এমাজনে ভাৰতত ইয়াৰ বিশ্বব্যাপী প্ৰথম মোবাইল-অনলী ভিডিঅ’ পৰিকল্পনা : প্ৰাইম ভিডিঅ’ মোবাইল এডিছন আৰম্ভ কৰিছে

প্ৰতিজন ভাৰতীয়ৰ বাবে উচ্চ মানদণ্ডৰ মনোৰঞ্জনৰ প্ৰৱেশাধিকাৰ বৃদ্ধি কৰাৰ প্ৰচেষ্টা ত্বৰান্বিত কৰা, এমাজনে আজি প্ৰাইম ভিডিঅ’ মোবাইল এডিছন আৰম্ভ কৰিছে – এক মোবাইল-অনলী প্লেন মাত্ৰ ₹89-ৰ এক আশ্চৰ্য্যকৰ পৰিচয় মূল্যত সূচনা কৰা হৈছে। গ্ৰাহকসকলক মোবাইল- অনলী প্ৰাইম ভিডিঅ’ পৰিকল্পনা প্ৰদান কৰা ভাৰত বিশ্বৰ প্ৰথম এমাজ’ন প্ৰাইম দেশ। সুলভ তথ্যৰ দ্বাৰা পৰিচালিত সৰ্বব্যাপী স্মাৰ্টফোনটো মনোৰঞ্জনৰ বাবে দেশখনৰ প্ৰথম প্ৰছন্দৰ স্ক্ৰীণত পৰিণত হৈছে। প্ৰাইম ভিডিঅ’ মোবাইল এডিছন হৈছে এক একক ব্যৱহাৰকাৰী মোবাইল-অনলী পৰিকল্পনা, যি গ্ৰাহকসকলক SD মানদণ্ডৰ ষ্ট্ৰীমিং প্ৰদান কৰে যাক বিশেষকৈ ভাৰতৰ দৰে মোবাইল-প্ৰথম দেশৰ বাবে সৃষ্টি কৰা হৈছে। প্ৰাইম ভিডিঅ’ই প্ৰাইম ভিডিঅ’ মোবাইল এডিছনৰ প্ৰথম ৰোল-আউটৰ বাবে ভাৰতৰ প্ৰিমিয়াৰ যোগাযোগ সমাধান প্ৰদানকাৰী ভাৰতী এয়াৰটেল (“এয়াৰটেল”) সৈতে সহযোগিতাত অৱতীৰ্ণ হৈছে।

ভাৰতত আৰম্ভ কৰা প্ৰাইম ভিডিঅ’ মোবাইল এডিছনৰ অংশ হিচাপে বাণ্ডল কৰা প্ৰি-পেইড পেকত থকা সকলো এয়াৰটেল গ্ৰাহকে কেৱল এয়াৰটেলৰ পৰা এমাজনলৈ ছাইন আপ কৰি 30 দিনৰ বিনামূলীয়া টৰায়েল প্ৰাপ্ত কৰিব পাৰে। 30দিনৰ বিনামূলীয়া ট্ৰায়েৰ পিছত, এয়াৰটেলৰ গ্ৰাহকসকলে 6GB ডাটাৰ সৈতে 28 দিনৰ প্ৰাইম ভিডিঅ’ মোবাইল এডিছন প্ৰাপ্ত কৰিবলৈ ₹89-ৰ আৰম্ভণি প্ৰিয় অফাৰেৰে প্ৰাইম ভিডিঅ’ মোবাইল এডিছন উপভোগ কৰিব পাৰে বা 28 দিনৰ বৈধতাৰ ₹299 পেক বাছনি কৰিব পাৰে যাৰ ভিতৰত আছে অসীমিত কল, প্ৰতিদিনে 1.5 GB ডাটা প্ৰৱেশাধিকাৰ।
মাল্টী-ইউজাৰ এক্সেছ, স্মাৰ্ট টিভি সমন্বিতে বহু ডিভাইচজুৰি ষ্ট্ৰীমিং আৰু সমলসমূহ HD/UHD-ত উপভোগ কৰাৰ আনন্দৰ সৈতে অন্যান্য প্ৰাইম সুইধাসমূহৰ সমন্বিতে পাইম মিউজিকৰ সৈতে Amazon.in -ত দ্ৰুত বিনামূলীয়া শ্বিপিং অভিজ্ঞতাসহ সম্পূৰ্ণ প্ৰাইম ভিডিঅ’ অভিজ্ঞতা লাভ কৰিব বিছৰা গ্ৰাহকসককলৰ বাবে ₹131 টকাত 30 দিনৰ এমাজন প্ৰাইম ভিদিঅ’ মেম্বাৰশ্বিপ বা এটা 28 দিনৰ বৈধতাসহ দৈনিক 2 GB-ৰ ডাটা অভিগম্যতাৰে অসীমিত কলিঙৰ সৈতে ₹349 ৰ ৰিচাৰ্জৰ বিকল্প থাকিব।

ৰিচাৰ্জবোৰ এয়াৰটেলত উপলব্ধ হ’ব এয়াৰটেল থেঙ্কছ বা সমগ্ৰ দেশত এক মিলিয়নৰো অধিক ৰিচাৰ্জ পইণ্টত। এই অফাৰে প্ৰাইম ভিডিঅ’ৰ সম্পূৰ্ণ মনোৰঞ্জন সমল লাইব্ৰেৰীত সীমাহীন প্ৰৱেশাধিকাৰপ্ৰদান কৰে আৰু গ্ৰাহকক প্ৰাইম ভিডিঅ’ত প্ৰৱেশ কৰিবলৈ অধিক পছন্দ আৰু বিকল্প প্ৰদান কৰে।

এই মুকলিৰ কথা কৈ এমাজন প্ৰাইম ভিডিঅ’ ৱৰ্লডৱাইডৰ উপ-সভাপতি জে মেৰিনে কয়- ‘ভাৰত অতি উচ্চ এঙ্গেজ্মেণ্টৰ হাৰৰ সৈতে বিশ্বৰ আমাৰ আটাইতকৈ দ্ৰুত গতিত বিকশিত অঞ্চল। এই সঁহাৰিটোৰ দ্বাৰা, আমি আমাৰ বহু প্ৰিয় মনোৰঞ্জনৰ সমল ভাৰতীয় গ্ৰাহকসকলৰ এক ডাঙৰ আধাৰত প্ৰদান কৰি দুগুণ কম কৰিব বিচাৰোঁ। দেশত উচ্চ মোবাইল ব্ৰডবেণ্ড প্ৰৱেশ প্ৰদান কৰি, মোবাইল ফোনটো আটাইতকৈ বহুলভাৱে ব্যৱহৃত ষ্ট্ৰীমিং ডিভাইচবোৰৰ এটা হৈ পৰিণত হৈছে। প্ৰাইম ভিডিঅ’ মোবাইল এডিছন আৰম্ভ কৰাৰ সৈতে আমি প্ৰতিজন ভাৰতীয়ক আমাৰ একচেটিয়া আৰু মূল সমলৰ সৈতে মনোৰঞ্জন কৰাৰ বাবে আগ্ৰহী।”

ভাৰতত মুখ্য কাৰ্য্যালয় থকা এয়াৰটেল হৈছে দক্ষিণ এছিয়া আৰু আফ্ৰিকাৰ 18 খন দেশত অপাৰেচন থকা এক বিশ্বব্যাপী টেলিযোগাযোগ কোম্পানী। কোম্পানীটো বিশ্বব্যাপী শীৰ্ষ তিনিটা মোবাইল অপাৰেটৰৰ ভিতৰত আছে আৰু ইয়াৰ মোবাইল নেটৱৰ্কে দুই বিলিয়নৰো অধিক লোকৰ জনসংখ্যা আৱৰে। এয়াৰটেল হৈছে ভাৰতৰ সৰ্ববৃহৎ সমন্বিত টেলিকম প্ৰদানকাৰী আৰু আফ্ৰিকাৰ দ্বিতীয় সৰ্ববৃহৎ মোবাইল অপাৰেটৰ। ছেপ্টেম্বৰ 2020-ৰ শেষত, এয়াৰটেলৰ কামৰ সময়ত প্ৰায় 440 নিযুত. গ্ৰাহক আছিল। এয়াৰটেলৰ পৰ্টফলিঅ’ত আছে উচ্চ গতি 4G/4.5G মোবাইল ব্ৰডবেণ্ড, এয়াৰটেল এক্সট্ৰীম ফাইবাৰ যি 1Gbps পৰ্যন্ত গতিৰ প্ৰতিশ্ৰুতি দিয়ে, এয়াৰটেল এক্সট্ৰীম 4K হাইব্ৰিড বক্সৰ যোগেৰে ডিজিটেল টিভি সমাধান, এয়াৰটেল পেমেণ্টবেণ্ট বেঙ্কৰ যোগেৰে ডিজিটেল পৰিশোধ ৰখাৰ লগতে এক লাখৰো অধিক ব্যৱসায়ত ।

এয়াৰটেলৰ অ’টি’টি সেৱাবোৰৰ ভিতৰত আছে ছেল-কেয়াৰৰ বাবে এয়াৰটেল থেংকছ এপ্প, ভিডিঅ’ৰ বাবে এয়াৰটেল এক্সট্ৰীম এপ্প, মনোৰঞ্জনৰ বাবে উইঙ্ক মিউজিক আৰু ভিডিঅ’ কনফাৰেন্সিংৰ বাবে এয়াৰটেল ব্লুজিনছ। ইয়াৰ উপৰিও, এয়াৰটেলে বিশ্বৰ শ শ কোম্পানীৰ সৈতে কৌশলগত অংশীদাৰীতা গঢ়ি তুলিছে যি এয়াৰটেল প্লেটফৰ্মক অসংখ্য গ্ৰাহক আৰু উদ্যোগ সেৱা প্ৰদান কৰিবলৈ সক্ষম কৰে।

Share on whatsapp
WhatsApp
Share on facebook
Facebook
Share on twitter
Twitter
Share on email
Email

নেছনেল ইনষ্টিটিউট অৱ ফ্লিম টেলিভিছন এণ্ড থিয়েটাৰ ষ্টাডিজৰ বিদ্যালয় গৃহ শুভ উন্মোচন

ৰূপকোঁৱৰ জ্যোতিপ্ৰসাদ আগৰৱালাৰ স্মৃতিত পালন কৰি অহা শিল্পী দিৱসৰ লগত সংগতি ৰাখি গুৱাহাটীৰ বৰবাৰীস্থিত “নেচনেল ইনষ্টিটিউট অৱ ফ্লিম টেলিভিছন এণ্ড থিয়েটাৰ ষ্টাডিজ”ৰ বিদ্যালয় গৃহৰ শুভ উদ্ধোধন আৰু নতুন বৰ্ষৰ পাঠদান কাৰ্যসূচীৰ আজি শুভাৰম্ভ কৰা হয়৷বিদ্যালয়ৰ নৱনিৰ্মিত গৃহদ্বাৰৰ শুভ উন্মোচন(উদ্ধাধন) কৰে বিশিষ্ট সাংস্কৃতিক ব্যক্তিত্ব, চিত্ৰ পৰিচালক হেমেন দাসে৷ ডিমৰীয়া কলেজৰ অৱসৰপ্ৰাপ্ত অধ্যক্ষ তথা NIFTTS ৰ বৰ্তমানৰ সঞ্চালক ড° ৰামচৰণ ভৰালীৰ আশাুশুধীয়া প্ৰচেষ্টা আৰু নাট্যকৰ্মী প্ৰৱীণ শইকীয়াৰ লগতে আন কেইবাগৰাকী ব্যক্তিৰ সহযোগত ১৯৯৪ চনতে স্থাপন হোৱা বিদ্যালয়খন কিছুমান অসুবিধাৰ বাবে কিছুদিন সাময়িকভাৱে বন্ধ হৈ আছিল৷আজি ইনষ্টিটিউটখনৰ নিজা চৌহদত ৰবীন ডেকাৰ সভপতিত্বত আয়োজিত এখন মুকলি সভাত পুনৰ অভিনয়কলা আৰু নৃত্যকলা বিষয়ক এবছৰীয়া পাঠ্যক্ৰমটিৰ শুভাৰম্ভ কৰা হয়৷উল্লেখ্য যে ৰাষ্ট্ৰীয় তথা আন্তৰাষ্ট্ৰীয় পৰ্যায়ৰ প্ৰশিক্ষকৰ দ্বাৰা শিশুৰ শাৰীৰিক মানসিক বৌদ্ধিক বিকাশৰ উদ্দেশ্য আগত ৰাখি আৰু বৰ্তমানৰ শিক্ষা ব্যৱস্থাৰ লগত সংগতি ৰাখি নেছনেল ইনষ্টিটিউট অৱ ফ্লিম টেলিভিছন এণ্ড থিয়েটাৰ ষ্টাডিজে ৭-১৪বছৰ বয়সৰ ছাত্ৰ-ছাত্ৰীৰ উপযোগী ভিন্ন মাধ্যমত অভিনয় প্ৰশিক্ষণ গ্ৰহণৰ এবছৰীয়া বিজ্ঞানসন্মত নাট্য সম্পৰ্কীয় পাঠ্যক্ৰমৰ ব্যৱস্থা কৰিছে৷

আজিৰ মুকলিসভাত ড° প্ৰভাত চন্দ্ৰ ভূঞা,ড° সৰলা ভূঞা,ড°অঞ্জনা গোস্বামী,ৰবীন শইকীয়া,তৃষ্ণা দেৱী,হিল্লোল কুমাৰ পাঠক, ৰাজীৱ সাউদ,মণিষ ডেকা,বিশ্বজ্যোতি শৰ্মা,দৰ্শনা বৰুৱা,সবিতা শইকীয়া ,মানৱ বৰকাকতি,মানস প্ৰতীম নেওঁগ,মহেশ কলিতা,খনীন ডেকা,আদি ভিন্ন ক্ষেত্ৰৰ বহুকেইগৰাকী গণ্য মান্য ব্যক্তি সন্মানীয় অতিথি হিচাপে উপস্থিত থাকে৷সভাখনত দিব্যাংগ নাট্য বিদ্যালয়ৰ ছাত্ৰ কৌশিক ৰয়ে জ্যোতিসংগীতত এটি নৃত্য প্ৰদৰ্শন কৰাৰ লগতে NIFTTS ৰ শিক্ষাৰ্থী মেঘা সিন্‌হা,তেজস্ব ভৰদ্বাজ,জয়শ্ৰী ৰায়,ৰিপিতা দেৱী,অংকিতা দেৱীয়ে জ্যোতিসংগীত আধাৰিত এটি দলীয় নৃত্যও পৰিবেশন কৰে৷সভাখনত ৰূপকোঁৱৰক সন্মান জনাই জ্যোতি সংগীত পৰিবেশন কৰে উন্মীলনা অলম্যানে৷

আৰম্ভ হ`ল ৰূপকোঁৱৰ নাট্য উৎসৱ

অসমীয়া সংস্কৃতিৰ প্ৰাণকেন্দ্ৰ শ্ৰীমন্ত শংকৰদেৱ কলাক্ষেত্ৰই প্ৰথম বাৰৰ বাবে আয়োজন কৰিছে নাট্য চর্চাৰ এক বিশেষ অনুষ্ঠান ৰূপকোঁৱৰ নাট্য উৎসৱ।অসমৰ সাহিত্য আৰু সংস্কৃতিৰ ৰূপকাৰ জ্যোতি প্ৰসাদ আগৰৱালা দেৱৰ পবিত্ৰ স্মৃতিত নিবেদন কৰা হয় চৌখিন নাট্য সম্ভাৰ।আজিৰে পৰা অহা ১৯ জানুৱাৰীলৈ শ্ৰীমন্ত শংকৰদেৱ কলাক্ষেত্ৰৰ শ্ৰীশ্ৰী মাধৱদেৱ আন্তৰ্জাতিক প্ৰেক্ষাগৃহত তিনিদিনীয়া কাৰ্যসূচীৰে আৰম্ভ কৰা হৈছে ৰূপকোঁৱৰ নাট্য উৎসৱ।

নাটকৰ আৰম্ভণিতে প্ৰেক্ষাগৃহ প্ৰাংগনত মুক্তাঙ্গনত সন্ধিয়া ৫-৩০ বজাত গুৱাহাটী শিল্পী সকলৰ দ্বাৰা কামৰূপীয়া ঢুলীয়া চাৰ্কাচৰ অনুষ্ঠান অনুষ্ঠিত কৰা হয়। সন্ধিয়া ৬-৩০ বজাত নাট্য উৎসৱৰ শুভাৰম্ভনি অনুষ্ঠান অনুষ্ঠিত কৰা হয় উদ্বোধনী অনুষ্ঠানত আদৰণি ভাষণ আগবঢ়াই কলাক্ষেত্ৰ সমাজৰ সচিব সুৰ্দশন ঠাকুৰে।নাট্য উৎসৱৰ শুভ উদ্বোধনী কৰে বিশিষ্ট চলচিত্ৰ পৰিচালক আৰু আন্তৰাষ্ট্ৰীয় খ্যাতিসম্পন্ন কথাছবি নিৰ্মাতা তথা কলাক্ষেত্ৰ সমাজৰ সাধাৰণ পৰিষদৰ সদস্যা মঞ্জু বৰাই।

অনুষ্ঠানত সন্মানীয় অতিথি হিচাপে উপস্থিত থাকিব ক্ৰমে দুলাল ৰয়,ড° পোনা মহন্ত,প্ৰীতম শইকীয়া, আংগুৰলতা ডেকা, পূৰ্ণিমা শইকীয়া, অবিনাশ শৰ্মা। ৰূপকোঁৱৰ নাট্য উৎসৱৰ প্ৰথম দিনাৰ নাট্য নিবেদন কৰা হয় জ্যোতিপ্ৰসাদ আগৰৱালাদেৱৰ কালজয়ী নাটক কাৰেঙৰ লিগিৰী।বিশিষ্ট অভিনেতা পৰিচালক প্ৰাঞ্জল শইকীয়াৰ পৰিচালনাত নাটখনি আয়োজন কৰিছে যোৰহাট কৃষ্টিৰ পথাৰ নাট্য গোষ্ঠীয়ে। নাটখনিত অভিনয় কৰে ক্ৰমে সৌমাৰ জ্যোতি বৰা,স্বাগতা ভৰালী, শুভাশীষ ৰিয়ান কাশ্যপ, বিদ্যুৎ বৰুৱা,বিস্মিতা দত্ত, প্ৰশান্ত হাজৰিকা, শিল্পী শিখা বৰা,নিলাক্ষী বৰুৱা,চয়নিকা বৰা,লাকী বৰা,অচিতা দত্ত, প্ৰিয়াক্ষী সভাপণ্ডিত, মাধুৰিমা বৰুৱা,তাপস অৰুণ শইকীয়া, প্ৰদ্যুৎ কৃষ্ণ মহন্ত,প্ৰাচুৰ্য প্ৰাণ গোস্বামী, গোপাল কৃষ্ণ বাঢ়ে আৰু সমীৰণ দত্ত।নাটখনি সহযোগী পৰিচালনা তাপস তৰুণ শইকীয়া।সংগীত পৰিচালনা জয়ন্ত নাথ,পোহৰ তপন বৰুৱা,ৰূপসজ্জা সমীৰণ দত্ত,চয়নিকা বৰুৱা,মঞ্চ সম্পাদনা দিব্যজ্যোতি বৰুৱা।কলা নিৰ্দেশনা আৰু ব্যৱস্থাপনা নুৰুদ্দিন আহমেদ আৰু সমীৰণ দত্ত।

দৰং জিলা সাহিত্য সভাৰ শিল্পী দিৱস উদযাপন

দৰং জিলা সাহিত্য সভাৰ অন্যতম সক্ৰিয় শাখা হিচাপে পৰিচিত লুইতপৰীয়া সাহিত্য সভাৰ উদ্যোগত দৰং জিলা সাহিত্য সভাৰ শিল্পী দিৱসটি দেওবাৰে দিনজোৰা কাৰ্যসূচীৰে উপৰ কুৰুৱাৰ আনন্দৰাম পুথিভঁৰাল প্ৰাংগনত পালন কৰা হয় ।কাৰ্যসূচী অনুসৰি আজি পুৱা ৮ বজাত আনন্দৰাম পুথিভঁৰালৰ সম্পাদক কুশল দাস আৰু উপ সভাপতি ভূপেন দাসৰ পৰিচালনাত সম্পন্ন হয় পৰিৱেশ নিকাকৰণ ।

পুৱা ৮-৫৫ বজাত অসম সাহিত্য সভাৰ পতাকা উত্তোলন কৰে লুইতপৰীয়া সাহিত্য সভাৰ সভাপতি বিষ্ণু প্ৰসাদ শইকীয়াই।৯ বজাত বন্তি প্ৰজ্বলন কৰে লুইতপৰীয়া সাহিত্য সভাৰ প্ৰাক্তন সভাপতি বিপিন চন্দ্ৰ নাথে । ইয়াৰ পাছতেই ৰূপকোঁৱৰৰ প্ৰতিচ্ছবিত মাল্যাৰ্পণ কৰে মাজ কুৰুৱা প্ৰাথমিক বিদ্যালয়ৰ অৱসৰপ্ৰাপ্ত প্ৰধান শিক্ষক মহিম ৰাজবংশীয়ে ।

দৰং জিলা সাহিত্য সভাৰ সম্পাদক গৌতমানন্দ গোস্বামীয়ে আঁতধৰা, উপ-সভানেত্ৰী বৰদা শইকীয়াই বিয়লি এক বজাৰ পৰা আৰম্ভ হোৱা মুকলি সভা আৰু শিল্পী সম্বৰ্ধনা অনুষ্ঠান উদ্বোধন কৰে দৰং জিলা সাহিত্য সভাৰ প্ৰাক্তন সম্পাদক সৎৰাম ডেকাই । সভাত নিৰ্দিষ্ট বক্তাৰ ভাষণ প্ৰদান কৰে ছিপাঝাৰ মহাবিদ্যালয়ৰ অসমীয়া বিভাগৰ মুৰব্বী অধ্যাপক ড০ প্ৰসন্ন কুমাৰ নাথে।

ৰূপকোঁৱৰক স্মৰণ কৰি..

অসমীয়া ভাষা,সাহিত্য, নাট্যজগত তথা বোলছবি জগতলৈ অৱদান আগবঢ়োৱা অন্যতম পুৰোধা ব্যক্তি হ’ল জ্যোতিপ্ৰসাদ আগৰৱালা।তেখেতে ১৯৩৫ চনতে প্ৰথম অসমীয়া চলচিত্ৰৰ জয়মতী নিৰ্মাণ কৰিছিল।সেয়ে আগৰৱালাক অসমীয়া চলচিত্ৰৰ জনক বুলি কোৱা হয়।ইয়াৰ উপৰিও জ্যোতিপ্ৰসাদ আগৰৱালাই প্ৰায় ৩০০ গীত ৰচনা কৰি নিজে সুৰ দিছিল।সেই গীত সমূহক জ্যোতিসংগীত হিচাপে জনা যায়। লগতে গল্প,কবিতা, উপন্যাস, শিশু সাহিত্য ৰচনা কৰি অসমীয়া সাহিত্যৰ ভঁৰাল টনকিয়াল কৰি থৈ গৈছে।এই গৰাকী মহামনিষীৰ মৃত্যু তিথি দিনা এন ই ফ’কাচ ডট কমৰ পৰিয়ালে শ্ৰদ্ধাৰে সুঁৱৰিছো।

২১ জানুৱাৰীৰ পৰা বোকাখাতত তিনিদিনীয়াকৈ অনুষ্ঠিত হ’ব কৃষি আৰু উদ্যান শস্যৰ ৰাষ্ট্ৰীয় মেলা

বোকাখাতত প্ৰথমবাৰৰ বাবে অনুষ্ঠিত হ’ব আন্তঃৰাষ্ট্ৰীয় (ভাৰ্চুৱেল) অংশ গ্ৰহণেৰে ৰাষ্ট্ৰীয় কৃষি আৰু উদ্যান শস্য মেলা ২০২১ ৷ তাৰ বাবে বোকাখাত ৰাজহুৱা খেল পথাৰত চলিছে যুদ্ধকালীন প্ৰস্তুতি ৷ ৰাজ্যৰ কৃষি বিভাগৰ উদ্যোগত অনুষ্ঠিত হ’ব লগা এই মেলা অহা ২১,২২ আৰু ২৩ জানুৱাৰীত অনুষ্ঠিত হ’ব ৷ মেলাত দেশৰ বিভিন্ন প্ৰান্তৰ বিপনীয়ে অংশ ল’ব ৷ শনিবাৰে বিয়লি স্থানীয় বিধায়ক তথা ৰাজ্যৰ কৃষিমন্ত্ৰী অতুল বৰাই অগ্ৰগতিৰ বুজ লয় ৷ কৃষি আৰু উদ্যান শস্যৰ সঞ্চালক মঃ জেলিলৰ লগতে কৃষি বিভাগৰ মুখ্য সচিব ৰাজেশ প্ৰসাদৰ উপৰিও জিলা আৰু মহকুমা প্ৰশাসনৰ বিষয়া বৰ্গ উপস্থিত থাকে ৷ এই মেলাত এইবাৰ ক`ভিডৰ বাবে বহিঃৰাষ্ট্ৰৰ বিপনীয়ে অংশ নল’ব যদিও আন্তঃৰাষ্ট্ৰীয় (ভাৰ্চুৱেল) অংশ গ্ৰহণ অনুষ্ঠিত হ’ব ৷ লগতে দিল্লীস্থিত বহিঃৰাষ্ট্ৰৰ ৰাষ্ট্ৰদূত সকলৰ লগতে কেন্দ্ৰীয় কৃষিমন্ত্ৰীগৰাকীক আমন্ত্ৰণ জনোৱাৰ ব্যৱস্থা কৰিছে যদিও এতিয়াও তেওঁলোকৰ নিমন্ত্ৰণ নিশ্চিত হোৱা নাই বুলি মন্ত্ৰীগৰাকীয়ে জনাইছে ৷ মেলাত বহিঃ ৰাজ্যৰ পৰা অহিব লগা অত্যাধুনিক কৃষি সামগ্ৰী প্ৰদৰ্শনৰ লগতে ৰাজ্যৰ কৃষকে প্ৰশিক্ষণ লাভ কৰিব পাৰিব বুলি সদৰি কৰে কৃষিমন্ত্ৰীগৰাকীয়ে ৷ তাৰোপৰি ৰাজ্যৰ কৃষকসকল উপকৃত হ’ব পৰাকৈ কেইখনো আলোচনাচক্ৰ অনুষ্ঠিত হ’ব ৷ অহা ২১ জানুৱাৰীত মুখ্যমন্ত্ৰী সৰ্বানন্দ সোনোৱালে মেলাখন আনুষ্ঠানিকভাৱে মুকলি কৰিব বুলি জনালে কৃষিমন্ত্ৰী অতুল বৰাই ৷ বোকাখাত ৰাজহুৱা খেলপথাৰত অনুষ্ঠিত মেলাত প্ৰতিদিনে স্থানীয় আৰু আমন্ত্ৰিত কন্ঠশিল্পীসকলৰ দ্বাৰা সাংস্কৃতিক কাৰ্যসূচীও অনুষ্ঠিত হ’ব ৷ ইয়াৰ পূৰ্বে এই মেলা গুৱাহাটী আৰু ডিব্ৰুগড়ত অনুষ্ঠিত কৰিছিল যদিও ২০২০ বৰ্ষটিত ক’ৰণা সৃষ্ট পৰিৱেশৰ বাবে অনুষ্ঠিত কৰিব পৰা নাছিল ৷

খবৰ যুগুতালে বোকাখাতৰ পৰা দিব্যজ্যোতি হাজৰিকাই ৷

কাজিৰঙাৰ এনিমেল কৰিডৰ চাফা কৰিলে মহাবিদ্যালয়ৰ ছাত্ৰ-ছাত্ৰীয়ে

কাজিৰঙা ৰাষ্ট্ৰীয় উদ্যানৰ অতি গুৰুত্বপুৰ্ণ পানবাৰীৰ এনিমেল কৰিডৰ৷ এই এনিমেল কৰিডৰে পানবাৰী সংৰক্ষিত বনাঞ্চলক কাজিৰঙা ৰাষ্ট্ৰীয় উদ্যানৰ সৈতে সংযোজিত কৰিছে ৷ এই কৰিডৰৰ মাজেৰে গৈছে ৩৭ নং ৰাষ্ট্ৰীয় ঘাইপথ ৷ এই পথেৰে অহা যোৱা কৰা যানবাহনে আৱৰ্জনা পেলাই প্ৰদূষিত কৰে এনিমেল কৰিডৰটো ৷ আজি বোকাখাতৰ জে ডি এছ জি মহাবিদ্যালয়ৰ ৰাষ্ট্ৰীয় সেৱা আঁচনিৰ ছাত্ৰ ছাত্ৰী সকলে এক অভিযানেৰে আৱৰ্জনা বুটলি প্ৰদূষণ মুক্ত কৰে এনিমেল কৰিডৰটো ৷ আজি পানবাৰীত পূৱ অসম বন্যপ্ৰাণী সংমণ্ডলৰ ডি এফ অ’ ৰমেশ কুমাৰ গগৈয়ে এই অভিযানৰ আৰম্ভণি কৰে ৷ এই উপলক্ষে পানবাৰী খণ্ড বন কাৰ্যালয় প্ৰাংগনত আয়োজিত এক অনুষ্ঠানত ডি এফ অ’ ৰমেশ কুমাৰ গগৈৰ উপৰিও কেন্দ্ৰীয় চৰকাৰৰ হিচাব পৰীক্ষণ বিভাগৰ ডেপুটি একাউন্টেট জেনেৰেল আব্ৰাহম জুদাহ চেপাহ এ, সহকাৰী বন সংৰক্ষক ঋতুপৱন বৰা, অনাৰেৰী ৱাইল্ড লাইফ ৱাৰ্ডেন উত্তম শইকীয়া, বোকাখাত বনাঞ্চলৰ বনাঞ্চলিক বিষয়া ডা৹ ইন্দ্ৰাণী বৰগোহাঁই, খণ্ড বন বিষয়া তৰুণ গগৈ, জে ডি এছ জি মহাবিদ্যালয়ৰ জ্যেষ্ঠ প্ৰৱক্তা প্ৰশান্ত ফুকন আৰু মতিৰাম দাসৰ লগতে বনকৰ্মী আৰু মহাবিদ্যালয় খনৰ ছাত্ৰ ছাত্ৰীও উপস্থিত থাকে ৷ অনুষ্ঠানত এনিমেল কৰিডৰৰ আৱৰ্জনা পৰিস্কাৰ কৰিবৰ বাবে জে ডি এছ জি মহাবিদ্যালয়ৰ ৰাষ্ট্ৰীয় সেৱা আঁচনিৰ ছাত্ৰ ছাত্ৰী সকল আগবাঢ়ি অহাৰ বাবে ভুয়সী প্ৰসংসা কৰে ডি এফ অ’ ৰমেশ কুমাৰ গগৈয়ে ৷ ছাত্ৰ-ছাত্ৰী সকলে হাতমোজা পৰিধান কৰি এনিমেল কৰিডৰটোৰ দুয়োকাষে পথৰ দাঁতিত পৰি ৰোৱা পুতি গন্ধময় আৱৰ্জনা বুটলি কৰিডৰটো পৰিস্কাৰ কৰে ৷ কাজিৰঙা ৰাষ্ট্ৰীয় উদ্যানৰ গুৰুত্বপূৰ্ণ পানবাৰী কৰিডৰটো লেতেৰা আৱৰ্জনা পেলাই প্ৰদূষণ নকৰিবৰ বাবে মহাবিদ্যালয়খনৰ ছাত্ৰ-ছাত্ৰীয়ে আহ্বান জনাইছে ৷

খবৰ যুগুতালে বোকাখাতৰ পৰা দিব্যজ্যোতি হাজৰিকাই ৷