মুখ্যমন্ত্ৰী ড° হিমন্ত বিশ্ব শৰ্মাই পৰিবহণ বিভাগক পথ সুৰক্ষাৰ দিশত চালক, যাত্ৰী , ৰাইজৰ মাজত সজাগতা সৃষ্টিৰ সমান্তৰালভাৱে ৰাজহ সংগ্ৰহৰ দিশটোতো মনোনিবেশ কৰিবলৈ পৰিবহণ বিভাগক নিৰ্দেশ দিছে । মুখ্যমন্ত্ৰীৰ নিৰ্দেশৰ পাছতেই পৰিবহণ মন্ত্ৰী চন্দ্রমোহন পাটোৱাৰীয়ে ৰাজ্যৰ সকলো জিলা পৰিবহণ বিষয়াক ( ডি টি অ ) পথ সুৰক্ষাৰ দিশত সজাগতা সৃষ্টিৰ বাবে হাতে কামে নামি পৰিবলৈ ৰাজ্য চৰকাৰৰ পৰিবহন বিভাগৰ নিৰ্দেশনা দিছে । তেনেদৰে ৰাজহ সংগ্ৰহৰ ক্ষেত্ৰত যাতে কোনো সুৰুঙা নাথাকে তাৰ বাবেও বিষয়ে অভিযান চলাবলৈ আহ্বান জনাইছে । মুখ্যমন্ত্ৰী আৰু পৰিবহণ মন্ত্রীৰ নিৰ্দেশ অনুসৰি গুৱাহাটীৰ বেতকুছিস্থিত কামৰূপ মহানগৰ জিলাৰ জিলা পৰিবহন বিষয়াৰ (পঞ্জীয়ন আৰু অনুজ্ঞা ) কাৰ্যালয়ে জিলাখনত পঞ্জীয়নভুক্ত ব্যক্তিগত আৰু ব্যৱসায়ীকসহ সকলো যান বাহনৰ গৰাকীক অহা ৩০ ছেপ্টেম্বৰ ভিতৰত যাবতীয় কৰ , বকেয়া কৰ আদায় দিবলৈ অনুৰোধ জনায় গুৱাহাটীৰ বিভিন্ন ৰাজহুৱা স্থানত হৰ্ডিং স্থাপন কৰি আহ্বান জনাইছে । জিলা পৰিবহন বিষয়া গৌতম দাসে জানিবলৈ দিয়া মতে যান বাহনৰ যিসকল গৰাকীয়ে বিভাগক দিবলগীয়া বকেয়াসহ যাবতীয় কৰ আদায় দিয়া নাই , তেওঁলোকৰ লগতে পঞ্জীয়ন পত্ৰ নবীকৰণ , সক্ষমতাৰ প্ৰমাণ পত্ৰ নবীকৰণ আৰু গাড়ীচালনাৰ অনুজ্ঞাপত্ৰ নবীকৰণ নকৰা গৰাকী সকলকো নবীকৰণ কৰি যাবতীয় কৰ আদায় দিবলৈ আহ্বান জনোৱা হৈছে । আনকি এই সন্দৰ্ভত গোহাঁৰি যোগে জাননী জাৰি কৰা হৈছে । গৰাকী সকলে কাৰ্যালয়ত আহি নিৰ্দিষ্ট কাউন্টাৰত এ টি এম বা ডেভিড কাৰ্ড যোগে কৰ আদায় দিব পাৰিব । আনকি অনলাইন ব্যৱস্থা অৰ্থাৎ এন ই এফ টি , আৰ চি জি বা ই চি এছ পদ্ধতিৰো সুবিধা গ্ৰহণ কৰিব পাৰিব । ইতিমধ্যে বিভাগৰ যান বাহন পৰিদৰ্শক , প্ৰৱৰ্তক পৰিদৰ্শককে ধৰি সমুহ কৰ্মচাৰীৰ সামূহিক প্ৰচেষ্টা , অনাদায়ী বাহনৰ গৰাকী আৰু ৰাজহ ফাঁকি দি বাহনৰ বা পৰিবহণ খণ্ডৰ ব্যৱসায় কৰা কোম্পানীৰ বিৰুদ্ধে ক’ভিডৰ ভয়াবহতাৰ মাজতো চলোৱা বিশেষ অভিযানত বিভাগে বহু সফলতা লাভ কৰিছে । যাৰ বাবে চলিত ২০২১ – ২২ বিত্তীয় বর্ষৰ পহিলা এপ্ৰিলৰ পৰা ৩১ আগষ্টলৈ বিগত পাঁচ মাহত অভিলেখ পৰিমাণৰ ৭৭ কৌটি টকাতকৈও অধিক পৰিমাণৰ ৰাজহ সংগ্ৰহ কৰা হৈছে । অৱশ্যে অহা ৩০ ছেপ্টেম্বৰৰ ভিতৰত যাবতীয় কৰ আদায় নিদিলে পহিলা অক্টোবৰৰ পাছত কৰ আদায় নিদিয়া যান বাহনৰ বিৰুদ্ধে পৰিবহন বিভাগে পুনৰ বিশেষ অভিযান আৰম্ভ কৰিব । আনহাতে জিলা পৰিবহন বিষয়া গৌতম দাসে সদৰি কৰা অনুসৰি ক`ভিড কেন্দ্ৰীক পৰিস্থিতি স্বাভাৱিক হোৱাৰ পাছত পৰিবহন ব্যৱস্থাটো সম্প্ৰতি ঠন ধৰি উঠিছে । যাৰ বাবে ৰাজ্যখনৰ অৰ্থনৈতিক অৱস্থা সৱল কৰি তোলাৰ ক্ষেত্ৰত যান বাহনৰ কৰ পৰিশোধ কৰাটো গৰাকী সকলৰ নৈতিক দায়িত্ব আৰু কৰ্তব্য । ৰাজ্যখনৰ অৰ্থনীতি বুনিয়াদ গঢ়াত যান বাহনৰ গৰাকী সকলে যথেষ্ঠ অৱদান আগবঢ়াই আহিছে । আনহাতে পথ সুৰক্ষাৰ দিশত সজাগতা সৃষ্টিৰ লগতে “দুৰ্ঘটনামুক্ত অসম” গঢ়াৰ বাবে মুখ্যমন্ত্ৰীয়ে জনোৱা আহ্বান আৰু পৰিবহণ মন্ত্ৰীয়ে দিয়া নিৰ্দেশনাৰ আধাৰত জিলা পথ সুৰক্ষা সমিতিৰ ফালৰ পৰা গুৱাহাটীৰ ৰাজহুৱা তথা গুৰুত্বপূৰ্ণ স্থান সমূহত সকলোৰে দৃশ্যমান হোৱাকৈ ” তীব্রগতি পৰিহাৰ কৰি নিজৰ লগতে আনৰো জীৱন সুৰক্ষিত কৰক” বাণীৰে হৰ্ডিং , বেনাৰ স্থাপন কৰা হৈছে বুলি জিলা পথ সুৰক্ষা সমিতিৰ সদস্য সচিবৰ দায়িত্বত থকা ডি টি অ গৌতম দাসে জানিবলৈ দিছে।
Trending
- Assam’s flood problem is almost becoming an issue of the past under CM Dr Sarma’s leadership: Minister Hazarika
- Assam CM meets Defence Minister; seeks intervention in establishing Defence Corridor
- Northeast Witnessing Unprecedented Development Under PM Modi’s Leadership: Pabitra Margherita
- ৰাইজিং নৰ্থ ইষ্ট বিনিয়োগকাৰী সন্মিলনৰ দ্বিতীয়দিনা আলোচনাত স্থান লাভ কাঁহৰ বাচন বৰ্তনত জিআই টেগ, লণ্ডনলৈ নেমুটেঙাৰ ৰপ্তানিৰ প্ৰসংগ
- পবিতৰা অভয়াৰণ্যত বৃদ্ধি পাইছে পৰ্যটক – দৰ্শনাৰ্থীৰ সংখ্যা- ৰাজহ সংগ্ৰহৰ পৰিমাণো পূৰ্বতকৈ বৃদ্ধি
- Maiden ‘Rising Northeast Investors’ Summit’ in Delhi
- অমৃত ভাৰত আঁচনিৰ অধীনত নতুন ৰূপত মধ্য অসমৰ হয়বৰগাওঁ ৰেলৱে ষ্টেচন – ২২ মে’ত ভিডিঅ কনফাৰেৰেন্সি যোগে উদ্ধোধন কৰিব প্ৰধানমন্ত্ৰী নৰেন্দ্ৰ মোদীয়ে
- ঐতিহ্যমণ্ডিত ডিব্ৰুগড় চহৰক বিকাশৰ ৰূপান্তৰৰ জৰিয়তে আটকধুনীয়াকৈ সুসজ্জিত কৰাৰ পোষকতা কেন্দ্ৰীয় মন্ত্ৰী সৰ্বানন্দ সোণোৱালৰ
- বাৰিষাৰ প্ৰতিকূল পৰিস্থিতিত যান-বাহন ব্যৱহাৰকাৰীলৈ সতৰ্কবাণী পৰিবহণ বিভাগৰ
- সাংস্কৃতিক বিভাগৰ অধীনৰ বিভিন্ন বিষয়ৰ সন্দৰ্ভত সাংস্কৃতিক মন্ত্রী বিমল বড়াৰ অধ্যক্ষতাত বৈঠক