চি আই আই এইচ আৰ সমাৰোহৰ অংশস্বৰুপে অনুষ্ঠিত হোৱা এক বৈঠকত অংশ গ্ৰহণ কৰি গোপালকৃষ্ঞনে কয় যে যোৱা ২৫বছৰত ভাৰতে ৬০০বিলিয়ন ডলাৰৰ পৰা ২.৫ত্ৰিলিয়ন ডলাৰ অৰ্থনীতিলৈ গতি কৰিছে অৰ্থাৎ পূৰ্বৰ তুলনাত জনমূৰি আয় ৫ গুণ বৃদ্ধি পাইছে।উত্তৰ পূৰ্বাঞ্চলৰ ৰাজ্যসমূহৰ ইণ্টাৰনেটৰ সংযোগ উন্নীতকৰণ হোৱাটো প্ৰয়োজনীয়।তথ্য প্ৰযুক্তিৰ সা সুবিধা সমূহ লাভ কৰিবলৈ চৰকাৰ, জনসাধাৰণৰে সমূহীয়াকৈ আগবঢ়া উচিত।এই সমাৰোহখনত ডক্টৰ দেৱেন বুঢ়াগোহাঁই, পি কিশোৰ বাবু, এন এফ ৰেলৱেৰ ভাৰত গোস্বামী, শ্ৰীয়া চন্দক, কাজল শইকীয়া ,অলি বৰাকে আদি কৰি বহুকেইজন বিশিষ্ট ব্যক্তিয়ে অংশগ্ৰহণ কৰে।
পুৰণিগুদামৰ বিহু তলিত অ ৪ ব`হাগৰ দিনটোক ‘গছ বিহু’ হিচাপে পালনৰ আহ্বান অৰণ্য মানৱৰ
admin April 19, 2021 1:27 PM
ৰাজ্যৰ সৰ্বত্ৰে এতিয়া ৰঙালীৰ উখল মাখল পৰিৱেশ। নগাঁও পুৰণিগুদামত ‘নাট্যম গোষ্ঠী’য়ে অনুষ্ঠিত কৰিছে বিহু নৃত্য আৰু ঢোল বাদনৰ কৰ্মশালাৰ । অলপতে নাট্যম গোষ্ঠীয়ে অনুষ্ঠিত কৰা মুকলি বিহু চাবলৈ পাৰঘাটৰ বিহু তলিত উপস্থিত হয় অৰণ্য মানৱ যাদৱ পায়েং।
উল্লেখযোগ্য যে তেখেতে পুৰণিগুদামৰ বিহু তলিত উপস্থিত হৈ ৪ ব’হাগৰ দিনটো পৰম্পৰাগত ভাৱে গছ বিহু হিচাপে পালন কৰিবলৈ নগাঁওবাসীক আহ্বান জনায়।গছৰ তলত বিহু পাতিলে নাচিবলৈ নজনা গছজোপায়েও হাঁহিব পাৰে বুলি তেখেতে মন্তব্য কৰে।
অৰণ্য মানৱ যাদৱ পায়েঙক এখনি গামোচা, এখন চেলেং চাদৰ আৰু এখন ফলকৰ জৰিয়তে ৰাজহুৱাভাৱে সম্বৰ্দ্ধনা জ্ঞাপন কৰে।অনুষ্ঠানত উপস্থিত থাকি প্ৰকৃতি তথা মানুহৰ প্ৰাকৃতিক ভাৰসাম্য ৰক্ষাৰ অৰ্থে কৰিবলগীয়া কৰ্ম সম্বন্ধেও পায়ঙে মন্তব্য কৰে।
ভিউৱাছৰ মতামত