সাত সাগৰ তেৰ নদীৰ সিপাৰে লণ্ডনত প্ৰদৰ্শিত হ’ব অসমসহ উত্তৰ- পূৰ্বাঞ্চলৰ কলা-সংস্কৃতি।লণ্ডনৰ নেহৰু কেন্দ্ৰত আয়োজন কৰা এক কাৰ্যসূচীত উত্তৰ পূৰ্বাঞ্চলৰ আঠখন ৰাজ্যৰ কলা-সংস্কৃতি প্ৰদৰ্শন কৰা হ’ব।কাইলৈ আৰম্ভ হ’ব লগীয়া এই কাৰ্যসূচী চলিব অহা ১৪ অক্টোবৰলৈ।ব্ৰিটেইনস্থিত উইমেন অৱ নৰ্থ ইষ্ট ছাপ’ট নেটৱৰ্কৰ উদ্যোগত আয়োজন কৰা এই কাৰ্যসূচীত বিভিন্ন সাংস্কৃতিক অনুষ্ঠানৰ লগতে ৰাজ্যকেইখনৰ চহকী কলা-সংস্কৃতি প্ৰদৰ্শিত হোৱাকৈ এখন প্ৰদৰ্শনীৰ আয়োজন কৰা হৈছে।২০২০চনত গঠন হোৱা সংস্থাটোৱে এক বিবৃতিৰ জৰিয়তে কয় যে উত্তৰ পূৰ্বাঞ্চলৰ আঠোখন ৰাজ্যৰ কলা সংস্কৃতি প্ৰদৰ্শনৰ জৰিয়তে এই অঞ্চলটো যাতে পৰ্যটক সকলৰ বাবে এক লক্ষ্যস্থান হ’ব পাৰে,সেয়া উল্লেখ কৰিব বিচৰা হৈছে।তদুপৰি আন্তঃৰাষ্ট্ৰীয় দৰ্শকৰ সন্মুখত উত্তৰ পূৰ্বাঞ্চলৰ ৰাজ্য সমূহৰ বিভিন্ন সাংস্কৃতিক পৰম্পৰা প্ৰদৰ্শন কৰাও এই প্ৰদৰ্শনীখনৰ লক্ষ্য বুলি তেওঁলোকে উল্লেখ কৰিছে।ইত্যাদি শুকুৰবাৰে এই প্ৰদৰ্শনীখনৰ আনুষ্ঠানিক ভাৱে আৰম্ভণি সম্পন্ন হৈছে।উদ্বোধনী অনুষ্ঠানত অসমৰ বিহুনৃত্য,সত্ৰীয়া নৃত্য,মেঘালয়ৰ হাৰভেক্ট। নৃত্য,মণিপুৰৰ ক্লাছিকেল কৃষ্ণ নৃত্যৰ উপৰি ছিকিম,নাগালেণ্ড,অৰুণাচল প্ৰদেশ আৰু মিজোৰামৰ আকৰ্ষণীয় স্থান সমূহৰ দৃশ্য-শ্ৰাব্য মাধ্যমৰ জৰিয়তে প্ৰদৰ্শন কৰা হয়।উদ্বোধনী অনুষ্ঠানত উচ্চাযুক্ত বিক্ৰম দোৰাইস্বামী আৰু নেহৰু কেন্দ্ৰৰ উপ সঞ্চালক সঞ্জয় কে শৰ্মা উপস্থিত থাকে।আজিৰ পৰা অনুষ্ঠিত হ’বলগীয়া প্ৰদৰ্শনীখনৰ প্ৰৱেশ বিনামূলীয়া হ’ব।উত্তৰ পূৰ্বাঞ্চলৰ কেইবাগৰাকীও সুনিপুণ শিল্পীৰ কাম-কাজ প্ৰদৰ্শনীখনৰ জৰিয়তে প্ৰদৰ্শিত হ’ব।সমান্তৰাল ভাৱে সাংস্কৃতিক কাৰ্যসূচীও প্ৰদৰ্শনীৰ সময়ত অনুষ্ঠিত হ’ব বুলি জানিব পৰা গৈছে।
Trending
- প্ৰকৃতিপ্ৰেমী মঞ্চ অসমৰ জহামাল উদ্ধাৰ
- প্ৰতিকূল বতৰকো নেওচি সৰ্বানন্দ সোণোৱালৰ সমৰ্থনত ওলাই আহিল হাজাৰ হাজাৰ লোক-ডিব্ৰুগড় লোকসভা সমষ্টিৰ বিজেপি নেতৃত্বাধীন এনডিএ-ৰ প্ৰাৰ্থী হিচাপে মনোনয়ন পত্ৰ দাখিল কৰে কেন্দ্ৰীয় মন্ত্ৰী সৰ্বানন্দ সোণোৱালে
- পল্টন বজাৰত বহুভাষিক কাব্য সন্ধ্যা অনুষ্ঠিত
- Dr. Buljit Buragohain at the Annual Lecture Program of the Department of Education B Borooah College
- কাহিলীপাৰাত প্ৰসিদ্ধ সাহিত্যিক, সমালোচক ড০ গোবিন্দ প্ৰসাদ শৰ্মাক পৰাগজ্যোতি প্ৰকাশনৰ সম্বৰ্দ্ধনা
- এইচ ডি এফ চি বেংকে সমগ্ৰ ভাৰতত ৬০ টা বেংকিং আউটলেট উদ্বোধন
- কামৰূপ মহানগৰ জিলা নেহেৰু যুৱ কেন্দ্ৰৰ উন্নয়ন খণ্ড ভিত্তিত ক্ৰীড়া উৎসৱ
- বিশ্ব কবিতা দিৱসত কবিতাৰ বৰষুণ
- গুৱহাটীত দুখন আই পি এল মেচ খেলিব ৰাজস্থান ৰয়েলছে- নিশ্চিত কৰিলে দলৰ অধ্যক্ষ অসমৰ ৰঞ্জিত বৰঠাকুৰে
- জিএন আৰ চি হাস্পাতালত বিশ্ব মগজুৰ আঘাত সংক্ৰান্তীয় সজাগতা দিৱস পালন