ৰাষ্ট্ৰীয় পেলু নিৰ্মূলকৰণ দিৱস আজিৰে পৰা সমগ্ৰ ৰাজ্যত শুভাৰম্ভ কৰা হয়। কামৰূপ জিলাৰ উপৰহালী প্ৰাথমিক স্বাস্থ্য কেন্দ্ৰৰ অধীনৰ বজাৰাপাৰা স্বাস্থ্য আৰু পৰিয়াল কেন্দ্ৰত আজি ৰাষ্ট্ৰীয় পেলু নিৰ্মূলকৰণ দিৱসৰ শুভাৰম্ভ কৰা হয়। উক্ত দিৱস শুভাৰম্ভ কৰে কামৰূপ জিলা স্থাস্থ্য বিভাগৰ যুটীয়া সঞ্চালক ডা: গুণগোবিন্দ শৰ্মাই। এই উপলক্ষে উপৰহালী প্ৰাথমিক স্বাস্থ্য কেন্দ্ৰৰ খণ্ড অনুষ্ঠান পৰিচালক গুণজিৎ গোস্বামীয়ে আঁতধৰা সভাখনৰ সভাপতিত্ব কৰে মনপুৰস্থিত সাতোপাৰা ৰাইজ গয়ৰহৰ সভাপতি নাৰয়ণ চৌধুৰীয়ে। সভাত কামৰূপ জিলাৰ স্বাস্থ্য বিভাগৰ যুটীয়া সঞ্চালক ডা: গুণগোবিন্দ শৰ্মাই পেলুৰ দ্বাৰা হ’ব পৰা বিভিন্ন সংক্ৰমিত ৰোগ আৰু নিৰ্মুলকৰণ, চাফ চিকুনতাৰ বিভিন্ন দিশত ভাষণ প্ৰসঙ্গত আলোকপাত কৰে। সভাত কামৰূপ জিলাৰ মিডিয়া এক্সপাৰ্ট নিলাক্ষী মেধীয়ে আজিৰ শিশু কাইলৈ দেশৰ ভৱিষ্যত, শিশুসকলক মাতৃসকলে চাফ চিকুন কৰি ৰাখিব লাগে। সঘনাই বিশুদ্ধ পানীৰে হাত, মুখ ধুই পৰিষ্কাৰ কৰাৰ লগতে ঘৰৰ চৌহদ সদায় চাফ-চিকুন কৰি ৰাখিব লাগে। তেনেস্থলত শিশুৰ লগতে মানুহৰ বহুত বেমাৰৰ পৰা হাত সাৰি থাকিব পাৰিব বুলি ভাষণ প্ৰসঙ্গত উল্লেখ কৰে। উক্ত পেলু নিৰ্মূলকৰণ দিৱস আজিৰপৰা সমগ্ৰ ৰাজ্যত ২৮ ফেব্ৰুৱাৰীলৈ চলিব আৰু পৰ্যায়ক্ৰমে আশাকৰ্মী কৰ্মীসকলে ঘৰে ঘৰে গৈ ১ বছৰৰ শিশুৰ পৰা ১৯ বছৰৰ লৰা, ছোৱালীক পেলু নিৰ্মলকৰণ ঔষধ খুৱাব বুলি জানিবলৈ দিয়ে স্বাস্থ্য বিভাগৰ লোকসকলে। উক্ত অনুষ্ঠানত পাঁচজন ল’ৰা ছোৱালীক জিলা যুটীয়া সঞ্চালকগৰাকীয়ে পেলু নিৰ্মূলকৰণ ঔষধ খোৱাই আঁচনিখনৰ শুভাৰম্ভ কৰে।অনুষ্ঠানত উপৰহালী প্ৰথমিক স্বাস্থকেন্দ্ৰৰ এচ.ডি.এম.এ.ও ডা: শ্যাম প্ৰসাদ ৰাজমেধী, জিলা অনুষ্ঠান পৰিচালিকা স্মৃতি শইকীয়া, মিৰ্জা ৩০ খন বিচনাযুক্ত প্ৰাথমিক চিকিৎসালয়ৰ পৰিচালিকা ডা: মিনাক্ষী বৰদলৈ, স্থানীয় গাঁওবুঢ়া প্ৰবীন বৰুৱা, আশা কৰ্মী, অঞ্চলটোৰ বিশিষ্ট লোকসকলৰ লগতে স্বাস্থ্য বিভাগৰ বিষয়া, কৰ্মচাৰীসকল উপস্থিত থাকে।
Trending
- Assam–Arunachal Border Talks: 5th Regional Committee Meeting Charts Path to Resolution
- অসম আৰু উত্তৰ-পূৰ্বাঞ্চলৰ গ্ৰাহকক অনলাইন প্ৰৱঞ্চনাৰ পৰা ৰক্ষা কৰিবলৈ ভাৰতী এয়াৰটেলৰ অনন্য প্ৰচেষ্টা
- ৰাইজৰ সুবিধাৰ বাবে বন বিভাগৰ ৱেব পৰ্টেল আৰু ম’বাইল এপ মুকলি
- বি আৰ অৰ পূৱ মণ্ডলৰ এ ডি জি হিচাপে জীতেন্দ্ৰ প্ৰসাদৰ কাৰ্যভাৰ গ্ৰহণ
- মুখ্যমন্ত্ৰীৰ সপোনৰ প্ৰকল্প – ব্ৰহ্মপুত্ৰৰ ওপৰত শুৱালকুচি – পলাশবাৰী সংযোগী দলঙৰ মাজিৰগাঁওৰ পৰা বিমানবন্দৰৰ সমীপলৈ নিৰ্মাণ হাইস্পীদ চাৰিলেনযুক্ত পথ সুকীয়াকৈ থাকিব
- Inauguration of Common Facility Center (CFC) under PM-DevINE Scheme at Chümoukedima, Nagaland
- চলিত মাহতে নথিপত্ৰ সঠিক কৰি লৈহে বাহন চলাওক- অসমত চলাচল কৰা বৰ্হিৰাজ্যৰ বাহন অসমৰ পৰিবহণ বিভাগত পঞ্জীয়ন কৰাৰ আহ্বান
- আজাৰা কাঁহিকুছিৰ কৃষি বিজ্ঞান কেন্দ্ৰ, কামৰূপলৈ দেশৰ শ্ৰেষ্ঠ কৃষি বিজ্ঞান কেন্দ্ৰৰ বঁটা
- ভূটানৰ গেলেফু মাইণ্ডফুলনেছ চিটিৰ প্ৰতিনিধি দলৰ হয়গ্ৰীৱ মাধৱ মন্দিৰ আৰু আই আই টি-গুৱাহাটী ভ্ৰমণ
- ভাৰত-ডেনমাৰ্কৰ দ্বিপাক্ষিক সম্পৰ্কৰ সফলতাই বিশ্বৰ সামুদ্ৰিক খণ্ডক এক নতুন গতি দিব: কোপেনহেগেন বিজনেছ স্কুলত ব্লু এম বি এ-ৰ প্ৰতিভাসমূহক সম্বোধন কৰে কেন্দ্ৰীয় মন্ত্ৰী সোণোৱালে