যোৱা ২৮ জুলাইত মুখ্যমন্ত্ৰী ড° হিমন্ত বিশ্ব শৰ্মাক সদৌ অসম পুথি প্ৰকাশক আৰু বিক্রেতা সংস্থাই দিছপুৰৰ মুখ্যমন্ত্ৰী কাৰ্যালয়ত সাক্ষাৎ কৰি মুখ্যমন্ত্ৰীক এখনি ফুলাম গামোচা চেলেং চাদৰ আৰু কিতাপৰ টোপোলাৰে সম্বৰ্ধনা জ্ঞাপন কৰি মুখ্যমন্ত্ৰীৰ সাহাৰ্য্য পুঁজিলৈ এক লাখ একাৱন্ন হাজাৰ টকাৰ চেক এখন প্ৰদান কৰে। অসমৰ প্ৰায় সকল গ্ৰন্থ বিক্রেতাই এনেকুৱা প্ৰতিকূল পৰিস্থিতিত নিজৰ সাধ্যনুসাৰে সংস্থাৰ দ্বাৰা মুখ্যমন্ত্ৰী সাহাৰ্য্য পুঁজিলৈ অৰিহণা আগবঢ়াইছিল।বিনামূলীয়া পাঠ্যপুথিৰ লগতে বিভিন্ন গ্ৰন্থ বিষয়ক সমস্যাৰ বিষয়ে মুখ্যমন্ত্ৰী আৰু শিক্ষামন্ত্ৰীক ড° ৰনোজ পেগুক অৱগত কৰা হয়।মাননীয় মুখ্যমন্ত্ৰীয়ে শিক্ষামন্ত্ৰীক সমস্যাসমূহ সমাধান কৰিবলৈ দায়িত্ব দিয়ে।লগতে উত্তৰ পূব গ্ৰন্থ মেলাখন সুকলমে পাতিবৰ বাবে সহায়ৰ হাত আগবঢ়াব বুলি আশ্বাস দিয়ে। এই ক্ষেত্ৰত গ্ৰন্থৰ উন্নতিৰ কাৰণে মুখ্যমন্ত্ৰী মহোদয়ে সকলোধৰণৰ সহায় সহযোগিতা কৰিব বুলি সংস্থাক আশ্বাস প্ৰদান কৰে। মুখ্যমন্ত্ৰীক সাক্ষাৎ কৰাত শিক্ষামন্ত্ৰী পেগুৱে সকলো সহায় আগবঢ়োৱা বাবে সংস্থাই শলাগ লয়। বৰঙণি আগবঢ়োৱা সকলো সদস্যলৈ সংস্থাৰ ফালৰ পৰা ধন্যবাদ জ্ঞাপন কৰে। মুখ্যমন্ত্ৰী সাক্ষাৎকালত সংস্থাৰ হৈ সভাপতি ইমৰাণ আহমেদ,সাধাৰণ সম্পাদক ধীৰাজ গোস্বামী, উপসভাপতি পংকজ ভাগৱতী ,যুটীয়া সম্পাদক বাহাৰুল ইছলাম চৌধুৰী আৰু সদস্য অপূৰ্ব কলিতা উপস্থিত থাকে।
Trending
- পৰাগজ্যোতি প্ৰকাশনৰ প্ৰশংসনীয় পদক্ষেপ প্ৰসিদ্ধ ভাষাবিদ, সাহিত্যিক,গৱেষক ড০ নাৰায়ণ দাসক সম্বৰ্দ্ধনা
- এয়াৰটেল ফাউণ্ডেচনে স্কুল এক্সেলেন্স প্ৰগ্ৰেমৰ অধীনত ১১০০ৰো অধিক চৰকাৰী বিদ্যালয়ৰ শিক্ষক আৰু প্রধান শিক্ষকৰ সক্ষমতা কাৰ্য্যসূচী ৰূপায়ন
- কটন বিশ্ববিদ্যালয়ত সবল গণতন্ত্ৰৰ হকে ভোটদানৰ বাবে সজাগতা অনুষ্ঠান
- ধুবুৰী জিলাত মুখ্য নিৰ্বাচনী বিষয়া উপস্থিত
- দীনজ্যোতি ফাউণ্ডেশ্যনৰ উদ্যোগত শ্ৰমিক দিৱস উদযাপন
- পাটাছাৰকুছি প্ৰেছ ক্লাৱৰ প্ৰতিষ্ঠা দিৱস উদযাপন
- শ্ৰমিক দিৱসত ব্যতিক্ৰমী কৰ্মেৰে উদ্ভাসিত ঢকুৱাখনাৰ পাপু দত্ত
- Experience Trial voting through Virtual Reality in Kamrup election district
- গুৱাহাটী লোকসভা নিৰ্বাচনৰ সাধাৰণ পৰ্যবেক্ষকৰ পৰ্যালোচনা সভা
- আজাৰা সাহিত্য সভাৰ ফেচবুক পৃষ্ঠা উন্মোচন