বিশ্বত শেহতীয়াকৈ ব্যাৱসায়ৰ ক্ষেত্ৰত কাৰিকৰী আহিঁলাৰ প্ৰয়োগ তথা ইয়াৰ বিষয়ে জ্ঞাণ গুৰুত্বপূৰ্ণ হৈ উঠিছে৷ ব্যৱসায়িক ভিত্তি সম্প্ৰতি বৈদ্যাতুনিক হৈ পৰাত বাণিজ্যিক শাখাত স্নাতক শিক্ষাথৰ সকলোৰ বাবে ই এক গুৰুত্বপূৰ্ণ বিষয় হৈ উঠিছে৷ শিক্ষাৰ্থী সকলে কাৰিকৰী (Technology) দিশৰ ওপৰত বাণিজ্যিক শিক্ষাৰ পাঠ্যক্ৰম নিৰ্বাচন কৰিলে সফলতা লাভ কৰিব- আজি বাণিজ্যিক শিক্ষাৰ ওপৰত অনুষ্ঠিত শিক্ষা সমাৰোহত এইদৰে উল্লেখ কৰে আই আই এম কলিকতাৰ অধ্যাপক ডঃ জয়ৰাজ নায়াৰে৷ উল্লেখ্য যে বাণিজ্যিক শিক্ষাৰ ক্ষেত্ৰত অসম তথা উত্তৰ-পূবৰ যুৱ প্ৰজন্মক আগুৱাই নিয়াৰ বাবে প্ৰয়াস অক্ষুন্ন ৰাখি ৰাজ্যৰ অন্যতম ‘কেৰিয়াৰ কাউন্সিলিং গাষ্ঠেী প্ৰিমিয়াৰ ইডুই’ বিগত বৰ্ষবাৰেৰ দৰে এইবেলিও আজি গুৱাহাটীত অনুষ্ঠিত কৰে বাণিজ্যিক শিক্ষা সমাৰোহ৷ ’টিকট টু এম বিএ’ নামৰ উক্ত অনুষ্ঠানত অসম তথা উত্তৰ পূৱৰ শিক্ষাৰ্থীৰ সৈতে মত বিনিময় কৰে আই আই এম কলকাতাৰ অধ্যাপক ডঃ জয়ৰাজ নায়াৰ, লণ্ডনৰ বুৰ্ণেল বিশ্ববিদ্যালয়ৰ মনোবৈজ্ঞানিক পৰামৰ্শদাতা লয়া আগৰৱাল, এ এল চি ইৰ প্ৰশিক্ষক তথা অধ্যাপক শংকল মূৰুলীধৰণে৷ শিক্ষা সমাৰোহত ভাগলৈ বুৰ্ণেল বিশ্ববিদ্যালয়ৰ অধ্যাপিকা লয়া আগৰৱালে কয় যে- ‘ক’ভিড পৰিস্থিতিয়ে শিক্ষাৰ্থীৰ মানসিকতাৰ ওপৰত বিৰূপ প্ৰভাৱ পেলাইছে৷ ক’ভিডৰ বাবে পাৰিবাৰিক সমস্যা, হীনমান্যতা, হিংসা, যৌন নিৰ্যাতন আদি কাৰকে দেখা দিছে৷ নিজ মানসিকতাক শক্তিশালী কৰি এই কঠিন সময়ক চেৰ পেলালেই সফলতা নৱ প্ৰজন্মৰ হাতৰ মুঠিত৷ নতুন প্ৰজন্ম বহুতেই নিজৰ কেৰিয়াৰ নিৰ্বাচনত দোমোজাত পৰে। সেয়ে শিক্ষাৰ্থীসকলে মনোবিজ্ঞানী পৰামৰ্শ লৈ মনোবিজ্ঞানৰ পৰীক্ষাত বহিলে এই দোমোজা দূৰ হ’ব আৰু কেৰিয়াৰ নিৰ্বাচনত সুবিধা হ’ব।’ উল্লেখ্য যে উক্ত কেৰিয়াৰ মেলাত ইআইআই এল এম, পাৰুল বিশ্ববিদ্যালয়, আই এছ এম এচ, ইনডাছ বিজনেছ স্কুল আই আই ই বি এম, ৱেলিংকাৰ, ইনষ্টিটিউট অৱ মেনেজমেণ্ট, এটলাছ স্কিলটেক বিশ্ববিদ্যালয়, এছিয়ান বিজনেছ স্কুল, এ বি বি এছ, লেক্সিকন মাইল, আচাৰ্য ইনষ্টিটিউট, এছ আৰ এম, য়াংপ’ এক্সকিউটিভ ইডুকেছন, বি আই বি এছ, সাৰদা বিশ্ববিদ্যালয়, এই আই টি, ইউ পি ই এছ, অভাৰচিছ এম বি এ আদি দেশ-বিদেশৰ আগশাৰীৰ শিক্ষানুষ্ঠানে এই মহামেলাত ভাগ লয় ৷ উক্ত মেলাত অসম তথা উত্তৰ-পূৰ্বাঞ্চলৰ তিনি শতাধিক শিক্ষাৰ্থীয়ে সম্পূৰ্ণ ক’ভিড বিধি অৱলম্বনকৰি অংশলৈ কেৰিয়াৰ গঢ়াৰ নতুন বাটৰ আদিপাঠ গ্ৰহণ কৰে৷
গুৱাহাটী বিশ্ববিদ্যালয় এন এছ এছ কোষৰ ৰাষ্ট্ৰীয় কন্যা শিশু দিবস উদযাপন
আজাদী কা অমৃত মহোৎসবৰ অংশ হিচাপে গুৱাহাটী বিশ্ববিদ্যালয়ৰ ৰাষ্ট্ৰীয় সেৱা আঁচনি কোষে ২৪ জানুৱাৰীত এক বেবিনাৰৰ মাধ্যমত ৰাষ্ট্ৰীয় কন্যা শিশু দিবস উদযাপন কৰে। মুখ্য অতিথি হিচাপে উপস্থিত থাকি বিশ্ববিদ্যালয়খনৰ উপাচাৰ্য প্ৰফেছৰ প্রতাপ জ্যোতি সন্দিকৈয়ে ৰাষ্ট্ৰীয় কন্যা শিশু দিবস উদযাপনৰ গুৰুত্ব সম্পৰ্কে বিস্তৃত আলোচনা কৰি কয় যে কন্যা শিশুৰ প্রতি শ্রদ্ধা প্রথমে ঘৰৰ পৰাই আৰম্ভ কৰা উচিত আৰু এনএছ এছ স্বেচ্ছাসেবকে মানুহৰ মাজলৈ এই বাৰ্তা প্ৰেৰণ কৰিবলৈ আহ্বান জনায় । উত্তৰ পূব এন এছ এছৰ আঞ্চলিক সঞ্চালক দীপক কুমাৰে কাৰ্য্যসূচী বিষয়া আৰু স্বেচ্ছাসেবক সকলক কন্যা শিশুৰ উন্নতি আৰু নিৰাপত্তাৰ বাবে উদ্যোগ লবলৈ আহ্বান জনায় । তেওঁ চৰকাৰী বিভিন্ন আঁচনি , গার্ল চাইল্ড আঁচনিসমূহ এন এছ এছ কাৰ্য্যসূচী বিষয়া আৰু স্বেচ্ছাসেবকসকলে আগুৱাই নিয়াত অৰিহণা যোগাব লাগিব বুলি উল্লেখ কৰে। অতিথি অৰু অংশগ্রহণকাৰীক আদৰণি জনায় বিশ্ববিদ্যালয়ৰ ছাত্ৰকল্যাণ সঞ্চালক তথা এন এছ এছৰ কাৰ্য্যসূচী সমন্বয়ক ডঃ ৰঞ্জন কুমাৰ কাকতিয়ে । তেওঁ কয় যে : কন্যা শিশুৰ অধিকাৰ ,শিক্ষাৰ গুৰুত্ব, স্বাস্থ্য আৰু লিংগ বৈষম্য আৰু শাৰীৰিক নিৰ্যাতনৰ দৰে সমস্যা সম্পৰ্কে সচেতনতাৰ বাবে ৰাষ্ট্ৰীয় কন্যা শিশু দিবস পালন কৰা হয় । স্বাধীনতাৰ ৭৫ বছৰ উদযাপনৰ বাবে ২০ বছৰৰ কম বয়সী ৭৫ জনী কন্যা শিশুক গুৱাহাটী বিশ্ববিদ্যালয় এন এছ এছ কোষৰ অধীনৰ বিভিন্ন কলেজ এন এছ এছ গোটৰ দ্বাৰা সমাজত অসামান্য অৱদানৰ বাবে স্মাৰক,গামোচা আৰু মানপত্ৰৰে সম্বৰ্ধনা জনায় । কলেজৰ অধ্যক্ষ, এনএছএছ প্রোগ্রাম অফিছাৰ আৰুস্বেচ্ছাসেবক সমন্বিতে প্রায় ৩০০ জন অংশগ্রহণকাৰী এই বেবিনাৰত অংশগ্ৰহণ কৰে।
ভিউৱাছৰ মতামত