শোণিতপুৰ জিলাৰ জামুগুৰিহাটৰ বিহুমেলা বাকৰিত আজি অসম ৰাজ্যিক গ্ৰামীণ জীৱিকা অভিযানৰ অন্তৰ্গত নদুৱাৰ খণ্ড অভিযান পৰিচালনা শাখা জোনবিৰি আৰু শোণিতকোৱঁৰ মণ্ডল পৰ্যায় সংগঠনৰ উদ্যোগত অসমী ভোগালী মেলাৰ আয়োজন হয় ৷ আজি পূৱা এই ভোগালী মেলাৰ ৰঙা ফিটা কাটি শুভ উদ্ধোধন কৰে চতিয়া সমষ্টিৰ বিধায়ক পদ্ম হাজৰিকাই ৷ এই ভোগালী মেলাত শতাধিক আত্ম সহায়ক গোটৰ সদস্যাই থলুৱাভাৱে তৈয়াৰ কৰা লাৰু, পিঠা, গামোছাকে ধৰি বিভিন্ন সামগ্ৰী প্ৰদৰ্শন কৰা ৰ লগতে বিক্ৰী কৰা দেখা যায়৷
বাতৰি যুগুতালে জামুগুৰিহাটৰ পৰা ৰাতুল হাজৰিকাই।
