কৰ ফাঁকিৰে ৰাজপথত গাড়ী চলাই থকা মালিক, উদ্যোগ- প্ৰতিষ্ঠানৰ বিৰুদ্ধে আজি মহানগৰীৰ খানাপাৰা, হাতীগাও আৰু সিজুবাৰীৰ বৃহৎ অঞ্চলত ব্যাপক তালাচী অভিযান চলায় পৰিবহণ বিভাগে। সহকাৰী পৰিবহণ আয়ুক্ত তথা অতিৰিক্ত দায়িত্ববাহী কামৰূপ মহানগৰ জিলা পৰিবহণ বিষয়া গৌতম দাসৰ কঠোৰ তত্বাবধানত বিভাগৰ উচ্চপদস্থ বিষয়াৰ দলে চলোৱা পানী নসৰকা তালাচী আৰু কৰ সংগ্ৰহ অভিযানত থৰকাছুটি হেৰুওৱা ব্যক্তিগত মালিকানাধীন বাহনৰ লগতে বিভিন্ন উদ্যোগ-প্ৰতিষ্ঠানৰ পৰা বিগত সময়ত ২০ কোটিতকৈ অধিক বকেয়া কৰ সংগ্ৰহ কৰাৰ পিছত অধিক কঠোৰ হৈ অভিযানত নামিছে মহানগৰ পৰিবহণ বিভাগৰ অভিযানকাৰী দল ৷ উল্লেখ্য যে, ২৩ ফেব্ৰুৱাৰীত এমভিআই কানাই মহন্ত, এনফৰ্চমেন্ট মৰমী পাঠক আৰু জেষ্ঠ সহায়ক জোনালী পাটোৱাৰীৰ উপস্থিতিত অভিযানকাৰী দলে চলোৱা অভিযানত ৪০খনৰো অধিক বিলাসী বাহনে দহ বছৰৰ কৰ পৰিশোধ নকৰাকৈ বিনাদ্বিধাই গাড়ী চলাই থকাৰ কথা ধৰা পৰাত বাহনৰ মালিক-কতৃপক্ষক ডিমাণ্ড নটিছ প্ৰেৰণ কৰি শীঘ্ৰেই কৰ পৰিশোধৰ আহ্বান জনোৱাৰ লগতে এইক্ষেত্ৰত গ্ৰহণ কৰিবলগীয়া সাৱধানতা সন্দৰ্ভতো সকিয়াই দিয়ে ৷ মহানগৰীৰ বৃহৎ অঞ্চলটোত অভিযানকাৰী দলে পৃথকে পৃথকে চলোৱা অতৰ্কিত অভিযানত বিভিন্ন বাহনে বীমা নোহোৱাকৈ যানবাহন চলাই থকাৰ গুৰুত্বৰ তথ্য ধৰা পৰাৰ লগতে বহু বাহনৰ প্ৰদূষণমুক্ত প্ৰমাণপত্ৰ নথকা আৰু বহু চালকৰ অনুজ্ঞাপত্ৰ নবিকৰন নকৰাৰ বিসঙ্গতি ধৰা পৰাত ই-চালান প্ৰেৰণ কৰাৰ লগতে জৰিমনা আদায় কৰা হয়। ইফালে ব্যক্তিগত বাহনৰ লগতে বিভিন্ন নিৰ্মাণকাৰী সংস্থা, ব্যক্তিগত উদ্যোগ-প্ৰতিষ্ঠানৰ দুৱাৰে দুৱাৰে বিভাগৰ বিষয়া-কৰ্মচাৰীৰ দল উপস্থিত হৈ শীঘ্ৰে অনাদায়ী কৰ আদায়ৰ বাবে আহ্বান জনাই ৫০ খনকৈ ডিমাণ্ড নটিছ প্ৰেৰণ কৰে। উল্লেখ্য যে, কৰ সংগ্ৰহৰ সমান্তৰালভাৱে বিভাগৰ উদ্যোগত আজিও অব্যাহত থাকে সজাগতা অভিযান।
Trending
- অসম আৰু উত্তৰ-পূৰ্বাঞ্চলৰ গ্ৰাহকক অনলাইন প্ৰৱঞ্চনাৰ পৰা ৰক্ষা কৰিবলৈ ভাৰতী এয়াৰটেলৰ অনন্য প্ৰচেষ্টা
- ৰাইজৰ সুবিধাৰ বাবে বন বিভাগৰ ৱেব পৰ্টেল আৰু ম’বাইল এপ মুকলি
- বি আৰ অৰ পূৱ মণ্ডলৰ এ ডি জি হিচাপে জীতেন্দ্ৰ প্ৰসাদৰ কাৰ্যভাৰ গ্ৰহণ
- মুখ্যমন্ত্ৰীৰ সপোনৰ প্ৰকল্প – ব্ৰহ্মপুত্ৰৰ ওপৰত শুৱালকুচি – পলাশবাৰী সংযোগী দলঙৰ মাজিৰগাঁওৰ পৰা বিমানবন্দৰৰ সমীপলৈ নিৰ্মাণ হাইস্পীদ চাৰিলেনযুক্ত পথ সুকীয়াকৈ থাকিব
- Inauguration of Common Facility Center (CFC) under PM-DevINE Scheme at Chümoukedima, Nagaland
- চলিত মাহতে নথিপত্ৰ সঠিক কৰি লৈহে বাহন চলাওক- অসমত চলাচল কৰা বৰ্হিৰাজ্যৰ বাহন অসমৰ পৰিবহণ বিভাগত পঞ্জীয়ন কৰাৰ আহ্বান
- আজাৰা কাঁহিকুছিৰ কৃষি বিজ্ঞান কেন্দ্ৰ, কামৰূপলৈ দেশৰ শ্ৰেষ্ঠ কৃষি বিজ্ঞান কেন্দ্ৰৰ বঁটা
- ভূটানৰ গেলেফু মাইণ্ডফুলনেছ চিটিৰ প্ৰতিনিধি দলৰ হয়গ্ৰীৱ মাধৱ মন্দিৰ আৰু আই আই টি-গুৱাহাটী ভ্ৰমণ
- ভাৰত-ডেনমাৰ্কৰ দ্বিপাক্ষিক সম্পৰ্কৰ সফলতাই বিশ্বৰ সামুদ্ৰিক খণ্ডক এক নতুন গতি দিব: কোপেনহেগেন বিজনেছ স্কুলত ব্লু এম বি এ-ৰ প্ৰতিভাসমূহক সম্বোধন কৰে কেন্দ্ৰীয় মন্ত্ৰী সোণোৱালে
- NECTAR Launches Organic Agriculture Project in Arunachal Under PM-DevINE Scheme