অক্ষয় ফাউণ্ডেচনৰ হেপীনেছ কীট মুকলি

অক্ষয় পাত্ৰ ফাউণ্ডেচনে অলপতে ছাত্ৰ ছাত্ৰী সকলৰ বাবে অক্ষয় হেপীনেছ কীট মুকলি কৰিছে।এই হেপ্পীনেছ কিটত সন্নিবিষ্ট আছে শিশু স্বাস্থ্য,বুদ্ধি আৰু বিকাশৰ বাবে প্ৰয়োজন হোৱা নিয়মীয়া আৰু অতি আৱশ্যক পুষ্টিৰে সমৃদ্ধ খাদ্য সামগ্ৰী।

 

 

 

কীটত থকা দাইল,মছলা,চীনাবাদাম,গুড়,বিস্কুট,আৰু অন্যান্য খাদ্য সামগ্ৰীয়ে শিশু আৰু তেওঁলোকৰ পৰিয়ালৰ পুষ্টি গ্ৰহণত সহায় কৰিব।শিশু মাজত স্বচ্ছতাক প্ৰসাৰিত কৰিবলৈ কীটত সন্নিবিষ্ট হ’ব চাবোন,দাত ঘঁহা ব্ৰাছ,দাত ঘঁহা মলম আৰু ছেনিটেৰী পেড আদিৰ দৰে সামগ্ৰী।শিশুৰ জ্ঞান সমৃদ্ধি দক্ষতা বৃদ্ধিৰ বাবে নিজৰ নিজৰ ভাষাৰ ক্ৰিয়াকলাপ ভিত্তিত লানিং ৱৰ্ক বুকো কীটত অন্তৰ্ভুক্ত কৰা হৈছে।

 

এই কীটত অত্যাৱশ্যকীয় পুষ্টিকৰ উপকৰণ যেনে গ্লুক’জ, আইৰণ আৰু কেলচিয়াম, আয়োডিন,প্ৰ’টিন থাকিব।যিয়ে শিশুৰ ৰোগ প্ৰতিৰোধ ক্ষমতা বৃদ্ধি কৰাত সহায় কৰিব ।প্ৰত্যেকটো কীটত থাকিব ৭১৭.৫ গ্ৰাম প্ৰ’টিন আৰু ২১,১৭৫ কেল’ৰি এনাৰ্জি। এনেদৰে প্ৰতিগৰাকী শিশুৱে ২৩.৯ গ্ৰাম প্ৰ’টিন আৰু ৭৩৯ কেল’ৰি এনাৰ্জি লাভ কৰিব।

 

গুৱাহাটীত ৩৮,৬৬৬ গৰাকী আৰু বাংগালুৰত ১,২০০গৰাকী স্কুলীয়া শিশুক লক্ষ্য কৰি আৰম্ভ কৰা হেপ্পীনেছ কীট পাইলট প্ৰকল্পৰ পৰা উৎসাহজনক সঁহাৰি লাভ কৰা পাছত অক্ষয় পাত্ৰ ফাউণ্ডেচনে দেশৰ ভিন্ন প্ৰান্তৰ মধ্যাহ্ন ভোজন উপভোক্তাৰ মাজত এই কাৰ্যসূচী বিস্তাৰিত কৰা লক্ষ্য লয়।স্কুলৰ প্ৰাঙ্গনত শিশুৰ অভিভাৱক মাজত কীট বিতৰণ কৰা হয়।

 

হেপ্পীনেছ কীট সন্দৰ্ভত অক্ষয় পাত্ৰ ফাউণ্ডেচনৰ মুখ্য কাৰ্যবাহী বিষয়া শ্ৰীধৰ ভেংকটে কয় ভাৰতীয় হিচাপে আমি উন্নত মানৱ সম্পদ তৈয়াৰ ওপৰত গুৰুত্ব দিছো। এই ছেপ্টেম্বৰত আমি ৰাষ্ট্ৰীয় পুষ্টি মাহ পালন কৰিছো আৰু এনে ক্ষণত আমি হেপ্পীনেছ কীট মুকলি কৰিছো।ইয়াৰ জৰিয়তে আমি ক’ভিড-১৯ ৰ বাবে স্কুল যাব নোৱাৰা পুষ্টি আৰু শিক্ষাৰ অভাৱ দূৰ কৰাৰ প্ৰয়াস চলাইছো।ইয়াৰ বাবে আমি আমাৰ সমাজসেৱা দাতা Crompton greaves electricals ltd Franklin Templeton, India carbon CISCO Amazon আৰু আন বহুতো কৰ্পোৰেট তথা ব্যক্তিগত দাতাক ধন্যবাদ জনাইছো।তেওঁলোকে আগুৱাই আহি আমাক সহযোগ কৰিলে।

এতিয়ালৈকে বিতৰণ হোৱা কীটছৰ পৰিমাণ হ’ল ১১,০০০ । কীটছ বিতৰণৰ স্থান সমূহ হ’ল গুৱাহাটী,বাংগালুৰ, ভডোডৰা ,ছিলভাছা,মুম্বাই  অক্ষয় পাত্ৰ ফাউণ্ডেচনে স্কুল পুনৰ মুকলি নোহোৱা পৰ্যন্ত ৰাজ্যিক ভিত্তিত এইদৰে হেপ্পীনেছ কীট বিতৰণ কৰি থাকিব।

Share on whatsapp
WhatsApp
Share on facebook
Facebook
Share on twitter
Twitter
Share on email
Email

এগৰাকী চিকিৎসকে শিশুৰ বাবে এখন উদ্যান আগবঢালে

পূজা বতৰত শিশু সকললৈ পূজা উপহাৰ আগবঢ়ালে এগৰাকী চিকিৎসকে ।তিনিচুকীয়া জিলা ডিগবৈ ৰশ্মিতা উপাধ্যায় নামৰ চিকিৎসক গৰাকীয়ে সপ্তমী দিনা এখন শিশু উদ্যান আগবঢালে।

 

চিকিৎসক গৰাকীয়ে ডিগবৈ বালিজান প্ৰাথমিক বিদ্যালয়ৰ প্ৰাঙ্গনত পিতৃ মাতৃ সোঁৱৰণত এখনি শিশু উদ্যান স্থাপন কৰে। এই শিশু উদ্যান খন শুভ উদ্বোধন কৰে অসম চিকিৎসা মহাবিদ্যালয় অৱসৰপ্ৰাপ্ত অধ্যক্ষ ড° নাৰায়ণ উপাধ্যায় । উল্লেখযোগ্য যে চিকিৎসক গৰাকী এনে মহানুভৱতাক অঞ্চলবাসীয়ে শলাগ লয়।

জিৰাফক চাহ বাগিছাৰ মাজত ৰাখিছে,কিন্তু কিয়

হাতীৰ উপদ্ৰপৰ পৰা ৰক্ষা পাবলৈ নুমলীগড় চাহ বাগিচাৰ কর্তৃপক্ষই গ্ৰহণ কৰিছে এক বিশেষ পদক্ষেপ।ধলাগুৰি চাহ বাগিচাৰ কৰ্তৃপক্ষই গ্ৰহণ কৰিছে এই ব্যৱস্থা।

 

উল্লেখযোগ্য যে ধলাগুৰি চাহ বাগিচাত চাহ বাগানৰ মাজত স্থাপন কৰিছে এক জিৰাফৰ  কাঠৰ প্ৰতিমূৰ্তি । চাহ বাগিচাৰ কর্তৃপক্ষই বিশ্বাস কৰে যে বনৰীয়া হস্তীয়ে এই জিৰাফক দেখিলে দূৰতে বিদূৰ হ’ব। সেইসূত্রে তেওঁলোকে জিৰাফৰ প্ৰতিমূৰ্তি বাগিচাত স্থাপন কৰিছে।

উল্লেখযোগ্য যে এই প্ৰকাণ্ড কাঠৰ জিৰাফটো দেখিলে বন্যহস্তী যাক আঁতৰি যায়।যি সময়ত হাতী মানুহৰ সংঘাতে ভয়াৱহ ৰূপ ধাৰণ কৰিছে,সেই সময়ত বাগিচাৰ কৰ্তৃপক্ষই জিৰাফক বাগিছাত স্থাপন কৰি নিৰ্দশন দাঙি ধৰিছে।

পূজা মণ্ডপত মাস্ক বিতৰণ কৰিলে অভিনেত্ৰী আইমী বৰুৱাই

প্ৰতিকূল বতৰৰ মাজতে উদযাপন হৈছে দেৱী দূর্গাৰ পূজা।কিনকিনীয়া বৰষুণে পূজাৰ পৰিৱেশ অধিক সেমেকা কৰি তুলিছে।

 

ক’ৰণা পৰিস্থিতিৰ  আৰু বৰষুণৰ বাবে এইবাৰৰ পূজা মণ্ডপসমূহত নাই ভক্তৰ ভিৰ। চৰকাৰী নীতি নিয়ম পালন কৰি ৰাইজ ঠাইয়ে ঠাইয়ে পূজা মণ্ডপত ভিৰ কৰা পৰিলক্ষিত হৈছে।

আনহাতে শনিবাৰে জাগীৰোডৰ বিভিন্ন পূজা মণ্ডপত দেখা গ’ল জনপ্ৰিয় অভিনেত্ৰী আইমী বৰুৱাক।প্ৰতিবাৰৰ দৰে এইবাৰো অভিনেত্ৰী গৰাকীয়ে জাগীৰোড সমষ্টিৰ বিভিন্ন পূজা মণ্ডপ পৰিদৰ্শন কৰি দেৱীৰ আশীষ লোৱা পৰিলক্ষিত হয়।এইবাৰ অভিনেত্ৰীগৰাকীয়ে জাগীৰোড বিভিন্ন পূজা মণ্ডপত ৩০ হাজাৰ মাস্ক বিতৰণ কৰে।

আকাশবাণী নগাঁও কেন্দ্ৰৰ সৌজন্যমূলক সাহিত্য অনুষ্ঠানে শ্ৰুোতাৰ মন জয় কৰিছে

আকাশবাণী নগাঁও কেন্দ্ৰই যোৱা চাৰিমাহ ধৰি প্ৰতি সপ্তাহৰ মঙ্গল আৰু শুক্ৰবাৰে পুৱা ৯.১৫ত প্ৰচাৰ কৰি অহা সৌজন্যমূলক সাহিত্য অনুষ্ঠানটিয়ে সচেতন শ্ৰুোতাৰ মনোযোগ আকৰ্ষণ কৰিবলৈ সক্ষম হৈছে।উল্লেখযোগ্য যে এই অনুষ্ঠানটিৰ যোগেদি নপুৰণি লেখক লেখিকা সকলে তেওঁলোকৰ সদ্যপ্ৰকাশিত গল্প, প্ৰৱন্ধ,কবিতা, নাটক,উপন্যস আদি গ্ৰন্থসমূহৰ পৰিচয় শ্ৰুোতা সমাজৰ আগত দাঙি ধৰাৰ উপৰিও লেখক সকলক  পৰিচয় কৰাই দিয়া হয়।

 

 

ইতিমধ্যে অসমৰ কেবাগৰাকী প্ৰতিষ্ঠিত কবি আৰু লেখকে এই অনুষ্ঠানটিত ভাগ লৈছে ।তদুপৰি, সম্প্ৰতি কেন্দ্ৰটোৰ পৰা প্ৰচাৰ হৈ থকা ডাঃ নৰেন কুটুমৰ “ভালপোৱাৰ কথোপকথন” নামৰ কবিতা সংকলনখনৰ সমূহ কবিতা সংগীত সংযোজনাৰে ধাৰাবাহিক ভাবে প্ৰচাৰ কৰি এক ব্যতিক্ৰমী  অনুষ্ঠান কেন্দ্ৰটিয়ে শ্ৰুোতাক উপহাৰ দিবলৈ সক্ষম হৈছে।

খবৰ যুগুতালে ৰাহুল দেৱ বৰদলৈয়ে