আজি কামৰূপ মহানগৰ জিলাৰ উপায়ুক্তৰ কাৰ্যালয়ৰ সভাকক্ষত দেশভক্ত তৰুণৰাম ফুকনৰ মৃত্যু বাৰ্ষিকী উপলক্ষ্যে দেশভক্তি দিৱস উদযাপন কৰা হয়। উক্ত অনুষ্ঠানত উপায়ুক্ত বিশ্বজিৎ পেগুৱে পোনপ্ৰথমে বন্তি প্ৰজ্বলন কৰে আৰু দেশভক্ত তৰুণৰাম ফুকনৰ প্ৰতিচ্ছবিত মাল্য অৰ্পণ কৰে। অতিৰিক্ত উপায়ুক্ত বিপুল কুমাৰ দাস, জিলা তথ্য আৰু জনসংযোগ বিষয়া মণিমালা গগৈ আদি উপস্থিত থকা এই অনুষ্ঠানত দেশভক্ত তৰুণৰাম ফুকনৰ বিষয়ে বক্তৃতা প্ৰদান কৰি জিলা উপায়ুক্তগৰাকীয়ে দেশভক্ত তৰুণৰাম ফুকনৰ আদৰ্শৰে সকলোকে দেশৰ হকে কাম কৰি যাবলৈ আহ্বান জনায়। উল্লেখযোগ্য যে অসম চৰকাৰৰ কেবিনেটৰ দ্বাৰা গ্ৰহণ কৰা সিদ্ধান্ত অনুসৰি প্ৰতিবছৰে তথ্য আৰু জনসংযোগ বিভাগৰ উদ্যোগত দেশভক্ত তৰুণৰাম ফুকনৰ মৃত্যু দিৱসটো ৰাজ্যৰ প্ৰতিখন জিলা আৰু মহকুমা সদৰত দেশভক্তি দিৱস হিচাপে পালন কৰা হ’ব। বুধবাৰে প্ৰথমবাৰৰ বাবে আনুষ্ঠানিকভাবে দেশভক্তি দিৱস পালন কৰা হৈছে।
প্ৰস্তুতি দেৱীৰ বাঁও চকু মোৰ লৰে দৃশ্য শ্ৰব্য মুকলি
সংগীত জগতত ভুমুকি মৰা নবাগতা কণ্ঠশিল্পী প্ৰস্তুতি দেৱীৰ কণ্ঠ আৰু কেশৱ নয়নৰ কথা-সুৰেৰে এটি সুমুধুৰ গীত ‘বাঁও চকু মোৰ লৰে’ আজি শুভমুক্তি হয়। ভোগালী বিহুৰ মাজতে অসমবাসীৰ মাজলৈ এই সুৰীয়া গীতটি কণ্ঠশিল্পীগৰাকীয়ে উপহাৰ দিয়ে। গীতটি আনুষ্ঠানিকভাৱে শুভমুক্তি দিয়ে বিশিষ্ট কণ্ঠশিল্পী, সংগীত পৰিচালক জে পি দাস আৰু মনীষা হাজৰিকাই। লগতে উপস্থিত থাকে চাজু আহমেদ, মানস হাজৰিকা আৰু সুনয়না। গীতটি মুকলি অনুষ্ঠানত বহুকেইগৰাকী বিশিষ্ট ব্যক্তি উপস্থিত থাকে।বেলতলাস্থিত হোটেল ৰয়েল দি কাছাত আয়োজিত এক গাম্ভীৰ্যপূৰ্ণ অনুষ্ঠানত আনুষ্ঠানিকভাৱে মুকলি কৰি কণ্ঠশিল্পী জে পি দাসে কয় যে, গীতটি অতিকে মনোমোহা হৈছে। গীতটিৰ কণ্ঠ হৃদয়স্পৰ্শী।অনাগত দিনটো প্ৰস্তুতি দেৱীয়ে এনে ধৰণৰ গীত অসমবাসী ৰাইজলৈ আগবঢ়াই যাব বুলি আশা কৰিছোঁ। তেওঁলৈ অশেষ শুভ কামনা থাকিল। অসমবাসীয়ে গীতটি আঁকোৱালি ল’ব বুলি আশা প্ৰকাশ কৰিলো।একেদৰে মনীষা হাজৰিকাই কয়, গীতটি সুৱলা হৈছে। গীতটিৰ কথা-সুৰ সুন্দৰ। গীতটি অসমবাসীয়ে আদৰি ল’ব। গীতটি সম্পৰ্কে কিছু বক্তব্য ৰাখে কণ্ঠশিল্পী প্ৰস্তুতি দেৱীয়ে।
ভিউৱাছৰ মতামত