দেশজুৰি ক’ভিড – ১৯ মহামাৰীৰ বিৰুদ্ধে চলি থকা যুজখনত আন আন সহস্ৰ বাহিনীৰ দৰে কেন্দ্ৰীয় সংৰক্ষিত আৰক্ষী বাহিনী চমুকৈ চি আৰ পি এফেও সহযোগিতা আগবঢ়াইছে । ইয়াৰ অংশহিচাপে পশ্চিম গুৱাহাটীৰ ৰাণীস্থিত চি আৰ পি এফৰ ১৭৫ বেটেলিয়ানৰ মুখ্য কাৰ্যালয় চৌহদত ১৫ মে’ৰ পৰা ৰাজ্য চৰকাৰৰ স্বাস্থ্য বিভাগৰ সহযোগত ১৮ – ৪৫ বছৰ বয়সৰ লোকসকলৰ বাবে অনুষ্ঠিত হৈ আছে ক’ভিড – ১৯ ৰ প্ৰতিষেধকৰ ভেকচিন বা টীকাকৰণ শিবিৰ । আজি বিয়লি পৰ্যন্ত শিবিৰত সাতোটা দিনত ৬০০ জনতকৈ অধিক লোকক প্ৰথম পৰ্যায়ৰ ভেকচিন দিয়া হৈছে । আনহাতে শিবিৰত আজি প্ৰায় দুবছৰ পূৰ্বে ২০১৯ চনৰ ২৭ মে’ত ঝাৰখণ্ডত নক্সাল উগ্ৰপন্থীৰ আক্ৰমণত আঁহত হৈ ১৩ জুনত নতুন দিল্লীৰ এইমছত চিকিৎসাধীন অৱস্থাত মৃত্যু হোৱা চি আৰ পি এফৰ ২০৯ কবৰা বেটেলিয়ানৰ শ্বহীদ জোৱান আৰু কামৰূপ জিলাৰ কমলপুৰ থানাৰ অন্তৰ্গত ডিমু পালাৰা গাওঁৰ বাসিন্দা সুনীল কলিতাৰ পত্নী পদুমী কলিতাক ভেকচিন প্ৰদান কৰি সন্মান যচা হয় । শিবিৰত শ্বহীদ জোৱান জনৰ ভাতৃ – ভগ্নীকো ভেকচিন প্ৰদান কৰা হয় । ভেকচিন প্ৰদানৰ সময়ত ১৭৫ চি আৰ পি এফ বেটেলিয়ানৰ কমাণ্ডেণ্ট সুভাষ চন্দ্ৰ শৰ্মা , জ্যেষ্ঠ চিকিৎসা বিষয়া ডাঃ অনিল কুমাৰ ঠাকুৰ , ডেপুটী কমাণ্ডেণ্ট মনোজ সিং উপস্থিত থাকে । আনহাতে ভেকচিন গ্ৰহণৰ পাছত পদুমী কলিতাই সাংবাদিকৰে সৈতে হোৱা চমু বাৰ্তালাপত ভেকচিন লৈ অত্যন্ত সুখী অনুভৱ কৰাৰ লগতে বিবাহৰ মাত্ৰ এমাহৰ পাছতে স্বামী শ্বহীদ হলেও বিগত প্ৰায় দুটা বছৰত চি আৰ পি এফৰ ফালৰ পৰা বিশেষকৈ ১৭৫ বেটেলিয়ানে তেওঁক সকলো ক্ষেত্ৰতে সহায় – সহযোগ আৰু উৎসাহিত কৰি আহিছে বুলি ব্যক্ত কৰে ।
Trending
- DoHUA Minister Jayanta Mallabaruah Inspects Flood-Affected Areas in Guwahati
- বি এ আই চিৰ উদ্যোগত প্ৰদৰ্শনীমূলক মেলা আয়োজন
- Assam Skill University Signs Landmark MoU with Directorate of Sainik Welfare
- Minister Pijush Hazarika Visits Second Bereaved Family in Gujarat Affected by the Pahalgam Terror Attack
- Minister Ashok Singhal Visits Family of Pehelgam Terror Attack Victim in Balasore, Odisha
- Assam’s flood problem is almost becoming an issue of the past under CM Dr Sarma’s leadership: Minister Hazarika
- Assam CM meets Defence Minister; seeks intervention in establishing Defence Corridor
- Northeast Witnessing Unprecedented Development Under PM Modi’s Leadership: Pabitra Margherita
- ৰাইজিং নৰ্থ ইষ্ট বিনিয়োগকাৰী সন্মিলনৰ দ্বিতীয়দিনা আলোচনাত স্থান লাভ কাঁহৰ বাচন বৰ্তনত জিআই টেগ, লণ্ডনলৈ নেমুটেঙাৰ ৰপ্তানিৰ প্ৰসংগ
- পবিতৰা অভয়াৰণ্যত বৃদ্ধি পাইছে পৰ্যটক – দৰ্শনাৰ্থীৰ সংখ্যা- ৰাজহ সংগ্ৰহৰ পৰিমাণো পূৰ্বতকৈ বৃদ্ধি