ডুবাই,লণ্ডন,হংকঙলৈ বিমান যোগে ৰপ্তানি হ’ল অসমৰ পাচলি

আজি ৰাজ্যৰ মুখ্যমন্ত্ৰী সৰ্বানন্দ সোণোৱালে মন্ত্ৰী অতুল বৰা আৰু চন্দ্ৰমোহন পাটোৱাৰীৰ উপস্থিতিত বৰঝাৰস্থিত লোকপ্ৰিয় গোপীনাথ বৰদলৈ আন্তৰ্জাতিক বিমান বন্দৰত থকা কাৰ্গো টাৰ্মিনেল চেণ্টাৰত কাৰ্গো বিমানেৰে ডুবাইলৈ ইয়াত উৎপাদিত হোৱা ৰঙালাউ ৰপ্তানিৰ ফ্লেগ অফ কৰি শুভাৰম্ভ কৰে। আনহাতে বিমানবন্দৰত ঘৰুৱা বিমানেৰে আহ যাহ কৰা যাত্ৰী সকলৰ সকলো ধৰণৰ পৰীক্ষণ তথা ব্যৱস্থাৱলীৰ সন্দৰ্ভত বুজ লয়। সকলো পৰিদৰ্শন কৰাৰ পিছতেই উপস্থিত থকা সাংবাদিক সকলৰ সৈতে হোৱা কথা বতৰাত চৰকাৰে বহিঃৰাজ্যৰ পৰা অসমলৈ অহা যাত্ৰী সকলৰ কাৰণে চৰকাৰে গ্ৰহণ কৰা সকলোধৰণৰ পদক্ষেপৰ কথা কয়।

 

 

 

 

 

ইতিমধ্যে ঘৰুৱা বিমানৰ যোগে সৰ্বমুঠ ৩৪২১গৰাকী যাত্ৰী অসমলৈ অহাৰ লগতে সৰ্বমুঠ ১১৯০গৰাকী আন ৰাজ্যলৈ যোৱা বুলি মন্তব্য কৰে মুখ্যমন্ত্ৰী সৰ্বানন্দ সোণোৱালে। বিমান বন্দৰত উপলব্ধ হোৱা ব্যৱস্থাৱলী সমূহত ৰাজ্যৰ স্বাস্থ্য বিভাগ, পৰিৱহণ বিভাগ, আৰক্ষী বাহিনী, কৰ বিভাগ আৰু আৱকাৰী বিভাগে চি আই এছ এফৰ লগত যৌথভাৱে কৰ্ম কৰি যোৱা বুলিও মন্তব্য কৰে মুখ্যমন্ত্ৰীয়ে। ক’ভিড১৯ৰ এই পৰিস্থিতিতো অসম ৰাজ্যিক পৰিবহণ বিভাগে যেনেধৰণেৰে অহৰ্নিশে দায়িত্ব পালন কৰিছে তাৰ শলাগ জনায় মুখ্যমন্ত্ৰীয়ে।

 

 

 

মুখ্যমন্ত্ৰীয়ে আজিৰ পৰিদৰ্শন কালত বিমান বন্দৰত উপস্থিত থকা স্বাস্থ্য বিষয়া, স্বাস্থ্য কৰ্মী, চি আই এছ এফ আৰু অসম ৰাজ্যিক পৰিবহণ নিগমৰ বিষয়া কৰ্মচাৰী সকলৰ সৈতে মত বিনিময় কৰে।

 

 

 

অসমৰ কৃষকে উৎপাদন কৰা সামগ্ৰী সমূহ বিমান বন্দৰৰ কাৰ্গো টাৰ্মিনেল চেণ্টাৰৰ জৰিয়তে ডুবাই, আবুঢাবি, লণ্ডন, হংকং ছিংগাপুৰ ইত্যাদি বহুতো ঠাইৰ বজাৰ সমূহলৈ ৰপ্তানি কৰা হৈছে। আজিৰ পৰা ডুবাইলৈ অসমৰ ৰঙালাউ ৰপ্তানি কৰাৰ শুভাৰম্ভ কৰা হৈছে বুলি কয় মুখ্যমন্ত্ৰী গৰাকীয়ে মন্তব্য কৰে।

 

 

 

 

ভাৰত চৰকাৰৰ সহযোগত তথা ৰাজ্য চৰকাৰৰ উদ্যোগত ৰাজ্যৰ উদ্যোগ বিভাগৰ তৎপৰতাত কাৰ্গো টাৰ্মিনেল বিল্ডিঙৰ নিৰ্মাণ কাৰ্য সম্পূৰ্ণ হোৱা বুলিও কয় মুখ্যমন্ত্ৰীয়ে। এই কাৰ্গো ৱেৰ হাউচত ৫০মেট্ৰিকটন কৃষিজাত সামগ্ৰী মজুতৰ ব্যৱস্থা থাকিব । উল্লেখ্য যে এই বিমান বন্দৰৰ পৰা এতিয়ালৈকে ১৮২মেট্ৰিকটন শাক পাচলি আৰু ফলমূল ৰপ্তানি কৰা হৈছে।

Share on whatsapp
WhatsApp
Share on facebook
Facebook
Share on twitter
Twitter
Share on email
Email

কুমাৰ ইঞ্জিনিয়াৰিঙৰ উদ্যোগত ধাৰাপুৰত নিৰ্মাণ হৈছে থলুৱা প্ৰযুক্তিৰে নিৰ্মিত ৰিক্সা

ৰাজ্যত প্রথমবাৰৰ বাবে থলুৱা প্ৰযুক্তিৰে কম মূল্যত কৃষকৰ সুবিধাৰ বাবে ইন্ধন ৰাহিকাৰক ডিজেল আৰু পেট্ৰলচালিত পাৱাৰ টিলাৰ নিৰ্মাণ কৰি সকলোৰে সমাদৰ লাভ কৰাৰ পাছত কুমাৰ ইঞ্জিনীয়াৰিং নামৰ প্ৰতিষ্ঠানটোৱে ইয়াৰ গুৱাহাটীৰ ধাৰাপুৰ নতুন বস্তিত থকা কাৰখানাত পৰিবেশ অনুকূল ই- ৰিক্সাৰ নিৰ্মাণ তথা উৎপাদন আৰম্ভ কৰিছে । ইতিমধ্যে ভোগালী বিহুৰ সময়ত থলুৱা প্ৰযুক্তিৰে নিৰ্মাণ কৰা ই-ৰিক্সাৰ পৰীক্ষামূলক চালনা আৰু প্ৰদৰ্শনীৰ ব্যৱস্থা কৰা হৈছিল। গুৱাহাটী মহানগৰ আৰক্ষীৰ যুটীয়া আৰক্ষী আয়ুক্ত পাৰ্থসাৰথি মহন্তই পৰীক্ষামূলক প্ৰদৰ্শনীৰ শুভাৰম্ভ কৰিছিল । এই সন্দৰ্ভত কুমাৰ ইঞ্জিনিয়াৰিঙৰ অধ্যক্ষ আৰু উদ্যমী ব্যক্তি কুমাৰ গৌৰৱে জানিবলৈ দিয়া মতে তেওঁলোকৰ ধাৰাপুৰ নতুন বস্তিত থকা উদ্যোগত “মেক ইন ইণ্ডিয়া” কাৰ্যসূচীৰ আধাৰত এটি অভিযন্তা আৰু বিশেষজ্ঞৰ দলে প্ৰায় তিনিমাহ যোৰা প্ৰচেষ্টাৰ অন্তত এই “৮৮৮-ই ” নামৰ ই-ৰিক্সাৰ উৎপাদন কৰিবলৈ সক্ষম হৈছে । সকলো ঠিকে ঠাকে থাকিলে অহা ফেব্ৰুৱাৰী মাহৰ প্ৰথম সপ্তাহত বাণিজ্যিক ভিত্তিত এই “৮৮৮ ই ” মডেলৰ ই ৰিক্সাৰ মুকলি কৰিব পৰা হব । জালুকবাৰীৰ গুৱাহাটী বিশ্ববিদ্যালয়ৰ বাইপাছত থকা কুমাৰ ইঞ্জিনিয়াৰিঙৰ কাৰ্যালয়ত এই ৰিক্সা সমূহ ৰখা হৈছে । চালকসহ ৫ জন প্ৰাপ্তবয়স্ক লোক বহি যাব পৰা ই ৰিক্সা সমূহত বিশ্বমানৰ কাৰিকৰী কৌশল আৰু প্ৰযুক্তিবিদ্যাৰ প্ৰয়োগ কৰা হৈছে । প্ৰথম পৰ্যায়ত ৰঙা আৰু নীলা দুটা ৰঙত উপলব্ধ হবলগীয়া ই ৰিক্সাৰ সমুহৰ বডীত অতি উন্নতমানৰ এম এছ ছিট আৰু চকাত এলয় হুইল ব্যৱহাৰ কৰা হৈছে । তেনেদৰে যাত্ৰীৰ মনোৰঞ্জনৰ বাবে ৰিক্সাৰ মিউজিক ছিষ্টেম সংযোজন কৰা হৈছে । এবাৰ চার্জ দিলে যিকোনো পথত প্ৰায় ৮০ কিঃমিঃ দূৰত্বলৈ যাত্ৰা কৰিব পৰা এই ই ৰিক্সাৰ মূল্য মাত্ৰ ১.৪৬ লাখ টকাৰ ভিতৰত ৰখা হৈছে । অতি আৰামদায়ক যাত্ৰাৰ উদ্দেশ্যৰ বাবে বডীত জিন্দাল ষ্টীল ব্যৱহাৰ কৰা হৈছে । ইতিমধ্যে ভাৰত চৰকাৰৰ লঘু আৰু ক্ষুদ্র উদ্যমিতা বিভাগ চমুকৈ এম এছ এম ই য়ে কুমাৰ ইঞ্জিনীয়াৰিঙক এই ই-ৰিক্সাৰ উৎপাদনৰ বাবে প্ৰমাণ পত্ৰ দিছে বুলি কুমাৰ গৌৰৱে জানিবলৈ দিছে । প্ৰায় ৩০ জনৰো অধিক থলুৱা আৰু দক্ষ শ্ৰমিক ই-ৰিক্সাৰ নিৰ্মাণ কাৰ্যত জড়িত হৈ আছে । ফেব্ৰুৱাৰী মাহৰ পৰা মাহেকত ১,২০০ ইউনিট উৎপাদন তথা নিৰ্মাণৰ লক্ষ্য নিৰ্ধাৰণ কৰা হৈছে।

আজিৰে পৰা অনুষ্ঠিত হ’ব ৰাষ্ট্ৰীয় কৃষি আৰু উদ্যোগ শস্যৰ প্ৰদৰ্শনী মেলা

আজিৰে পৰা বোকাখাতৰ ৰাজহুৱা খেলপথাৰত আৰম্ভ হ’ব ৰাষ্ট্ৰীয় কৃষি আৰু উদ্যান শস্যৰ প্ৰদৰ্শনী মেলা।অসম চৰকাৰৰ কৃষি,পশু পালন আৰু উদ্যান শস্য বিভাগৰ দ্বাৰা আয়োজিত এই মেলা খন আনুষ্ঠানিক ভাৱে উদ্বোধন কৰিব মুখ্যমন্ত্ৰী সৰ্বানন্দ সোনোৱালে।

তিনিদিনীয়া কাৰ্যসূচীৰে অনুষ্ঠিত হ’ব লগীয়া এই মেলাখনত আলোচনা চক্ৰ কৰ্মশালা আৰু প্ৰশিক্ষণৰ কাৰ্যসূচীও অনুষ্ঠিত হ’ব। জানিব পৰা মতে ১০ খন ৰাষ্ট্ৰ হাইকমিচনাৰে এই মেখখনত ভাৰ্চুৱেল যোগে অংশগ্ৰহণ কৰিব। ইয়াৰ উপৰিও ৰাজ্যৰ বিভিন্ন উদ্যমী লগতে চুবুৰীয়া ৰাষ্ট্ৰ ভিয়েটনাম মালয়েচিয়া বিভিন্ন দেশৰ প্ৰতিনিধিও অংশগ্ৰহণ কৰিব । উল্লেখযোগ্য যে ৰাজ্যৰ উদ্যমী সকলক উৎসাহ যোগোৱা উদ্দেশ্যে আৰু এই মেলাখন অনুষ্ঠিত কৰা হৈছে বুলি জানিব পৰা গৈছে।

অনুষ্ঠানত কেন্দ্ৰীয় কৃষিমন্ত্ৰী গৰাকীও অনলাইনযোগে কাৰ্যসূচীত অংশগ্ৰহণ কৰাৰ কথা । প্ৰায় ৫ কোটি টকাৰ বাজেটেৰে আয়োজিত ৰাষ্ট্ৰীয় পৰ্যায়ৰ এই প্ৰদৰ্শনীৰ দ্বিতীয় দিনাৰ কাৰ্যসূচীত মন্ত্ৰী হিমন্ত বিশ্ব শৰ্মাই অংশ গ্ৰহণ কৰিব বুলি সংবাদ মেলত মন্ত্ৰী অতুল বৰাই জনায় ।

অসমৰ ক্ৰীড়া প্ৰেমীলৈ সুনাম কঢ়িয়াই আনিলে ৰিংকু, বিকাশ, হিৰকজ্যোতিয়ে..

উত্তৰ প্ৰদেশৰ গাজিয়াবাদত যোৱা ১৬আৰু ১৭ জানুৱাৰীত অনুষ্ঠিত হোৱা অখিল ভাৰতীয় ৰাষ্টীয় টাইকোৱাণ্ড কাপ ২০২১ ত মহানগৰীৰ ধাৰাপুৰ টাইকোৱাণ্ড একাডেমীৰ হৈ সাত জন টাইকোৱাণ্ড খেলুৱৈয়ে অংশগ্ৰহণ কৰি বিজয়ী হৈ ধাৰাপুৰৰ লগতে অসমৰ নাম জিলিকাবলৈ সক্ষম হয় । উল্লেখ্য যে ধাৰাপুৰ টাইকোৱাণ্ড একাডেমীৰ হৈ ৰিংকু কৰোৱাই সোণৰ মেডেল,বিকাশ কলিতা, হিৰকজ্যোতি দাসে ৰূপৰ মেডেল, পৰশমণি কলিতাই ৰূপৰ মেডেল, গৌতম দাসে ৰূপৰ মেডেল, প্ৰিয়ম কলিতাই ব্ৰঞ্জৰ মেডেল আৰু গোকুল দাসে ব্ৰঞ্জৰ মেডেল লাভ কৰিবলৈ সক্ষম হয় । এই সকল খেলুৱৈ সুনাম অৰ্জন কৰি উত্তৰ প্ৰদেশৰ গাজিয়াবাদৰ পৰা উভতি অহাৰ পিছত ধাৰাপুৰত স্কুল খেল পথাৰত আজি ধাৰাপুৰ টাইকোৱাণ্ড একাডেমীৰ প্ৰশিক্ষক সঞ্জয় দাস, মুকুট বৈশ্য আৰু ধাৰাপুৰ মৌজাই বিপুল আদৰণী জনায়।

কাইলৈ পৰা অনুষ্ঠিত হ’ব জোনবিল মেলা

৪০০ বছৰীয়া পৰম্পৰা অক্ষুণ্ণ ৰাখি কাইলৈ পৰা অনুষ্ঠিত হ’ব জোনবিল মেলা।উল্লেখযোগ্য যে এই মেলাত বিনিময়ত প্ৰথাৰে সা-সামগ্ৰী ক্ৰয় হয়।ইতিমধ্যে জোনবিল মেলা উদযাপনৰ বাবে প্ৰস্তুতি অব্যাহত আছে।মেলা পৰিচালনা সমিতিয়ে পূৰ্বতকে পৰিসৰ বঢ়াই নতুনকৈ ঠাই মুকলি কৰিছে যাতে বহু মানুহৰ সমাগম হ’লেও কোনো ভিৰ পৰিলক্ষিত নহয়।আনহাতে মাস্ক পৰিধান কৰাটো অনুৰোধ জনাইছে।ইতিমধ্যে পৰিচালনা সমিতি সদস্য আৰু স্বেচ্ছাসেৱকসকলৰ ক’ভিড পৰীক্ষা কৰা হৈছে।

শেষৰ দিনৰ কুকুৰা যুঁজৰ লগতে মাছ ধৰা পৰ্ব অনুষ্ঠিত হ’ব ।উল্লেখযোগ্য যে সেইদিনা মুখ্যমন্ত্ৰী সৰ্বানন্দ সোনোৱাল উপস্থিত থাকি ১৮ গৰাকীকৈ ৰজাক ১ লাখ টকাকৈ ৰাজভাট্ৰা প্ৰদান কৰিব।

নিৰ্বাচনী আয়ুক্তই সংবাদ মেল যোগে কি ক’লে

মুখ্য নিৰ্বাচনী আয়ুক্ত সুনীল অৰোৰাই আজি মহানগৰী হোটেল ৰেডিচন ব্লুত এখন সংবাদমেল আয়োজন কৰে।তিনিদিনীয়া ভ্ৰমণসূচী লৈ অসমলৈ অহা নিৰ্বাচনী আয়োগৰ দলটোৱে উচ্চ পৰ্যায়ৰ বিষয়া লগতো আলোচনাত মিলিত হৈছিল।সংবাদমেল যোগে মুখ্য নিৰ্বাচনী আয়ুক্তই নিৰ্বাচনী সম্পৰ্কে কেতবোৰ নীতি নিৰ্দেশনা বিষয়ে অৱগত কৰায়।ইয়াৰ ভিতৰত ক’ভিডৰ প্ৰট’কল অনুসৰি ভোট কেন্দ্ৰ বৃদ্ধি কৰা আৰু নতুনকৈ এহেজাৰ ভোট কেন্দ্ৰ স্থাপন কৰা অন্যতম।

উল্লেখযোগ্য যে নিৰ্বাচন যাতে স্বচ্ছ আৰু নিকা পদ্ধতিৰে অনুষ্ঠিত হয় তাৰ প্ৰয়োজনীয় পদক্ষেপ গ্ৰহণ কৰিছে বুলি মুখ্য নিৰ্বাচনী আয়ুক্ত গৰাকীয়ে অৱগত কৰায়।কোনো প্ৰাৰ্থীয়ে অনলাইন পদ্ধতিৰে মনোনয়ন পত্ৰ সংগ্ৰহ কৰিব পাৰিব।নিৰ্বাচনী প্ৰচাৰত প্ৰাৰ্থীসহ ৫ জন লোকে ঘৰে ঘৰে নিৰ্বাচনী প্ৰচাৰ কৰিব পাৰিব।আনহাতে ৰোড শ্ব’ৰ কৰাত কোনো বাধা নাথাকিব। ৰাজ্যৰ আইন শৃংখলা পৰিস্থিতি যাতে সুস্থিৰ হৈ থাকে তাৰ বাবে চ’চিয়েল মেডিয়া ওপৰতো কঠোৰ নিৰীক্ষণ কৰা হ’ব।

উল্লেখযোগ্য যে বিহু পূৰ্বে নিৰ্বাচন অনুষ্ঠিত কৰিব বুলি মুখ্য নিৰ্বাচনী আয়ুক্ত গৰাকীয়ে জানিব দিয়ে।আনহাতে NRC ত নাম নাথাকিলেও ভোট দান কৰা সুবিধা পাব যদিহে তেওঁ ভোটৰ তালিকাত নাম থাকে।আজিৰ সংবাদমেলত উপস্থিত থাকে নিৰ্বাচন আয়ুক্ত সুচিল চন্দ্ৰা আৰু ৰাজীৱ কুমাৰ।

পেণ্ডেলৰ ব্যৱসায়ে স্বাৱলম্বী হোৱা এজন যুৱকৰ কথাৰে

বন্ধন বেংকৰ ঋণ লৈ ডিজিটেল পেণ্ডেলৰ ব্যৱসায় কৰি স্বাৱলম্বী হ’ল বিহালীৰ নিবনুৱা যুৱক নিৰ্মল গোৱালা।বিশ্বনাথ জিলাৰ বালিপুখুৰী এজন শিক্ষিত যুৱকে চৰকাৰী চাকৰি মোহ ত্যাগ কৰি ডিজিটেল পেণ্ডেলৰ ব্যৱসায় আৰম্ভ কৰি স্বাৱলম্বী হৈ পৰিছে।

প্ৰথম পৰ্যায়ত তেখেতে খেতি পথাৰ কৰি সৰুকৈ এখন গেলামালৰ দোকান আৰম্ভ কৰিছিল।বৰ্তমান সময়ত ডিজিটেল প্ৰাধান্য সকলোতে আছে।সেয়েহে তেওঁ সময়ৰ লগত খোজ মিলাই নতুনকৈ আৰম্ভ কৰিছে ডিজিটেল পেণ্ডেল।

এই ডিজিটেল পেণ্ডেল বিশ্বনাথত আৰম্ভ কৰা প্ৰথমজন ব্যক্তি হৈছে গোৱালা।মাত্ৰ দুহেজাৰ টকাৰে আৰম্ভ কৰি আজি তাৰিখত প্ৰায় পাঁচ লাখ টকা ব্যৱসায় কৰিবলৈ সক্ষম হোৱা লগতে বিশ জন লোকক সংস্থাপন দিবলৈ সক্ষম হৈছে ব্যক্তি গৰাকীয়ে।