিন্ন সময়ত বিভিন্ন যোগাত্মক কামৰ জৰিয়তে জনসাধাৰণৰ দৃষ্টি আকৰ্ষণ আৰু প্ৰশংসা পাত্ৰ হৈ আহিছে।এইবাৰ দুখীয়া শ্ৰেণীৰ জনসাধাৰণ আৰু বিভিন্ন সময়ত দুৰ্ঘটনা গ্ৰস্ত ছাত্র ছাত্ৰী সুবিধাৰ বাবে ডিব্ৰুগড়ত মুকলি কৰিছে এক এম্বুলেঞ্চ সেৱা।ডিব্ৰুগড় জিলা ছাত্র সন্থাই বেংকৰ জৰিয়তে ঋণ লৈ ৰাইজৰ বাবে মুকলি কৰা এই এম্বুলেঞ্চ সেৱাৰ মুকলি কৰে সদৌ অসম ছাত্ৰ সন্থাৰ সাধাৰণ সম্পাদক শংকৰজ্যোতি বৰুৱাই।ডিব্ৰুগড় শ্বহীদ ন্যাসত এম্বুলেঞ্চ সেৱাৰ মুকলি অনুষ্ঠানত গায়ন-বায়নৰ জৰিয়তে মাংগলিক কাৰ্যসূচী জৰিয়তে এম্বুলেঞ্চ খন চলাই মুকলি কৰে আছুৰ সাধাৰণ সম্পাদক জনে।

অনুষ্ঠানত অৰুণাচল বিশ্ববিদ্যালয়ৰ প্ৰাক্তন ডীন সৃষ্টি ধৰ দত্ত, ৰাষ্ট্ৰপতি পুৰস্কাৰ প্ৰাপ্ত কৃতী শিক্ষক গন্ধেশ্বৰ শইকীয়া, বৃহত্তৰ প্ৰেছ ক্লাবৰ সভাপতি মনজিৎ বৰা সহ আছুৰ বিষয়ববীয়া সকল।উল্লেখযোগ্য যে, ইতিমধ্যে ডিব্ৰুগড় আছুয়ে স্বৰ্গৰথ নামৰ এখন মৃতদেহ কঢ়িওৱা বাহন মুকলি কৰি ডিব্ৰুগড়ৰ লগতে উজনি অসমৰ তিনিচুকীয়া, শদিয়া, ধেমাজি-লক্ষীমপুৰ লৈকে দৰিদ্ৰ লোক সকলৰ সেৱা আগবঢ়াই আহিছে।মংগল বাৰে উদ্বোধন কৰি ডিব্ৰুগড় জিলা ছাত্র সন্থাৰ লগতে সদৌ অসম ছাত্র সন্থাৰ বাবে এটা অতি গুৰুত্বপূৰ্ণ দিন বুলি কৈ এম্বুলেঞ্চ খনৰ জৰিয়তে ও ছাত্র ছাত্ৰী লগতে দৰিদ্ৰ শ্ৰেণীৰ লোকসকলৰ যথেষ্ট উপকৃত হ’ব বুলি আশা কৰে শংকৰজ্যোতি বৰুৱাই।

মিৰ্জাৰ বৰকুছিত থলুৱা খাদ্য সম্ভাৰ খৰিকা ধাবা শুভ উদ্বোধন কৰিলে বিধায়ক হেমাংগ ঠাকুৰীয়াই

দক্ষিণ কামৰূপৰ পলাশবাৰী সমষ্টিৰ মিৰ্জা বৰকুছিৰ হোটেল ৰৱেল পেলেচস্থিত অসমীয়া থলুৱা খাদ্য সম্ভাৰৰে জুতি লব পৰা “খৰিকা ধাবা”ৰ আজি আনুষ্ঠানিকভাৱে শুভ-উদ্বোধন কৰে পলাশবাৰী সমষ্টিৰ বিধায়ক হেমাংগ ঠাকুৰীয়াই । উদ্বোধন কৰি বিধায়ক ঠাকুৰীয়াই অসমীয়া থলুৱা খাদ্যৰ সম্ভাৰৰ খৰিকা ধাবাত অতি কম মুল্যত খাদ্যৰ সোৱাদ লোৱাৰ লগতে ছয়ানী বৰদুৱাৰ জিলা পৰিষদৰ সদস্যা সমীৰাণী ভট্টাচাৰ্যৰ পুত্ৰ তথা স্বত্বাধিকাৰী জ্যোতিৰ্ময় চাণ্ডিল্যৰ উজ্বল ভৱিষ্যত কামনা কৰে । অনুষ্ঠানত পলাশবাৰী থানাৰ ভাৰপ্ৰাপ্ত বিষয়া জিৱেন্দ্ৰ ব্ৰহ্ম, দক্ষিণ কামৰূপ জিলা বিজেপিৰ উপ-সভাপতি জয়ন্ত গোস্বামী, মালিয়াটা গাঁও পঞ্চায়তৰ সভাপতি বিকাশ বড়ো, পৰাণ শৰ্মাৰ লগতে বহুকেইজন লোক উপস্থিত থাকে।

এগৰাকী অৱসৰপ্ৰাপ্ত শিক্ষকৰ ব্যতিক্ৰমী প্ৰচেষ্টা

নগাঁৱৰ এগৰাকী অৱসৰপ্ৰাপ্ত শিক্ষক।নাম জয়বাবু সিংহ ।শিক্ষক গৰাকী ব্যক্তিগত প্ৰচেষ্টাত ৰাষ্ট্ৰীয় ঘাই পথৰ দাঁতিত গঢ় লৈ উঠিছে এখন বাগিচা।দিনটোৰ অধিকাংশ সময় বাগিচাখনৰ কামতে ব্যস্ত থাকে লংকা হাই স্কুলৰ এইগৰাকী অৱসৰপ্ৰাপ্ত শিক্ষকে। চৰকাৰ অথবা আন কোনো অনুষ্ঠান প্ৰতিষ্ঠানৰ সহায়ৰ অবিহনে গাঁঠিৰ ধন ভাঙি ২০১৭ চনতে বাগিচাখন আৰম্ভ কৰিছিল। এই পৰ্যন্ত সাত লক্ষাধিক ধন খৰচ কৰি বাগিচা খনত বিভিন্ন প্ৰজাতি ফুল গছ ৰোপন কৰিছে অৱসৰপ্ৰাপ্ত শিক্ষক গৰাকীয়ে। সমান্তৰালকৈ বাগিচাখনত ডাল ভৰি লাগিছে বিভিন্ন প্ৰজাতিৰ সুস্বাদু ফল।উল্লেখযোগ্য যে পথচোৱা সৌন্দৰ্য্যবৰ্ধন আৰু সেউজ পৰিৱেশ গঢ়ি তোলাৰ লক্ষ্যৰে এক ব্যতিক্ৰমী প্ৰচেষ্টা হাত লৈছে এইগৰাকী অৱসৰপ্ৰাপ্ত শিক্ষকে। অৱসৰপ্ৰাপ্ত শিক্ষকজনে লোৱা এই ব্যতিক্ৰমী প্ৰচেষ্টাৰ বাবে নগাঁওবাসী মাজত চৰ্চা লাভ কৰিছে।পৰিৱেশ সংৰক্ষণ আৰু কৰ্মৰ মাজতে এইগৰাকী ব্যক্তিয়ে বিচাৰি পাইছে প্ৰাপ্তিৰ আনন্দ।

অস্কাৰৰ প্রাৰম্ভিক দৌৰত অসমীয়া চলচিত্ৰ

অসমীয়া চলচিত্ৰ উদ্যোগলৈ সুখবৰ৷ বিশ্ব চলচিত্ৰ সর্বোচ্চ সন্মান অস্কাৰৰ প্রাৰম্ভিক দৌৰত অৱতীর্ণ হৈছে এখন অসমীয়া ছবি৷ কৃপাল কলিতাৰ পৰিচালিত ব্ৰীজ নামৰ ছবিখনে অস্কাৰৰ বাবে মনোনয়ন লাভ কৰিছে।ব্ৰহ্মপুত্ৰৰ প্ৰতি থকা ভালপোৱা আৰু এখন দলঙক কেন্দ্ৰ কৰি হোৱা হতাশা,ক্ষতিৰ প্ৰতিছবি চিনেমাখনৰ জৰিয়তে উপস্থাপন কৰিছে।

উল্লেখ্য যে ৰমা কুমাৰ দাস আৰু সবিতা দেৱী প্রয়োজিত ব্রীজ নামৰ ছবিখন ইতিমধ্যে ৩৫খনতকৈ অধিক আন্তঃৰাষ্ট্রীয় চলচ্চিত্র মহোৎসৱত প্রদর্শিত হৈছে৷ ৫১সংখ্যক ভাৰতৰ আন্তঃৰাষ্ট্রীয় চলচ্চিত্র মহোৎসৱত পুৰস্কাৰ লাভ কৰা একমাত্র ভাৰতীয় চিনেমা হিচাপে কৃতিত্ব অর্জন কৰা ‘ব্রীজ’–য়ে পাইছে আন কেইবাটাও আন্তঃৰাষ্ট্রীয় সন্মান৷ ইয়াৰ ভিতৰত গ’ল্ডেন জুৰী আন্তঃৰাষ্ট্রীয় চলচ্চিত্র মহাৎসৱত সামাজিক বিষয়ৰ শ্রেষ্ঠ ছবি, ১৬সংখ্যক ত্রিশূল আন্তঃৰাষ্ট্রীয় চলচ্চিত্র মহোৎসৱত শ্রেষ্ঠ ছবি আৰু ভাৰতৰ চলচ্চিত্র সমালোচকসকলৰ সংস্থাFIPRESCI–ৰ বিচাৰত ২০২০ চনত ভাৰতৰ শ্রেষ্ঠ দহখন চিনেমাৰ ভিতৰত স্থান লাভ কৰিছিল ৷