গংগা মোহন মিলিলে স্বৰ্ণলিপি কাব্য বঁটা

আধুনিক অসমীয়া ভাষা-সাহিত্যৰ উত্তৰণ আৰু উৎকৰ্ষৰ হকে বিগত দহটা বছৰে নিৰৱচ্ছিন্নভাৱে আৰু একক প্ৰচেষ্টাৰে নিয়মীয়াকৈ অৰিহণা যোগোৱা ” স্বৰ্ণলিপি ” আলোচনীয়ে কালি কাব্য বঁটা ঘোষণা কৰিছে ৷ সৃষ্টিশীল লেখকক অত্যন্ত সচেতনধৰ্মিতাৰে মঞ্চ প্ৰদান কৰা স্বৰ্ণলিপি এই বঁটাৰে বৌদ্ধিকভাৱে সকলোকে উৎসাহিত কৰিব ৷ এক  বিচাৰকমণ্ডলীয়ে  নবীন প্ৰতিভাশালী লেখকক বাছনি কৰে৷ তেনে এক প্ৰক্ৰিয়াৰেই ” দিচাংমুখৰ এবাটি আপং খ্যাত বিশিষ্ট কবি গংগামোহন মিলিলৈ এইবাৰ আগবঢ়োৱা হৈছে  স্বৰ্ণলিপি কাব্য বঁটা ২০২০৷

১৯৬৮ চনত শিৱসাগৰত জন্ম গ্ৰহণ কৰা গংগামোহনে শৈশৱৰে পৰা নিজৰ বহুমুখী প্ৰতিভাৰ পৰিচয়ৰে অনন্য কুচ্ছ্ৰসাধনাত ব্ৰতী হৈ কাব্য সৃষ্টিতেই সম্পূৰ্ণৰূপে মনোনিবেশ কৰি নিজৰ এক সুকীয়া শৈলীয়ে অসমীয়া কাব্য সাহিত্য জগতত এক বিশেষ স্থান অধিকাৰ কৰিবলৈ সমৰ্থ হৈছে ৷

দিচাংমুখৰ এবাটি আপং কাৰ্বি ভাষালৈ অনুদিত হৈছে আৰু তেওঁ ইতিমধ্যে ৰাম গগৈ সোঁৱৰণী বঁটা আৰু মুনীন বৰকটকী বঁটাকে ধৰি কেইবাটাও সন্মানেৰে অভিনন্দিত হৈছে ৷

২২ মাৰ্চ ২০২০ তাৰিখে অসম প্ৰকাশন পৰিষদৰ দ্বাৰা গুৱাহাটীৰ চান্দমাৰীত আয়োজিত ” গুৱাহাটী গ্ৰন্থমেলা ” ৰ প্ৰেক্ষাগৃহত শিক্ষাবিদ সাহিত্যাচাৰ্য ডঃ পৰাগ কুমাৰ ভট্টাচাৰ্যৰ পৌৰহিত্যত অনুষ্ঠিত হ’বলগীয়া বঁটা প্ৰদানৰ এক বিশেষ অনুষ্ঠানত বিশিষ্ট অতিথি কৃষ্ণকান্ত সন্দিকৈ ৰাজ্যিক মুক্ত বিশ্ববিদ্যালয়ৰ নৱনিযুক্ত উপাচাৰ্য শিক্ষাবিদ ডঃ কন্দৰ্প দাস , অসম প্ৰকাশন পৰিষদৰ সচিব প্ৰমোদ কলিতা আৰু মুখ্য অতিথি অসম সাহিত্য সভাৰ ভূতপূৰ্ব সভাপতি , সম্প্ৰতি সাহিত্য অকাদেমীৰ কাৰ্য্যকৰী সমিতিৰ সদস্য তথা অসমীয়া ভাষা উপদেষ্টা পৰিষদৰ আহ্বায়ক বিশিষ্ট সাহিত্যিক ডঃ ধ্ৰুৱজ্যোতি বৰাৰ স্বৰ্ণাভ স্পৰ্শেৰে উক্ত স্বৰ্ণলিপি কাব্য বঁটা প্ৰদান কৰা হ’ব ৷

Share on whatsapp
WhatsApp
Share on facebook
Facebook
Share on twitter
Twitter
Share on email
Email

এগৰাকী চিকিৎসকে শিশুৰ বাবে এখন উদ্যান আগবঢালে

পূজা বতৰত শিশু সকললৈ পূজা উপহাৰ আগবঢ়ালে এগৰাকী চিকিৎসকে ।তিনিচুকীয়া জিলা ডিগবৈ ৰশ্মিতা উপাধ্যায় নামৰ চিকিৎসক গৰাকীয়ে সপ্তমী দিনা এখন শিশু উদ্যান আগবঢালে।

 

চিকিৎসক গৰাকীয়ে ডিগবৈ বালিজান প্ৰাথমিক বিদ্যালয়ৰ প্ৰাঙ্গনত পিতৃ মাতৃ সোঁৱৰণত এখনি শিশু উদ্যান স্থাপন কৰে। এই শিশু উদ্যান খন শুভ উদ্বোধন কৰে অসম চিকিৎসা মহাবিদ্যালয় অৱসৰপ্ৰাপ্ত অধ্যক্ষ ড° নাৰায়ণ উপাধ্যায় । উল্লেখযোগ্য যে চিকিৎসক গৰাকী এনে মহানুভৱতাক অঞ্চলবাসীয়ে শলাগ লয়।

জিৰাফক চাহ বাগিছাৰ মাজত ৰাখিছে,কিন্তু কিয়

হাতীৰ উপদ্ৰপৰ পৰা ৰক্ষা পাবলৈ নুমলীগড় চাহ বাগিচাৰ কর্তৃপক্ষই গ্ৰহণ কৰিছে এক বিশেষ পদক্ষেপ।ধলাগুৰি চাহ বাগিচাৰ কৰ্তৃপক্ষই গ্ৰহণ কৰিছে এই ব্যৱস্থা।

 

উল্লেখযোগ্য যে ধলাগুৰি চাহ বাগিচাত চাহ বাগানৰ মাজত স্থাপন কৰিছে এক জিৰাফৰ  কাঠৰ প্ৰতিমূৰ্তি । চাহ বাগিচাৰ কর্তৃপক্ষই বিশ্বাস কৰে যে বনৰীয়া হস্তীয়ে এই জিৰাফক দেখিলে দূৰতে বিদূৰ হ’ব। সেইসূত্রে তেওঁলোকে জিৰাফৰ প্ৰতিমূৰ্তি বাগিচাত স্থাপন কৰিছে।

উল্লেখযোগ্য যে এই প্ৰকাণ্ড কাঠৰ জিৰাফটো দেখিলে বন্যহস্তী যাক আঁতৰি যায়।যি সময়ত হাতী মানুহৰ সংঘাতে ভয়াৱহ ৰূপ ধাৰণ কৰিছে,সেই সময়ত বাগিচাৰ কৰ্তৃপক্ষই জিৰাফক বাগিছাত স্থাপন কৰি নিৰ্দশন দাঙি ধৰিছে।

পূজা মণ্ডপত মাস্ক বিতৰণ কৰিলে অভিনেত্ৰী আইমী বৰুৱাই

প্ৰতিকূল বতৰৰ মাজতে উদযাপন হৈছে দেৱী দূর্গাৰ পূজা।কিনকিনীয়া বৰষুণে পূজাৰ পৰিৱেশ অধিক সেমেকা কৰি তুলিছে।

 

ক’ৰণা পৰিস্থিতিৰ  আৰু বৰষুণৰ বাবে এইবাৰৰ পূজা মণ্ডপসমূহত নাই ভক্তৰ ভিৰ। চৰকাৰী নীতি নিয়ম পালন কৰি ৰাইজ ঠাইয়ে ঠাইয়ে পূজা মণ্ডপত ভিৰ কৰা পৰিলক্ষিত হৈছে।

আনহাতে শনিবাৰে জাগীৰোডৰ বিভিন্ন পূজা মণ্ডপত দেখা গ’ল জনপ্ৰিয় অভিনেত্ৰী আইমী বৰুৱাক।প্ৰতিবাৰৰ দৰে এইবাৰো অভিনেত্ৰী গৰাকীয়ে জাগীৰোড সমষ্টিৰ বিভিন্ন পূজা মণ্ডপ পৰিদৰ্শন কৰি দেৱীৰ আশীষ লোৱা পৰিলক্ষিত হয়।এইবাৰ অভিনেত্ৰীগৰাকীয়ে জাগীৰোড বিভিন্ন পূজা মণ্ডপত ৩০ হাজাৰ মাস্ক বিতৰণ কৰে।

আকাশবাণী নগাঁও কেন্দ্ৰৰ সৌজন্যমূলক সাহিত্য অনুষ্ঠানে শ্ৰুোতাৰ মন জয় কৰিছে

আকাশবাণী নগাঁও কেন্দ্ৰই যোৱা চাৰিমাহ ধৰি প্ৰতি সপ্তাহৰ মঙ্গল আৰু শুক্ৰবাৰে পুৱা ৯.১৫ত প্ৰচাৰ কৰি অহা সৌজন্যমূলক সাহিত্য অনুষ্ঠানটিয়ে সচেতন শ্ৰুোতাৰ মনোযোগ আকৰ্ষণ কৰিবলৈ সক্ষম হৈছে।উল্লেখযোগ্য যে এই অনুষ্ঠানটিৰ যোগেদি নপুৰণি লেখক লেখিকা সকলে তেওঁলোকৰ সদ্যপ্ৰকাশিত গল্প, প্ৰৱন্ধ,কবিতা, নাটক,উপন্যস আদি গ্ৰন্থসমূহৰ পৰিচয় শ্ৰুোতা সমাজৰ আগত দাঙি ধৰাৰ উপৰিও লেখক সকলক  পৰিচয় কৰাই দিয়া হয়।

 

 

ইতিমধ্যে অসমৰ কেবাগৰাকী প্ৰতিষ্ঠিত কবি আৰু লেখকে এই অনুষ্ঠানটিত ভাগ লৈছে ।তদুপৰি, সম্প্ৰতি কেন্দ্ৰটোৰ পৰা প্ৰচাৰ হৈ থকা ডাঃ নৰেন কুটুমৰ “ভালপোৱাৰ কথোপকথন” নামৰ কবিতা সংকলনখনৰ সমূহ কবিতা সংগীত সংযোজনাৰে ধাৰাবাহিক ভাবে প্ৰচাৰ কৰি এক ব্যতিক্ৰমী  অনুষ্ঠান কেন্দ্ৰটিয়ে শ্ৰুোতাক উপহাৰ দিবলৈ সক্ষম হৈছে।

খবৰ যুগুতালে ৰাহুল দেৱ বৰদলৈয়ে