সোণালী জয়ন্তী বৰ্ষত ভৰি থোৱা অসমৰ অগ্ৰণী প্ৰকৃতিসেৱা সংগঠন Kaziranga Wildlife Society ৰ জীৱনজোৰা সাধনা বঁটা ২০১৮ যুটীয়া ভাবে আগবঢ়োৱা হৈছে বিশিষ্ট প্ৰকৃতিবিদ, গুৱাহাটী বিশ্ববিদ্যালয়ৰ প্ৰাণী বিজ্ঞান বিভাগৰ প্ৰাক্তন মুৰব্বী অধ্যাপক ড০ পৰিমল চন্দ্ৰ ভট্টাচাৰ্য আৰু মৰণোত্তৰ ভাবে ধেমাজিৰ অৰণ্যমানৱ ৰূপে খ্যাত কনক মৰাঙলৈ। ধেমাজি জিলাৰ চিচিবৰগাঁৱৰ অন্তৰ্গত ৰেখা চাপৰিত বিগত দুটা বৰ্ষত অকলশৰে মৰাঙে প্ৰায় পঞ্চাশ বিঘাৰ এখন অৰণ্য গঢ়ি তুলিবলৈ সক্ষম হৈছিল। কিন্তু যোৱা বছৰ অসুস্থতা আৰু দৰিদ্ৰৰে যুঁজি মাত্ৰ ৪৩ বছৰ বয়সতে মৃত্যুক সাৱটি ল’বলগীয়া হয় কনক মৰাঙে। Kaziranga Wildlife Society য়ে মৰাঙৰ পৰিয়াললৈ এটা এককালীন সাহাৰ্য্যও প্ৰদান কৰিব বুলি Kaziranga Wildlife Societyৰ সম্পাদক মুবিনা আখতাৰে জানিবলৈ দিয়ে। অহা ১২ আগষ্টত অসমৰ স্বনামধন্য প্ৰকৃতিবিদ তথা Kaziranga Wildlife Society ৰ প্ৰতিষ্ঠাপক সভাপতি ড০ ৰবীন বেনাৰ্জী জন্ম দিন উপলক্ষে গুৱাহাটী চানমাৰিস্থিত পেঞ্চনাৰ ভৱনত দিনৰ ১০ বজাৰ পৰা আয়োজিত হোৱা অনুষ্ঠানত এই বঁটা প্ৰদান কৰা হয়। উল্লেখযোগ্য যে Kaziranga Wildlife Society য়ে ড০ ৰবীন বেনাৰ্জীৰ জন্মদিনটো প্ৰকৃতি সুৰক্ষা দিৱস ৰূপে পালন কৰি আহিছে। বিগত বৰ্ষবোৰৰ দৰে এই বছৰো এই দিৱসৰ কাৰ্য্যসূচীৰ লগত সংগতি ৰাখি আয়োজন কৰা ড০ ৰবীন বেনাৰ্জী স্মাৰক বক্তৃতাৰ প্ৰদান কৰে ডিব্ৰুগড় বিশ্ববিদ্যালয়ৰ এপ্লাইড জিঅ’লজি বিভাগৰ প্ৰাক্তন মুৰব্বী অধ্যাপক যোগেন্দ্ৰ নাথ শৰ্মাই।
Trending
- সাহিত্য অকাডেমী বঁটা প্ৰাপক সুৰেন্দ্ৰ মোহন দাসক উষ্ম অভিনন্দন
- Assam–Arunachal Border Talks: 5th Regional Committee Meeting Charts Path to Resolution
- অসম আৰু উত্তৰ-পূৰ্বাঞ্চলৰ গ্ৰাহকক অনলাইন প্ৰৱঞ্চনাৰ পৰা ৰক্ষা কৰিবলৈ ভাৰতী এয়াৰটেলৰ অনন্য প্ৰচেষ্টা
- ৰাইজৰ সুবিধাৰ বাবে বন বিভাগৰ ৱেব পৰ্টেল আৰু ম’বাইল এপ মুকলি
- বি আৰ অৰ পূৱ মণ্ডলৰ এ ডি জি হিচাপে জীতেন্দ্ৰ প্ৰসাদৰ কাৰ্যভাৰ গ্ৰহণ
- মুখ্যমন্ত্ৰীৰ সপোনৰ প্ৰকল্প – ব্ৰহ্মপুত্ৰৰ ওপৰত শুৱালকুচি – পলাশবাৰী সংযোগী দলঙৰ মাজিৰগাঁওৰ পৰা বিমানবন্দৰৰ সমীপলৈ নিৰ্মাণ হাইস্পীদ চাৰিলেনযুক্ত পথ সুকীয়াকৈ থাকিব
- Inauguration of Common Facility Center (CFC) under PM-DevINE Scheme at Chümoukedima, Nagaland
- চলিত মাহতে নথিপত্ৰ সঠিক কৰি লৈহে বাহন চলাওক- অসমত চলাচল কৰা বৰ্হিৰাজ্যৰ বাহন অসমৰ পৰিবহণ বিভাগত পঞ্জীয়ন কৰাৰ আহ্বান
- আজাৰা কাঁহিকুছিৰ কৃষি বিজ্ঞান কেন্দ্ৰ, কামৰূপলৈ দেশৰ শ্ৰেষ্ঠ কৃষি বিজ্ঞান কেন্দ্ৰৰ বঁটা
- ভূটানৰ গেলেফু মাইণ্ডফুলনেছ চিটিৰ প্ৰতিনিধি দলৰ হয়গ্ৰীৱ মাধৱ মন্দিৰ আৰু আই আই টি-গুৱাহাটী ভ্ৰমণ