আমি প্ৰত্যকজনে মানসিক আৰু শাৰীৰিকভাৱে সুস্থ হৈ থাকিলেহে দৃঢ়তাৰে কাম কৰিব পাৰো।দলগতভাৱে কাম কৰিলে বিশ্বজয় কৰিব পাৰি এই কথাষাৰ প্ৰধানমন্ত্ৰী মোডীয়েও কৈছে এই মন্তব্য মুখ্যমন্ত্ৰী সৰ্বানন্দ সোণোৱালৰ।আজি সৰুসজাই ষ্টেডিয়ামত অনুষ্ঠিত হোৱা স্বেচ্ছাসেৱীসকলৰ লগত মত বিনিময়ৰ এক অনুষ্ঠানত মুখ্যমন্ত্রী গৰাকীয়ে এই মন্তব্য কৰে।খেলো ইণ্ডিয়া য়ুথ গেমছত বিশ্বৰ বিভিন্ন ঠাইৰ লোকৰ সমাগম হ’ব।আপোনালোকৰ কাম কাজে আমাৰ দেশৰ গৌৰৱ বৃদ্ধি কৰিব।উল্লেখযোগ্য যে খেলো ইণ্ডিয়া য়ুথ গেমছ অহা ১০ জানুৱাৰীৰ পৰা ২২ জানুৱাৰীলৈকে অনুষ্ঠিত হ’ব।১০০০ জন স্বেচ্ছাসেৱকে খেলো ইণ্ডিয়া গেমছত অতিথিক আদৰাৰ প্ৰস্তুতি চলাইছে।২০ টা ইভেণ্টত অনুষ্ঠিত হ’বলগীয়া খেলো ইণ্ডিয়া য়ুথ গেমছত ৬০০০ জন খেলুৱৈয়ে অংশগ্রহণ কৰিব।খেলো ইণ্ডিয়া গেমছৰ কাৰিকৰী প্ৰৱন্ধক আনন্দ প্ৰকাশ তিৱাৰীয়ে সমূহ স্বেচ্ছাসেৱীসকলক কৰ্তব্য আৰু দায়িত্ব সম্পর্কে প্ৰশিক্ষণ প্ৰদান কৰে।এই অনুষ্ঠানত উপস্থিত থাকি ছাত্ৰ আৰু ক্ৰীড়া কল্যাণ বিভাগৰ সদস্য সচিব লক্ষ্য কোঁৱৰে কয় যে খেলো ইণ্ডিয়াৰ দৰে এটা অনুষ্ঠান আয়োজন কৰিবলৈ পাই অতিশয় আনন্দিত হৈছো।সকলোৰে সহযোগিতা কামনা কৰিছো।উল্লেখযোগ্য যে ১০ জানুৱাৰীত ৯০ মিনিটৰ বাবে উদ্বোধনী সমাৰোহ অনুষ্ঠিত হ’ব।আজিৰ অনুষ্ঠানত ডি জি পি ভাস্কৰজ্যোতি মহন্ত,এম অংগমথোকে আদি কৰি বহুকেইজন বিশিষ্ট ব্যক্তি উপস্থিত থাকে।
আকাশবাণী নগাঁও কেন্দ্ৰৰ সৌজন্যমূলক সাহিত্য অনুষ্ঠানে শ্ৰুোতাৰ মন জয় কৰিছে
- admin
- October 24, 2020
- 2:01 pm
- No Comments
আকাশবাণী নগাঁও কেন্দ্ৰই যোৱা চাৰিমাহ ধৰি প্ৰতি সপ্তাহৰ মঙ্গল আৰু শুক্ৰবাৰে পুৱা ৯.১৫ত প্ৰচাৰ কৰি অহা সৌজন্যমূলক সাহিত্য অনুষ্ঠানটিয়ে সচেতন শ্ৰুোতাৰ মনোযোগ আকৰ্ষণ কৰিবলৈ সক্ষম হৈছে।উল্লেখযোগ্য যে এই অনুষ্ঠানটিৰ যোগেদি নপুৰণি লেখক লেখিকা সকলে তেওঁলোকৰ সদ্যপ্ৰকাশিত গল্প, প্ৰৱন্ধ,কবিতা, নাটক,উপন্যস আদি গ্ৰন্থসমূহৰ পৰিচয় শ্ৰুোতা সমাজৰ আগত দাঙি ধৰাৰ উপৰিও লেখক সকলক পৰিচয় কৰাই দিয়া হয়।
ইতিমধ্যে অসমৰ কেবাগৰাকী প্ৰতিষ্ঠিত কবি আৰু লেখকে এই অনুষ্ঠানটিত ভাগ লৈছে ।তদুপৰি, সম্প্ৰতি কেন্দ্ৰটোৰ পৰা প্ৰচাৰ হৈ থকা ডাঃ নৰেন কুটুমৰ “ভালপোৱাৰ কথোপকথন” নামৰ কবিতা সংকলনখনৰ সমূহ কবিতা সংগীত সংযোজনাৰে ধাৰাবাহিক ভাবে প্ৰচাৰ কৰি এক ব্যতিক্ৰমী অনুষ্ঠান কেন্দ্ৰটিয়ে শ্ৰুোতাক উপহাৰ দিবলৈ সক্ষম হৈছে।
খবৰ যুগুতালে ৰাহুল দেৱ বৰদলৈয়ে
ভিউৱাছৰ মতামত