অসম ডনবস্ক’ বিশ্ববিদ্যালয়ৰ তৰফৰপৰা হাজো সমষ্টিত বান সাহাৰ্য্য বিতৰণ

যোৱা ৮ আৰু ৯ জুলাইত অসম ডনবস্ক’ বিশ্ববিদ্যালয়ৰ তৰফৰপৰা হাজো সমষ্টিৰ কেইবাখনো বানপীড়িত গাঁৱত বান সাহাৰ্য্য বিতৰণ কৰা হয় । গুৱাহাটীৰ শ্ৰীমন্ত শংকৰ মিছন আৰু কামৰূপ গ্ৰাম্য জিলা প্ৰশাসনে এই বান সাহাৰ্য্য কাৰ্য্যসূচীত সহযোগিতা আগবঢ়ায় । হাজো সমষ্টিৰ অৰ্ন্তগত হেলেছা, পানীখাইতী, বৰিজান পথাৰ পৰছিয়া, সৰাবাৰী, হাফলাকা, বৰম্বৈ, খলিহামাৰী, উসুৰা গাঁৱৰ বানপীড়িত ৰাইজক চাউল, দাইল, মিঠাতেল, আলু, পিয়াঁজ, চয়াবিন, বিস্কুট, গাখীৰ, মমবাতি, শিশুৰ আহাৰ আৰু চেনীটেৰী নেপকিন সহিতে সৰ্বমুঠ ৫০৮ টা পেকেট সাহাৰ্য্য হিচাপে প্ৰদান কৰা হয়। এই সাহাৰ্য্য বিতৰণ কাৰ্য্যসূচীত অসম ডনবস্ক’ বিশ্ববিদ্যালয়ৰ চাৰিজন অধ্যাপক আৰু কৰ্মচাৰী, শ্ৰীমন্ত শংকৰ মিছনৰ মুখ্য কাৰ্য্যবাহী বিষয়া অসমী দত্ত বৰুৱা, হাজো চক্ৰৰ মণ্ডল বিশ্বজিত ডেকা, নাছিৰুদ্দিন আহমেদ আৰু ধীৰেণ দাস, গাঁওবুঢ়া মহম্মদ ইমৰাণ হক্, কামৰূপ গ্ৰাম্য জিলা প্ৰশাসনৰ অতিৰিক্ত উপায়ুক্ত কমল বৰুৱা আৰু হাজো সংমণ্ডলৰ ভাৰপ্ৰাপ্ত চক্ৰ বিষয়া স্নেহা ভৰালী উপস্থিত থাকে ।