জামুগুৰিহাটত হেপাহৰ ভোগালী বিহুক আদৰিবলৈ চলিছে ব্যাপক প্ৰস্তুতি

শোণিতপুৰ জিলাৰ জামুগুৰিহাটত হেপাহৰ ভোগালী বিহুক আদৰিবলৈ চলাইছে ব্যাপক প্ৰস্তুতি । ভোগালী বিহু উপলক্ষে জামুগুৰিহাটৰ ১৫ নং ৰাষ্ট্ৰীয় ঘাইপথৰ কাঠবাৰী ব্যৱসায় কেন্দ্ৰত পিতৃ ৰোষ বৰা আৰু পুত্ৰ হৃদয় কমল বৰাৰ সহযোগত অসমীয়া জাতীয় জীৱনৰ থলুৱা জলপানৰ ব্যৱসায়েৰে স্বাৱলম্বিতাৰ পথ নিদৰ্শন দেখুৱাবলৈ সক্ষম হৈছে । উক্ত বিপনীখনত ভোগালী বিহুৰ প্ৰয়োজনীয় সকলো সামগ্ৰী ক্ৰমে গুৰ, চিৰা, কোমল চাউল, ভজা চাউল, বৰা চাউল, জহা চাউল, আখৈ, মুৰী, হুৰুমৰ লগতে নানা বিধ পিঠা-পনা, দৈ-ক্ৰিম আদি সকলো উপলব্ধ।এতিয়া ভোগালীৰ সামগ্ৰী কিনিবৰ বাবে যথেষ্ট লোকৰ সমাগম হোৱা দেখা গৈছে। কোনো গ্ৰাহকে ভোগালীৰ সামগ্ৰীৰ বাবে ফোনযোগে অৰ্ডাৰ কৰে তেন্তে হম ডেলিভাৰীৰ জৰিয়তে সুবিধা প্ৰদান কৰা হ’ব বুলি বিপনীখনৰ স্বত্বাধিকাৰ ৰোষ বৰাই জানিবলৈ দিয়ে।