দক্ষিণ কামৰূপৰ মিৰ্জাস্থিত নেমকেয়াৰ শৈক্ষিক প্ৰতিষ্ঠানৰ আজি পঞ্চম বাৰ্ষিক প্ৰতিষ্ঠা দিৱস এক গাম্ভীৰ্যপূৰ্ণ পৰিবেশত অনুষ্ঠিত কৰা হয়। অনুষ্ঠানত নেমকেয়াৰ শৈক্ষিক প্ৰতিষ্ঠানৰ পঞ্চম প্ৰতিষ্ঠা দিৱসত উদ্বোধনী তথা আদৰণি ভাষনত মুখ্য পৰিচালন সঞ্চালক ডাঃ হিতেশ বৰুৱাই উপস্থিত থাকি “আমাৰ দৃঢ় ঘোষণা গুণগত শিক্ষা প্ৰদানৰ ক্ষেত্ৰত নেমকেয়াৰ শৈক্ষিক প্ৰতিষ্ঠানে আৰম্ভনিৰপৰা আপোচ কৰা নাই আৰু ভৱিষ্যতেও আপোচ নকৰে। অসম বা উত্তৰ-পূৰ্বাঞ্চলৰ ভিতৰতেই নহয়, সমগ্র দেশৰ ভিতৰত এখন উচ্চ মানবিশিষ্ট প্ৰতিষ্ঠান হিচাপে নেমকেয়াৰ গ্ৰুপ অৱ ইনষ্টিটিটিউক আগবঢ়াই নিবলৈ আমি সকলো প্ৰচেষ্টা অব্যাহত ৰাখিছোঁ বুলি কৈ প্ৰতিষ্ঠানখনৰ উদ্দেশ্য আৰু লক্ষ্য সম্পৰ্কত মন্তব্য কৰে। অনুষ্ঠানত মুখ্য অতিথি হিচাপে অংশগ্ৰহণ কৰি পলাশবাৰীৰ বিধায়ক হেমাংগ ঠাকুৰীয়াই অসমৰ অন্যান্য অঞ্চলৰ লেখিয়াকৈ পলাশবাৰী সমষ্টিৰ স্বাস্থ্য বিভাগৰ কৰ্মচাৰী আৰু সাংবাদিকসকলে ক’ৰণা মহামাৰীৰ সময়ত নিজৰ জীৱনকো তুচ্ছ কৰি ক’ভিডক যি সাহস দেখুৱালে তাৰবাবে তেওঁলোক প্ৰকৃতাৰ্থত ধন্যবাদৰ পাত্ৰ বুলি কয়। সেইসকল যোদ্ধাৰ প্ৰতি নেমকেয়াৰ কৰ্তৃপক্ষই দেখুওৱা সৎ পদক্ষেপৰ বাবে বিধায়ক ঠাকুৰীয়াই ভূয়সী প্ৰশংসা কৰে। অনুষ্ঠানত নেমকেয়াৰ প্ৰতিষ্ঠানৰ সঞ্চালক ডা: মিহিৰ কুমাৰ বৰুৱাইও উপস্থিত থাকি ভাষণ প্ৰদান কৰে। নেমকেয়াৰ শৈক্ষিক প্ৰতিষ্ঠানৰ পঞ্চম প্ৰতিষ্ঠা দিৱসৰ আগশাৰীৰ ক’ভিড যোদ্ধা সাংবাদিক হিচাপে বলেন কলিতা, দীপক চন্দ্ৰ কলিতা, বিমল শৰ্মা, পৱিত্ৰ কুমাৰ দাস, হীতেন মালী, মিলন মহন্ত, নুৰুল ইছলাম, ধৰ্মেন্দ্ৰ দাস, জিতুমণি দাসকে ধৰি কেইবাজনো সাংবাদিক আৰু বহুসংখ্যক স্বাস্থ্যকৰ্মীক ফুলাম গামোচা, সম্বৰ্ধনা-পত্ৰ আৰু জাপিৰে সম্বৰ্ধনা জনোৱা হয়। নেমকেয়াৰৰ প্ৰবক্তা দ্বীপশিখা ভৰালী আৰু কৃঞ্চা দাসে আঁত ধৰা সভাখনৰ আৰম্ভনিতে বন্তি প্ৰজ্বলনেৰে সভাৰ কাৰ্যসূচী আৰম্ভ কৰা হয়। সম্পূৰ্ণ ক’ভিড প্ৰটোকল মানি অনুষ্ঠিত কৰা প্ৰতিষ্ঠা দিৱসৰ সভাখনৰ শেষত নেমকেয়াৰ শৈক্ষিক প্ৰতিষ্ঠানৰ অধ্যক্ষ ড: ভাৰ্গৱজ্যেতি চহৰীয়াই শলাগৰ শৰাই আগবঢ়ায়। আবেলিৰ ভাগত ছয়গাঁৱৰ ভলীবল দল আৰু মঙলদৈৰ ভলীবল দলৰ মাজত এখন প্ৰীতি ফুটবল খেলো অনুষ্ঠিত হয়। ইয়াৰ পূৰ্বে ৰাতিপুৱা ৯-৩০ বজাত পতাকা উত্তোলন কৰে নেমকেয়াৰ প্ৰতিষ্ঠানৰ অন্যতম উদ্যেক্তা তথা অধ্যাপক অনুপ কুমাৰ গগৈয়ে। উল্লেখ্য যে প্ৰতিষ্ঠানটোৰ প্ৰথমগৰাকী ছাত্র হিচাপে উচ্চতৰ মাধ্যমিক বিজ্ঞান শাখাৰ ছাত্র দেৱাশীষ কলিতাই আই আই টিৰ বাছনি পৰীক্ষাত সুখ্যাতিৰে উত্তীৰ্ণ হোৱাত তেওঁক বিশেষভাৱে সন্মান দিয়া হয়। প্ৰতিষ্ঠা দিৱসৰ সকলো কাৰ্যসূচী সফলতাৰে সামৰণি হোৱাত অধ্যক্ষ ড: ভাৰ্গৱজ্যেতি চহৰীয়াই সকলো পক্ষলৈ ধন্যবাদ জ্ঞাপন কৰে।
Trending
- বন ভূমি অধিকাৰ আইন,২০০৬ ৰ অধীনত ভূমিৰ স্বত্ব প্ৰমাণ পত্ৰ প্ৰদান অনুষ্ঠানত অংশ গ্ৰহন কৰেলে স্বাস্থ্য আৰু পৰিয়াল কল্যাণ,জলসিঞ্চন মন্ত্ৰী অশোক সিংহলে
- গুৱাহাটীত আই এছ ভি আই আৰৰ উত্তৰ পূব অধ্যায়ৰ মধ্য কালীন অধিবেশন ২০২৫ মুকলি কৰে স্বাস্থ্য আৰু পৰিয়াল কল্যাণ মন্ত্ৰী অশোক সিংহলে
- ২০০ খন বিছনাযুক্ত ওদালগুৰি জিলা অসামৰিক চিকিৎসালয় পৰিদৰ্শন- মন্ত্ৰী অশোক সিংহলৰ
- শাওণ মাহৰ প্ৰথমটো সোমবাৰত বোলবোম উপলক্ষে ভীমাশংকৰত হাজাৰ হাজাৰ ভক্তৰ সমাগম
- ইণ্ডিয়া-এআই মিছন : অসমৰ ৫ শিক্ষানুষ্ঠানত স্থাপন হ’ব কৃত্ৰিম বুদ্ধিমত্তাৰ ডাটা লেব
- ফৰ্টিফাইড চাউলৰ সজাগতামূলক সংবাদ মাধ্যমৰ কৰ্মশালা
- অসম সাংস্কৃতিক ন্যাসৰ পাঁচদিনীয়া গ্ৰীষ্মকালীন কৰ্মশালাৰ সামৰণি
- চিন্তাবিদ – সমালোচক ডঃ হীৰেন গোঁহাইসহ চাৰিগৰাকী সাহিত্যিক- শিল্পীলৈ সাহিত্য সাধনা মঞ্চ অসমৰ সন্মান
- চিত্ৰশিল্পী-কবি ৱাহিদা আহমেদৰ কাব্যগ্ৰন্থ এশ বিয়োগ এক উন্মোচন
- জ্ঞানমালিনী সাহিত্য সভাৰ আজীৱন সভ্য ভৰ্ত্তি অভিযান