সামাজিক অনুষ্ঠান সুৰক্ষা আউনিহাটীয়ে ১০ জুলাই ৰবিবাৰে কৃষ্ণগোপাল নামঘৰৰ প্ৰাঙ্গনত চলিত বৰ্ষত অঞ্চলটোৰ পৰা হাইস্কুল শিক্ষান্ত ,উচ্চতৰ মাধ্যমিক,স্নাতক আৰু স্নাতকোত্তৰ পৰীক্ষাত সুখ্যাতিৰে উত্তীৰ্ণ সৰ্বমুঠ ২০ গৰাকী শিক্ষাৰ্থীক বিশেষভাৱে সম্বৰ্ধনা জ্ঞাপন কৰে ।অনুষ্ঠানত গুৱাহাটী বিশ্ববিদ্যালয়ৰ দূৰ আৰু মুক্ত শিক্ষা প্ৰতিষ্ঠানৰ অধ্যাপক ডালিম চন্দ্ৰ দাস ,ঠাকুৰাণী নামঘৰৰ আৰু কৃষ্ণগোপাল নামঘৰৰ সভাপতি সম্পাদক, অসম ডনবস্কো ইউনিভাৰ্চিটিৰ সহকাৰী অধ্যাপক ড০ নৱমিতা দাসৰ লগতে কেইবাজনো স্থানীয় বিশিষ্ট ব্যক্তি উপস্থিত থাকে ।উক্ত সভাত সুৰক্ষা আউনিহাটীৰ উদ্যোগত আৰু স্পৰ্শ-অসম, বেলি এডুকেশ্বন আৰু প্ৰথম এডুকেশ্বন ফাউণ্ডেচনৰ সহযোগিতাত অনুষ্ঠিত হ’বলগীয়া ১৫ দিনীয়া শৈক্ষিক কৰ্মাশালাৰো শুভ উদ্বোধন কৰা হয় ।অনুষ্ঠানত প্ৰশিক্ষক মণিমা দাস আৰু চুণুমণি দাসক সম্বৰ্ধনা জ্ঞাপন কৰা হয় । উল্লেখযোগ্য যে আৰ্থিক অনগ্ৰসৰতা নেওচি গাওঁখনৰ পৰা উচ্চতৰ মাধ্যমিক বিজ্ঞান শাখাত আটাইকেইটা বিষয়তে লেটাৰ নম্বৰসহ উত্তীৰ্ণ মানসজ্যোতি দাস, স্নাতক চূড়ান্ত পৰীক্ষাত সুখ্যাতিৰে উত্তীৰ্ণ ভূমিকা কৈৱৰ্ত ,টিনা দাস আৰু স্নাতকোত্তৰ পৰীক্ষাত সুখ্যাতিৰে উত্তীৰ্ণ মৃদুল চৌধুৰীয়ে আত্মবিশ্বাস আৰু একাগ্ৰতাৰ সন্মুখত কোনো আৰ্থ-সামাজিক পৰিৱেশেই সফলতাৰ বাটত হেঙাৰ হ’ব নোৱাৰে বুলি উল্লেখ কৰি অনুজ শিক্ষাৰ্থীসকলক সমাজৰ প্ৰতিও দায়ৱদ্ধ হ’বলৈ আহ্বান জনায়।অঞ্চলটোৰ শিক্ষা, কৃষি,সামাজিক আৰু সাংস্কৃতিক দিশৰ বিকাশৰ বাবে সুৰক্ষা আউনিহাটীয়ে ধাৰাবাহিকভাৱে লৈ অহা ব্যতিক্ৰমী পদক্ষেপসমূহৰো শলাগ লয় কৃতি শিক্ষাৰ্থীসকলে। অনুষ্ঠানটি কণ-কণ মইনাসকলৰ গীত মাতৰ লগতে সম্বৰ্ধিত আন এগৰাকী কৃতি ছাত্ৰ মানস দাসৰ বাঁহীবাদনে মনোগ্ৰাহী কৰি তোলে।সুৰক্ষা আউনিহাটীৰ সভাপতি তথা বেলি এডুকেশ্বনৰ সঞ্চালক ৰত্ন দাস আৰু সুৰক্ষাৰ কৰ্মকৰ্তা বিপুল কুমাৰ দাসে অনুষ্ঠানটো পৰিচালনা কৰে।
Trending
- বৈদেশিক পৰিক্ৰমা আৰু বস্ত্ৰ বিভাগৰ ৰাজ্যিক মন্ত্ৰী পৱিত্ৰ মাৰ্ঘেৰিটাৰ ত্ৰিপুৰা ভ্ৰমণ
- শক্তি পীঠ কামাখ্যা মন্দিৰত হাৰিয়ানাৰ মুখ্যমন্ত্ৰীৰ পূজা – অৰ্চনা – দুপৰীয়া খানামুখত বিজেপি নেতা ফণীন্দ্ৰ নাথ শৰ্মাৰ ঘৰত আহাৰ গ্ৰহণ , মুখ্যমন্ত্ৰী আৰু ফণীন্দ্ৰ নাথ শৰ্মাৰ সাংগঠনিক দক্ষতাক ভূয়সী প্ৰশংসা
- ৰাজ্যজুৰি অগপৰ ৪০ সংখ্যক প্ৰতিষ্ঠা দিৱস পালন
- ৰাণীৰ বিক্ৰমপুৰত শঙ্কৰদেৱৰ জন্ম জয়ন্তী উৎসৱ পালন
- ২৭ সংখ্যক সৰ্বভাৰতীয় বন ক্ৰীড়া সমাৰোহলৈ অসমৰ ৭১ জনীয়া দল
- ৫৭৬ তম গুৰু জন্ম জয়ন্তী উৎসৱত হৰি নামৰে মুখৰিত বটদ্ৰৱা আকাশ বতাহ
- নুন মাটি অঞ্চলৰ আর্থিকভাৱে পিছপৰা ৫০জন অনাথ শিক্ষাৰ্থীৰ মাজত শিক্ষণ সামগ্ৰী আৰু খাদ্য সামগ্ৰী প্ৰদান
- বি এছ এফৰ গুৱাহাটী ফ্ৰন্টিয়াৰৰ মহা পৰিদৰ্শক হিচাপে সঞ্জয় গৌৰৰ দায়িত্বভাৰ গ্ৰহণ
- প্ৰথমবাৰৰ বাবে গৃহ নিৰ্মাণ আৰু নগৰ পৰিক্ৰমা বিভাগৰ সম্পূৰ্ণ ৱেবভিত্তিক আৰু কাগজবিহীন পৰ্যালোচনা মন্ত্ৰী অশোক সিংহলৰ
- আই এ এছ এছ টিৰ সঞ্চালক অধ্যাপক আশীষ কুমাৰ মুখাৰ্জীলৈ দুটাকৈ ৰাষ্ট্ৰীয় সন্মান