কলা,বিজ্ঞান,বাণিজ্য বিভাগত কোনে কোনে শীৰ্ষ স্থান দখল কৰিলে

আজি ঘোষিত কৰা হয় উচ্চতৰ মাধ্যমিক চূড়ান্ত পৰীক্ষাৰ ফলাফল। সম্পূৰ্ণ পৃথক তথা ডিজিটেল পদ্ধতিত ঘোষণা কৰা হৈছে এইবাৰৰ উচ্চতৰ মাধ্যমিক চূড়ান্ত পৰীক্ষাৰ ফলাফল। আজি ঘোষণা কৰা ফলাফল অনুসৰি কেইবাগৰাকীও শিক্ষাৰ্থীয়ে স্থান লাভ কৰিবলৈ সক্ষম হয়।



কলা শাখাত শীৰ্ষ স্থান দখল কৰে দৰঙৰ পূবালী ডেকা আৰু নগাঁওৰ শ্ৰদ্ধা বৰগোহাঁইয়ে।

দ্বিতীয় স্থান দখল কৰে বৰপেটাৰ কাশ্মিৰী দাস, গোলাঘাটৰ অন্বেষা কাশ্যপ আৰু হোজাইৰ
ছাইমাই।

তৃতীয় স্থান দখল কৰে বৰপেটাৰ জুস্মিতা গোস্বামী, বঙাইগাওৰ ফাৰহানুৰ ৰহমান, দৰঙৰ ময়ূৰিকা ডেকা, কামৰূপ(গ্ৰাম্য)ৰ সংগীতা দাস, নগাওৰ
পলী বৰা, নগাওৰ প্ৰিয়াক্ষী বৰা আৰু তিনিচুকীয়াৰ মৌমিতা কোঁৱৰে।

চতুৰ্থ স্থান দখল কৰে দৰঙৰ মানসী চহৰীয়া, কটন বিশ্ববিদ্যালয়ৰ দেৱশ্ৰী বৰা, নগাওৰ তাহিৰা জামান আৰু নগাওৰ জুলী বৈশ্যই।

পঞ্চম স্থান দখল কৰে ধেমাজিৰ শৰৎ শইকীয়া, অসম জাতীয় বিদ্যালয় গুৱাহাটীৰ সম্পূৰ্ণা বাৎসায়ন , নগাওৰ কাবেৰী কোঁচ, নলবাৰীৰ
মালবিকা ভৰদ্বাজে।

ষষ্ঠ স্থান দখল কৰে যোৰহাটৰ ভাৰ্গৱ ফুকন, লখিমপুৰৰ স্বাগতা দত্ত আৰু নগাওৰ হৰ্ষিতা বৰঠাকুৰে।

সপ্তম স্থান দখল কৰে ধুবুৰীৰ অবন্তি ৰয়, ডিব্ৰুগড়ৰ অন্নশ্ৰী মহন্ত, গোলাঘাটৰ অমিতেষ নাথ, লখিমপুৰৰ দিব্য প্ৰতিম বৰা, নগাওৰ উদিতা ঈষাণী কাকতী, নগাঁওৰ শতাব্দী পূজাৰী, নগাঁওৰ
প্ৰিয়াংশী গোস্বামী আৰু নলবাৰীৰ পৰিণীতা বুজৰবৰুৱাই।

অষ্টম স্থান দখল কৰে বৰপেটাৰ আলিস্মিতা শৰণীয়া, বৰপেটাৰ ডেইজী নাথ, ডিব্ৰুগড়ৰ
আফৰিন ইছলাম আৰু গোলাঘাটৰ প্ৰাপ্তি বৰুৱাই।

নৱম স্থান দখল কৰে বঙাইগাওৰ অজশ্বেতা বশিষ্ঠ গোস্বামী, যোৰহাটৰ এপল’ কাশ্যপ আৰু নগাওৰ নম্ৰতা বৰুৱাই।

দশম স্থান দখল কৰে বৰপেটাৰ চন্দ্ৰিকা কলিতা, ধেমাজিৰ অংকিতা ভূঞা, ধুবুৰীৰ কৃষ্ণা বালা দাস, যোৰহাটৰ শুভাকাংক্ষী আত্ৰেয়া, লখিমপুৰৰ ছাহাব উদ্দিন আৰু নলবাৰীৰ মমিনা আখতাৰে।

বিজ্ঞান শাখাত এইবাৰ শীৰ্ষস্থান অধিকাৰ কৰে

শীৰ্ষ স্থান দখল কৰিছে বৰপেটাৰ আনন্দ ৰাম বৰুৱা একাডেমীৰ অবিনাশ কলিতাই। অবিনাশে লাভ কৰিছে সৰ্বমুঠ ৪৮৬ নম্বৰ।

দ্বিতীয় স্থান দখল কৰে নগাওৰ নায়িমা ফিৰ্দুচ বৰভূঞাই।

তৃতীয় স্থান দখল কৰে কামৰূপ মেট্ৰ’ৰ প্ৰীতপল বেজবৰুৱাই।

চতুৰ্থ স্থান দখল কৰে বৰপেটাৰ নিবিৰ ডেকা আৰু নগাওৰ সাগৰ গোৱালাই।

পঞ্চম স্থান দখল কৰে নগাওৰ আশীষ কুমাৰ গাৰ্গে।

ষষ্ঠ স্থান দখল কৰে ডিব্ৰুগড়ৰ অৰ্জুন বৰগোহাঁই, কামৰূপ মেট্ৰ’ৰ আয়ুসী কাব্ৰা আৰু নগাওৰ
ব্ৰেনজীত্‍ হাজৰিকাই।

সপ্তম স্থান দখল কৰে গোৱালপাৰাৰ শুভাশীষ ভৌমিক, নগাওৰ অম্লান জ্যোতি পেগু, নগাওৰ সৱনম গুঞ্জন বৰা, তেজপুৰৰ বিভাস কাফলে আৰু তেজপুৰৰ অংশুমালী শৰ্মাই।

অষ্টম স্থান দখল কৰে নগাওৰ মনিৰুল ইছলাম, নগাওৰ চিন্ময় নাথ, নগাওৰ আমিশা সিং আৰু নগাওৰ হিমানজ্যোতি বৰগোহাঁইয়ে।

নৱম স্থান দখল কৰে হোজাইৰ আছিফা নাজনীন, নগাওৰ উত্‍পলৰাজ কেমপ্ৰাই আৰু শিৱসাগৰৰ
শিবানুজ বৰকটকীয়ে।

দশম স্থান দখল কৰে বৰপেটাৰ কুনাল তালুকদাৰ, বৰপেটাৰ অভিজিত্‍ চৌধুৰী, নগাওৰ ইফটিকাৰ আহমেদ আৰু নগাওৰ অংকিতা শইকীয়াই।

বাণিজ্য শাখত শীৰ্ষ স্থান দখল কৰে ছল্ট ব্ৰুক একাডেমীৰ কৃষ্ণা মহেশ্বৰীয়ে।

দ্বিতীয় স্থান দখল কৰে সোণাৰীৰ হৰপ্ৰীত কৌৰে।

তৃতীয় স্থান দখল কৰে কাছাৰৰ বিনিতা চাহাই।

চতুৰ্থ স্থান দখল কৰে গোলাঘাটৰ জ্ঞানদ্বীপ দুৱৰা, হোজাইৰ সুৰভী দেৱ আৰু লখিমপুৰৰ পিউ দাসে।

পঞ্চম স্থান দখল কৰে ডিব্ৰুগড়ৰ প্ৰেৰণা দুৱৰা,
ডিব্লগড়ৰ আস্থা চৌধুৰী- ছল্ট ব্ৰুক একাডেমী আৰু
যোৰহাটৰ অংকুৰ জ্যোতি ভূঞাই।

ষষ্ঠ স্থান লাভ কৰে কাৰ্বি আংলঙৰ শ্ৰুতি জৈন আৰু নগাওৰ কাৰ্তিক ঢাৰিৱালে।

সপ্তম স্থান দখল কৰে বঙাইগাওৰ অৰিজিত্‍ ছাহা আৰু আৰ ডি জুনিয়ৰ কলেজৰ ৰোহিত আগৰৱালাই।

অষ্টম স্থান দখল কৰে কাছাৰৰ সুস্মিতা ৰয়, নলবাৰীৰ প্ৰীয়া জৈন নলবাৰীৰ তৃষ্ণা দেৱী আৰু শিৱসাগৰৰ মেঘা মজুমদাৰে।

নৱম স্থান দখল কৰে কাছাৰৰ আদিত্য দত্ত, গুৱাহাটী কমাৰ্চ কলেজৰ চিমি দাস আৰু লখিমপুৰৰ চাগিনা খাতুনে।

দশম স্থান দখল কৰে কামৰূপ মেট্ৰ’ৰ নলিনী জামাৰ, কামৰূপ মেট্ৰ’ৰ সাক্ষী গোলচ্চা আৰু লখিমপুৰৰ মধুসূধন শৰ্মাই।

Share on whatsapp
WhatsApp
Share on facebook
Facebook
Share on twitter
Twitter
Share on email
Email

আনুষ্ঠানিকভাৱে মুকলি হ’ল আৰ জি বৰুৱা পথ সংযোগী উৰণীয়া সেঁতু

মুখ্যমন্ত্ৰী সৰ্বানন্দ সোনোৱালে আজি গণেশগুৰি চাৰিআলি আৰ জি বৰুৱা পথৰ পৰা বিষ্ণু ৰাভা উৰণীয়া সেঁতু সংযোগী নতুনকৈ নিৰ্মাণ কৰি উলিওৱা উৰণীয়া সেঁতুখন আজি আনুষ্ঠানিক ভাৱে শুভ উদ্বোধন কৰে। ৪২৫.৫০ মিটাৰ দৈর্ঘৰ এই উৰণীয়া সেঁতুখন ২০১৮-১৯ বৰ্ষৰ ৰাজ্য চৰকাৰৰ স্ব-অগ্ৰাধিকাৰ উন্নয়ন পুঁজিৰ ৫৮.৭৪ কোটি টকা ব্যয়ৰে লোকনিৰ্মাণ বিভাগে নিৰ্মাণ কৰিছে।

 

 

এই উৰণীয়া সেঁতুখন আধাশিলা ২০১৯ চনৰ ৬ মাৰ্চত মুখ্যমন্ত্ৰী সৰ্বানন্দ সোনোৱালে স্থাপন কৰিছিল।এই সেঁতুখন নিৰ্মাণৰ লক্ষ্য ৩০ মাহ ধার্য কৰা হৈছিল যদিও মাত্ৰ ১৯ মাহৰ ভিতৰতে মেচাৰ্ছ গৌতম কনণ্ট্ৰাকচনৰ দ্বাৰা সম্পূৰ্ণ কৰা হৈছে।

 

উৰণীয়া সেঁতুখন উদ্বোধন কৰি এই উপলক্ষে আয়োজিত অনুষ্ঠানত ভাষণ প্ৰদান কৰি লক্ষ্য নিৰ্দ্ধাৰিত সময়ৰ বহু পূৰ্বে এই সেঁতুখনৰ নিৰ্মাণ কাৰ্য সম্পূৰ্ন কৰা দিশটোৱে ৰাজ্য চৰকাৰৰ সু-শাসনৰ এক উজ্জ্বল পৰিচায়ক বুলি মুখ্যমন্ত্ৰীয়ে কয়।লোক নিৰ্মাণ বিভাগৰ মন্ত্ৰী ড° হিমন্ত বিশ্ব শৰ্মা নেতৃত্বত বিভাগে এই প্ৰকল্পটো যথেষ্ট দ্ৰুততাৰে সম্পন্ন কৰা বাবে মুখ্যমন্ত্ৰীয়ে বিভাগৰ মন্ত্ৰী হিমন্ত বিশ্ব শৰ্মাক শলাগ লয়।বৰ্তমান ৰাজ্য চৰকাৰখনে শাসনভাৰ লোৱাৰ পৰা ৰাজ্য চৰকাৰখনে প্ৰকল্প সমূহ মানসম্পন্ন তথা সময় নিৰ্ধাৰিত ভাৱে সম্পূৰ্ণ কৰা দিশত যথোচিত গুৰুত্ব আৰোপেৰে সু প্ৰশাসন প্ৰতিষ্ঠা দিশত নিৰৱছিন্নভাৱে কৰ্মত ব্ৰতী হৈ আছে বুলি মুখ্যমন্ত্ৰীয়ে উল্লেখ কৰে।

 

 

গুৱাহাটীক ৰাজ্য খনৰ আত্মা বুলি উল্লেখ কৰি তেখেতে কয় যে বিশ্ব প্ৰেক্ষাপটত গুৱাহাটীক দাঙি ধৰা বাবে ৰাজ্য চৰকাৰে বহু সংখ্যাক আন্তঃগাঁথনিমূলক প্ৰকল্প ৰূপায়ণৰ লগতে উদ্ভাৱনীমূলক পদক্ষেপ গ্ৰহণ কৰি আহিছে।মহানগৰীখন আঢ়ৈ কথা মাটিৰ পৰ্যন্ত দ্বিতীয় মহলালৈকে গৃহ নিৰ্মাণ দিশত জি এম ডি এ আৰু জি এম ডি চি এ অনলাইন জৰিয়তে থিতাতে অনুমোদন জনোৱা বাবে অলপতে মুখ্যমন্ত্ৰী সহজ গৃহ নিৰ্মাণ আঁচনি শুভাৰম্ভ কৰিছে বুলি উল্লেখ কৰি মুখ্যমন্ত্ৰীয়ে মহানগৰী গৃহ সমূহৰ বাবে এক সুকীয়া ৰং ব্যৱহাৰ ওপৰত গুৰুত্ব আৰোপ কৰে যাতে ইয়ে এক সুকীয়া পৰিচয় বহন কৰিব পাৰে।মুখ্যমন্ত্ৰীয়ে এই দিশত এক আলাপ আলোচনা আৰম্ভ কৰা বাবে লোক নিৰ্মাণ বিভাগৰ মন্ত্ৰী হিমন্ত বিশ্ব শৰ্মা আৰু গুৱাহাটীৰ মহানগৰ উন্নয়ন মন্ত্ৰী সিদ্ধাৰ্থ ভট্টাচাৰ্যক আহ্বান জনায় যাতে এই বিষয়ত এক সহমতত উপনীত হ’ব পৰা যায়।

অনুষ্ঠানত ভাষণ প্ৰদান কৰি মন্ত্ৰী হিমন্ত বিশ্ব শৰ্মাই কয় যে মহানগৰীত চুপাৰ মাৰ্কেট আৰু মালিগাঁৱত অলপতে নিৰ্মাণ কাৰ্য আৰম্ভ কৰা উৰণীয়া সেঁতুসহ ৰাজ্যখনৰ বিভিন্ন প্ৰান্তত সৰ্বমুঠ ১৬ খন উৰণীয়া সেঁতু কাম চলি আছে। মহানগৰী ৰিহাবাৰীৰ সৈতে আৰ্য বিদ্যাপীঠ মহাবিদ্যালয়ত সংযোগ কৰি এখন নতুন উৰণীয়া সেঁতু নিৰ্মাণৰ বাবে প্ৰস্তাৱ লোৱা হৈছে বুলিও তেওঁ কয়।মহানগৰী ৰিহাবাৰী পৰা পানবজালৈ এক্সপেজ ক’ৰিডৰ তথা চান্দমাৰি পৰা নুমমাটিলৈ ইলেভেটেট উৰণীয়া সেঁতু নিৰ্মাণৰ দৰে আন্তঃগাঁথনিমূলক প্ৰকল্প ৰূপায়ণৰ বাবে চৰকাৰে পৰিকল্পনা কৰি আছে বুলিও মন্ত্ৰী গৰাকীয়ে কয়।

অনুষ্ঠানত মুখ্যমন্ত্ৰীয়ে প্ৰকল্প ৰূপায়ণৰ সৈতে জড়িত নির্মান কোম্পানীৰ প্ৰতিনিধি তথা লোক নিৰ্মাণ বিভাগৰ অভিযন্তা সকলকো সম্বৰ্ধনা জ্ঞাপন কৰে। লোক নিৰ্মাণ আয়ুক্ত সচিব ৰাজেশ কেম্পাই ,চাহ জনজাতি কল্যান বিভাগৰ ৰাজ্যিক মন্ত্ৰী সঞ্জয় কিষাণ, বিধায়ক ৰূপক শৰ্মা,লোক নিৰ্মাণ বিভাগৰ আয়ুক্ত সচিব ৰাজ চক্ৰৱৰ্তী,মুখ্য অভিযন্তা দিলীপ কুমাৰ হাজৰিকা,দুৰ্যোগ ব্যৱস্থাপনা বিভাগৰ ৰাজ্যিক মন্ত্ৰী যোগেন মহনৰ লগতে বহু গণ্য মান্য ব্যক্তিসকল উপস্থিত থাকে।

চানডুবিকে ধৰি অঞ্চলটোৰ কেবাটাও জলপ্ৰপাত উন্নীতকৰণৰ তৎপৰতা শ্ৰীশ্ৰী সত্য সাই সেৱা সমিতি আৰু ৰংমন ট্যুৰিজিম ছ’চাইটিৰ

গুৱাহাটী মহানগৰীৰ পৰা মাত্ৰ ৬০ কিঃমিঃ নিলগৰ অসম মেঘালয় সীমান্তত অৱস্থিত চানডুবি বিল আৰু ইয়াৰ কাষৰীয়া অঞ্চলৰ নান্দনিক প্ৰাকৃতিক সৌন্দৰ্যই যিকোনো লোককে বাৰুকৈয়ে আকৰ্ষণ কৰি আহিছে। ইফালে বিগত তিনি, চাৰি বছৰত অসম চৰকাৰৰ বিশেষ তৎপৰতাত চানডুবিৰ কাষৰীয়া অঞ্চলৰ মেঘালয় সীমান্ত সংযোগী বাট পথ সমূহ উন্নত হোৱাত যাতায়ত ব্যৱস্থা সুচল হৈ পৰিছে।

 

 

 

ফলত পৰ্যটকৰ লগতে আন লোকৰো আগমন হৈছে । অসম চৰকাৰৰ পৰ্যটন বিভাগ আৰু অসম পৰ্যটন উন্নয়ন নিগমৰ ফালৰ পৰাও শেহতীয়াভাৱে চানডুবিকে ধৰি কাষৰীয়া অঞ্চলক পৰ্যটকৰ আকৰ্ষণৰ কেন্দ্ৰবিন্দুলৈ উন্নীত কৰণৰ বাবে তৎপৰতা অব্যাহত ৰখা পৰিলক্ষিত হৈছে।

 

 

আনকি কিছুদিন পূৰ্বে চানডুবিত অনুষ্ঠিত হোৱা বিশ্ব পৰ্যটন দিৱসৰ কাৰ্যসূচীত ভাগ লৈ অসমৰ পৰ্যটন মন্ত্ৰী চন্দন ব্ৰহ্ম আৰু এ টি ডি চি ৰ অধ্যক্ষ জয়ন্তমল্ল বৰুৱাই ‘ ভোকেল ফৰ লোকেল’ আঁচনিৰ আধাৰত স্থানীয় পৰ্যটকক চানডুবিলৈ আহিবলৈ আহ্বান জনাইছে। ইতিমধ্যে নিখিল ৰাভা ছাত্ৰ সন্থাৰ বৰদুৱাৰ,ভোলাগাঁও সমিতিয়েও পৰ্যটকক মুকলি মনৰে চানডুবিকে ধৰি কাষৰীয়া অঞ্চল ভ্ৰমণ কৰিবলৈ আহ্বান জনাইছে। তেনেদৰে চানডুবিৰ পৰ্যটনৰ ক্ষেত্ৰখনৰ উন্নয়নৰ হকে কাম কৰি অহা ‘ৰংমন ট্যুৰিজিম ছ’চাইটি’য়েও এই ক্ষেত্ৰত সহযোগিতাৰ হাত আগবঢ়াইছে। আনকি কিছুমান পূৰ্বে চ’চাইটিৰ আহ্বান মৰ্মে চানডুবি আৰু কাষৰীয়া অঞ্চল ভ্ৰমণ কৰিছিল শ্ৰীশ্ৰী সত্য সাই সেৱা সমিতি নামৰ এটা স্বেচ্ছাসেৱী সংগঠনে। সংগঠনটোৰ সভাপতি অধিবক্তা সত্যেন শৰ্ম্মাৰ নেতৃত্বত এটা দলে কিছুদিন পূৰ্বে ৰংমন ট্যুৰিজিম ছচাইটিৰ কৰ্মকর্তা প্ৰমোদ কলিতা, কল্যাণ ৰাভা, চাৰ্জন ৰাভা, উৎপল ৰাভা, প্ৰাণেশ্বৰ ৰাভাৰ সৈতে চানডুবি অঞ্চলটো ভ্ৰমণ কৰিছিল। ভ্ৰমণ কালত দলটোৱে চানডুবিত নৌকাবিহাৰ কৰি অঞ্চলটোৰ বাসিন্দা সকলৰ সৈতে মত বিনিময় কৰে।

 

তেনেদৰে দলটোৱে মেঘালয় সীমান্তৰ ৰাণীখামাৰ আৰু কাফানডবাৰ পৰা দক্ষিণ কামৰূপৰ, ছয়গাঁও আৰু কুকুৰমাৰৰ মাজেৰে বৈ যোৱা কলহী নদীৰ উৎপত্তিস্থল, উকিযাম নদীৰ উৎপত্তিস্থল দ্ৰোণ, শ্ৰী আৰু ঘনা পৰিদৰ্শন কৰে। ইয়াৰ উপৰি দলটোৱে বাৰেগাঁও, ৰাণীখামাৰ আদিত থকা কেবাটাও জলপ্ৰপাত চাই তাৰ নান্দনিক দৌন্দৰ্যত অভিভূত হৈ পৰে। যাৰবাবে শ্ৰী শ্ৰী সত্য সাই সেৱা সমিতিয়ে পৰ্যটন বিভাগ আৰু এ.টি.ডি.চিক চানডুবিকে ধৰি কাষৰীয়া অঞ্চলটোক এক টুৰিষ্ট হাবলৈ ৰূপান্তৰিত কৰিবলৈ দাবী জনাইছে। উল্লেখযোগ্য যে ইতিমধ্যে পৰ্যটনৰ লগত জড়িত কেবাটাও সংগঠনে তাত ‘হোম ষ্টে হোম’ অৰ্থাৎ ঘৰুৱা পৰিবেশত পৰ্যটকক আতিথ্য দি ৰখাৰ ব্যৱস্থা কৰিছে । ইয়াৰ উপৰিও পৰ্যটন বিভাগে চানডুবিত নিজা অতিথিশালা নিৰ্মাণ কৰিছে।

 

 

২০২০ বৰ্ষৰ কাব্য কানন বঁটা ঘোষণা- নিৰ্বাচিত হৈছে ৫গৰাকী কবি

অসমীয়া কবিতাৰ প্ৰচাৰ আৰু প্ৰয়াসৰ বাবে স্থাপন হোৱা অসম কাব্য কাননৰ ২০২০ বৰ্ষ কাব্য কানন বঁটা পাঁচগৰাকী কবিলৈ আগবঢ়োৱা হৈছে।অসম কাব্য কাননৰ সম্পাদক নৱ ৰাজনে জানিবলৈ দিয়া মতে এই বৰ্ষৰ কাব্য কানন বঁটাৰ বাবে ৰণজিৎ গগৈ,ৰাতুল কুমাৰ লাহন ,নীলাভ সৌৰভ,খঞ্জনা শৰ্মা,আৰু মিণ্টুল হাজৰিকা নিৰ্বাচিত হৈছে।

 

 

 

উল্লেখযোগ্য যে কাব্য কানন বাবে নিৰ্বাচিত এই কবি পাঁচজনৰ পাঁচখন কাব্য সংকলনে এই বঁটা নিৰ্বাচনত গুৰুত্বপূৰ্ণ ভূমিকা পালন কৰিছে। সেইসমূহ কাব্য সংকলন হ’ল বুকুৰ কোণৰ চৌফলীয়া ৰ’দ এজাক,পানীগছা,উত্তৰ আধুনিক ঘাঁ,পানীৰ দুৱাৰ আৰু ৰ’দৰ গান।

 

 

অহা ২৭ ডিচেম্বৰত গুৱাহাটীত অনুষ্ঠিত হ’ব লগীয়া অসম কাব্য কানন তৃতীয় বাৰ্ষিক অধিবেশনৰ মুকলি সভাত এই বঁটা সমূহ আনুষ্ঠানিক ভাৱে প্ৰদান কৰ আকাশবাণী গুৱাহাটী কেন্দ্ৰৰ সঞ্চালক ৰাজীৱ বৰুৱাই। আনহাতে এই অধিবেশনত বিশিষ্ট কবি সমালোচক ড° মৃদুল শৰ্মা,জেষ্ঠ কবি উদয় কুমাৰ শৰ্মা, শিশু সাহিত্যিক যুগললোচন দাস বিশিষ্ট অতিথি হিচাপে উপস্থিত থাকিব।

বৰঝাৰ বিমানবন্দৰত জগদীশ বৈশ্যৰ গীত উন্মোচন

ভাৰতীয় বিমানবন্দৰ প্ৰাধিকৰণৰ বৰঝাৰস্থিত উত্তৰ পূব মণ্ডল কাৰ্যালয়ৰ উপ মহাপ্ৰবন্ধক আৰু সাংস্কৃতিক কৰ্মী জগদীশ বৈশ্যই আগন্তুক শাৰদীয় বতৰ উপলক্ষে ৰচনা কৰা ‘শৰতৰ পদূলি ‘ শীৰ্ষক গীতটো ২০ অক্টোবৰত ইউটিউৱ আৰু ফেচবুকত মুকলি কৰা হয়। উত্তৰ পূৱ মণ্ডল কাৰ্যালয়ৰ প্ৰেক্ষাগৃহত আয়োজিত এক চমু অনুষ্ঠানত গীতটো মুকলি কৰে উত্তৰ পূৱ মণ্ডলৰ ক্ষেত্ৰীয় কাৰ্যবাহী সঞ্চালন এম সুৰেশে।

 

 

অনুষ্ঠানত প্ৰাধিকৰণৰ কেবাগৰাকী বিষয়া উপস্থিত থাকে। অনুষ্ঠানত জগদীশ বৈশ্যই গীতটো সন্দৰ্ভত নিজৰ অনুভৱ আৰু ইয়াৰ আঁৰৰ কথা ব্যক্ত কৰে। উল্লেখযোগ্য যে কাঁহিকুছিস্থিত শ্ৰীমন্ত শংকৰদেৱ কৃষ্টি বিকাশ সমিতিৰ সাংস্কৃতিক বিভাগৰ আহ্বায়ক জগদীশ বৈশ্যক পাঁচ মিনিট দৈৰ্ঘ্যৰ গীতটিত সুৰ আৰু সংগীতত পল্লৱে সহযোগ কৰিছে । গীতটো ইংৰাজীলৈ অনুবাদ কৰিছে অংকিত বৈশ্যই। গীটাৰত মাইনাই, বাঁহীত সংগত কৰিছে চিত্তৰঞ্জন সোনোৱালে। আগন্তুক শাৰদীয় দুৰ্গা পূজা আৰু চলি থকা নৱৰাত্ৰিত গীতটোৱে জনপ্ৰিয়তা লাভ কৰিব বুলি আশা কৰা হৈছে।

খবৰ যুগুতালে জীতুমণী দাসে..